رسالةSiz nega ta'lim olayapsiz?

Siz nega ta'lim olayapsiz? Shu savolni o'zingizga biror marta berganmisiz? Agar bermagan bo'lsangiz hozir berib ko'ringchi, qanday javob qaytar ekan? Hammaga ma'lumki deyarli hama ota-onalar farzandlarini kelajakda yaxshi kasb egasi bo'lishini, yanayam ochiqroq aytsak ko'p pul topadigan, moliyaviy tarafdan qiynalmaydigan sohada ishlashini, obro'-e'tiborli inson bo'lishini orzu qilishadi va shu orzularni maqsad qilib farzandlarini yo'naltirishadi. Xo'sh, bu yomonmi? Umuman olganda bu tabiiy hol va aslida yomon ham emas. Albatta hamma ota-ona farzandiga va ularni orqasidan o'zlariga yaxshi hayotni hoxlaydi. Endi masalani ikkinchi tomoni ham bor. Yoshlarni faqat yaxshi ishda ishlash, ko'p pul topishdan tashqari yaratuvchanlikka ham intiluvchan qilishimiz kerak. Odatda tadbirkorlar, biznes egalari ixtirochi deb yuritilmasada lekin o'ziga hos yaratuvchilardir va ular yaxshi ish o'rinlarini tashkil etadilar va siz orzu qilgan farzandingiz ishlab topadigan puldan ko'ra ko'p pul topadilar.