تجميعات هـ.كهربائية و إلكترونية 2#
تَجربة الthree-phase:
ماتحتاجه:
-Function Generator.
-Oscilloscope.
-Digital multimeter
-وصلتين ثنائيات "مانعرفش اسمهم" متع الأوسي
-وصلتين للمالتيمتر.
خُطوات التَجربة:
الشّق الأول: ملاحظة وحساب الفيز شفت بين الEan والEbn، وإثبات إن التردد 50Hz
-ثاني شيء عندكم معلومة إنه التردد 50Hz، يعني إنه T=20ms، ومعلومة ثانية إنه الفيز شفت حيطلع 120º، هاذي أول قيم نظرية أو excepted results.
-نجوا للأوسي ونوصلوا الوصلتين وحدة ch1 والثانية ch2.
- الوصلة متع ch1 الحمراء وصلها في L1 والسوداء فالنيوترال "آخر وحدة من لوطة".
-الوصلة ch2 الحمراء فالL2 والسوداء فنيوترال.
-بعدها على طول حيطلعولنا الموجتين، حيكون ليهم نفس الpeak ونفس الT، لو ماطلعوش هكي يبقى فيه خطأ أو مشكلة في تعديل الأوسي وأسلم تصرف ترصوا Autoset.
-بعد لا تتأكد من سلامة موجاتك، تحسب الفيز شفت من الرسمة بالطريقة اللي نعرفوها، والزمن الدوري، ومن الزمن الدوري تحسب التردد.
-تقارن نتائجك المعملية بالنظرية، وتحسب نسبة الخطأ.
-حيسألك شن رأيك في نسبة الخطأ، مهما كانت إجابتك حيقولك علاش؟ الإجابة المفروض تكون حسب رينج معين، في التقرير طالب انك ادور مرجع لنسبة الخطأ وبما إنه يقولوا انه يسألك فتقريرك فإجابتك حتكون حسب الريفرينس اللي مقيم عليه نسبة الخطأ.
-بعدين حيقولك علاش نسبة الخطأ هاذي؟
ج: بسبب أخطاء بشرية/ ضعف الأسلاك/ عمر الأجهزة الكبير/ طول السلك المختار/ والمقاومة الداخلية للأجهزة "قدعنة مني المعلومة"
الشّق الثاني: قياس الجهد بين الL1 والN (Ean)، وبين الL1 وال L2.
-بعد لا نسكروا الأوسي ونفصلوه، نجوا للمالتيمتر.
-نجوا للقيم النظرية قبل وتو نقلكم علاش.
أول قيمة نظرية هي الEan، كيف حنعرفوها؟ هي من المواصفات أصلا، هي 7v، فوق تحت كلمة الثري فيز حتلقاها مكتوبة هي وال0.2A.
والEab نجيبوها من القانون، نضربوها فجذر ثلاثة حتطلع تقريبيا 12.124v.
-توا نجوا للمالتي، نتأكدوا إنه بطمة الAC مرصوصة، ونرصوا ع بطمة الجهد ونجوا توا للرينج، هذا علاش سبقت النتائج النظرية، لو جيت بتعدل الرينج قبل ماتحسبهم حيقولك غلط ويقولك ع أي أساس حتختار؟ لذلك انتبهولها هاذي.
-نقيسوا أول شيء الEan، وندونوا القيمة، بعدها الEab، ونقارنوهم بالexepeted، ونحسبوا نسبة الخطأ.
-بعدها عن طريق نتائجك المعملية حتثبت الجذر 3، تقسم جهد اللاين عالفيز، لو نتائجك صح حيطلعلك رقم هلبا قريب.
تقرير التجربة
#EE201
10 · 257 ·