منشور واتساب وانتهاك الخصوصية، هل الخطوة الجديدة لشركة واتساب لهلدرجة بتخوف؟

واتساب وانتهاك الخصوصية، هل الخطوة الجديدة لشركة واتساب لهلدرجة بتخوف؟ السؤال الحقيقي الي لازم نخاف منه فعلا: اش الشي الجديد الي شركة واتساب رح توصلله🤔؟ بس قبلها، هل حضرتك بتعرف اش الامور الي كانت واتساب بتوصللها سابقا؟ يعني قبل ما تغير شروط الخصوصية، على ايش كانت بتقدر تدخل؟ طبعا حضرتك ما بتعرف وشفت العالم خايفين فـ خفت معن😒 اغلب الناس لما تسأله ليش خايف من شروط الخصوصية الجديدة للوتساب؟ بقلك: "لأنه صار يقدر يراقبنا ويتجسس علينا وياخد بياناتنا"🐸 ليش أصلا هو ما كان يعمل هيك؟🙄 مين قلك أن الواتساب - او غيره من التطبيقات ووسائل التواصل - ما عم ياخد بياناتك؟ أو يشوف نشاطاتك؟ أو يعرف اهتماماتك؟🤔 هل هاد الكلام بيعني انه فعلا كانو يتجسسو على العالم وياخدو بياناتن؟ لا مو بالضرورة، واصلا مارح يقدرو يراقبو كل هالبشر، ومو فاضيين لهلشي😒 هل هاد الكلام بيعني انن شريفين وما بياخدو بيانات العالم؟ كمان مو بالضرورة.. مجرد قالولك "الرسالة مشفرة ولا احد يستطيع الوصول إليها" ما بيعني انها مشفرة ولا احد يستطيع الوصول إليها🙂 لكن بالمقابل، هاد الحكي بيعني انه حتى بـ التلغرام وبرنامج سيغنال الجديد ممكن فعلا بياناتك عم تنسرق فيه او حدا عم يتجسس عليك منه، حتى لو صحاب هالتطبيقات حلفو علمصحف انن أوادم🥴 بالمقابل كمان، لازم تعرف من ايش تخاف، وليش بدك تخاف.. اذا الاوروبيين خايفين مشان حساباتن البنكية انت ما لازم تخاف مشان حساباتك البنكية، ولا حتى البطاقة الذكية؛ لأن ببساطة انت كائن بائس فقير ما معك النكلة، والبنك مارح يرضى تمسحله بلور بوابه لحتى يفتحلك حساب عنده. ومشان البطاقة الذكية، الي عم يتجسس عليك هكر حسابك بشركة تكامل وشاف مخصصاتك رح يزعل عليك ويفتح حساب بباتريون ويشحد عليك بعدين ياخد المصاري ويسبحك👽 يعني بالمختصر: - لا تأمن لوسائل التواصل، وحاول تاخد احتياطاتك، بس لا تنجلق وتعتبر في ٣ عم يتناوبو مشان يقرو رسائلك حدا قرا كتابنا الجديد😒؟ يمكن تلاقو فيه طريقة تعملو برنامج facebook GB وتقدرو تعرفو مين زار بروفايلكن