منشور 🚨⚖️ يا سيادة المستشار.. أنا حولت 8000 جنيه بالغلط على رقم فودافون كاش.. كلمت صاحب الرقم يرجعهم قعد يلاوعنى ويقول مفيش حا…

🚨⚖️ يا سيادة المستشار.. أنا حولت 8000 جنيه بالغلط على رقم فودافون كاش.. كلمت صاحب الرقم يرجعهم قعد يلاوعنى ويقول مفيش حاجه وصلت وفى الاخر قالي "مالكش عندي حاجة واعمل اللي تعمله".. هل فلوسي راحت؟ وهل القانون يرجعها؟‼️ ✅ فلوسك مراحتش.. واللي عمله ده اسمه في القانون "إثراء بلا سبب وخيانة أمانة".. ويتحبس فيها. ⭕الناس فاكرة ان فلوس فودافون كاش لما تروح لحد بالغلط.. يبقى هو حر.. يرجعها أو ميرجعهاش.. بمزاجه.. ده كلام غلط 100%. ⭕القانون بيقول ايه؟❓ المادة 179 من القانون المدني.. والمادة 45 من قانون العقوبات: ⭕أي حد يوصله مال عن طريق الخطأ.. ويرفض يرده.. يبقى ارتكب جريمة اسمها "الاستيلاء على مال الغير بنية التملك".. عقوبتها الحبس من 6 شهور لـ سنة.. غير رد المبلغ وتعويض كمان. ⭕ومحكمة النقض حكمت قبل كده: "من يرفض رد المبلغ المحول إليه بالخطأ.. يعتبر خائناً للأمانة". ⭕طيب أرجع فلوسي ازاي؟ هتعمل الخطوتين دول بالترتيب: 🔴الخطوة الأولى: محضر رسمي وانت قاعد مكانك: هتتصل بـ 7001 خدمة عملاء فودافون كاش وتعمل شكوى وتاخد رقمها.. ♦️ وبعدها تطلع على مباحث الاتصالات والإنترنت.. ♦️ وتعمل محضر بالتحويل الخطأ.. وتقدم سكرين شوت للتحويل ورقم الشكوى. ♦️المباحث بتخاطب شركة فودافون رسمي.. وبتعرف بيانات صاحب المحفظة.. واسمه وعنوانه. ⭕الخطوة التانية: إنذار على يد محضر.. وده اللي بيخليه يرجع الفلوس وهو بيترعش ♦️المحامي بتاعك بيبعتله إنذار رسمي على عنوانه: "أنت استلمت مبلغ كذا بالخطأ يوم كذا.. وترفض رده.. وهذا يعتبر جريمة.. وسيتم اتخاذ الإجراءات القانونية". ♦️90% من الناس بترجع الفلوس أول ما يوصلها الإنذار.. لأنه بيعرف انها هتبقى قضية حبس. ⭕لو مرجعش بعد الإنذار؟❓ بترفع عليه جنحة إثراء بلا سبب.. ⭕وبتطلب من القاضي الحبس ورد المبلغ + تعويض 10 آلاف جنيه عن الضرر.. ⭕ والقاضي بيحكم فيها في أول جلسة.. لأن دليل التحويل موجود في شركة فودافون نفسها. 🌏رسالة للي بيستلم فلوس بالغلط وبيطمع فيها: الـ 8000 جنيه اللي انت طمعت فيهم.. هتدفعهم 8000 + 10 آلاف تعويض + أتعاب محامي + وهتاخد حكم حبس يفضل في فيشك طول عمرك.. عشان طمعت في فلوس مش بتاعتك. 🟢الفلوس اللي بتيجي بالغلط.. نار في جيبك.. رجعها قبل ما تحبسك. #فودافون_كاش_مش_حلال_عليك #الفلوس_الغلط_بتحبس #التحالف_الوطنى_لدعم_رئيس_الجمهوريه #موسى_محمد_على #الباحث_السياسى