Problem solving
أيام الزمن الجميل في البرمجة.. وعصر الـ Vibe Coding 😅
سابقاً كنا بنشوف في السنة عدد قليل من التطبيقات الجديدة، لكن الأغلب بيدخل الـ Production والناس فعلاً بتستخدمه وتستفيد منه. التطبيقات دي كانت بتخضع (على الأقل) لمبادئ الـ SDLC، وكل الشغالين عليها "صنايعية" ومتخصصين في مجالاتهم.
كان عندنا تيم محترم فيه: محلل أعمال، محلل نظم، System Architect، مبرمجين Seniors ومعاهم شوية Juniors، مختبرين (Testers)، ومدير مشروع.
وحتى لو كان التيم صغير، بيكونوا فاهمين دورة حياة السوفتوير صح وبيطلعوا شغل نظيف. ولو في Freelancer شايل الشيلة براهو، الجودة ممكن تقل شوية في المشاريع الكبيرة، بس في النهاية كان المجال ماسكنه ناسه (شركات أو Freelancers فاهمين شغلهم).
عشان كدا، كان عندنا أنظمة مستقرة، والبرمجة كانت بتحظى باحترام وتقدير، وما كنا بنسمع بمشاكل مستعصية، وحتى الـ Code Review كان منطقي ومفهوم لأغلب الناس.
الآن.. الوضع اتغير 180 درجة!
بقى عندنا في الأسبوع الواحد أكتر من 100 SaaS (دا في حيّنا نحنا بس 🤣🤣🤣)، وطبعاً مافي زول بيستخدمها!
حبوبتي بقت شايفة إنو عادي في ثواني تطلع سوفتوير.
جدي ركّب مكنة الـ Architecture.
وبت جيرانا عاملة فيها System Analyst.
عندي صاحبي بتاع مختبرات (فحيص)، سامعه بيقول: "البرمجة ليست حكراً على المبرمجين!" وشايفه مركب مكنة System Designer.
قمت سألته: يا حبيبنا، يعني شنو API Patterns؟ ويعني شنو Monolithic modular و يعني شنو decouple و Microservices وليه بنستخدم دا وما داك؟ وشنو يعني Caching ويعني شنو Throttling؟
رد علي بكل ثقة: "دي كلها حاجات ما محتاج أعرف عنها شي! أنا بكتب لـ ChatGPT العايزو وطوالي بعز روحي.. يا مان أنا بعرف أشتغل بـ Windsurf و Cursor، وإنت يا ستينج شكلك ما جربت Lovable أصلاً!" 🤦♂️
قلت ليهو: "ما مشكلة، إنت أصلاً حتجيب لي نظام كل الـ Classes حقتو Association بس!" 😂
القروبات بقت مليانة بمشاريع بتتعمل في لمح البصر. العملاء استغلوا الوفرة دي وبقوا يطلبوا مزايا خرافية بأسعار زهيدة، وجمهور شعبنا العظيم بتاع الـ Vibe Coding ما عندهم أي مانع!
حالياً، أصعب حاجة بتواجهني هي كيف أقنع زول يقرأ "أساسيات" المجال قبل ما يجي يشتغل.. وهو مقتنع تماماً إنو الـ Software عبارة عن: "كلام من قلبك لأي AI Model"! 💔🤖
4 · 345 ·