𝐁𝐚𝐡𝐨𝐫𝐢𝐦 𝐢𝐣𝐨𝐝𝐢 𝐠𝐮𝐫𝐮𝐡𝐢🌷

СЕНГА ШУКР ҚИЛМАЙИН НЕЧУН Суюб дардлар берганинг учун, Синовларга солганинг учун, Назарингга олганинг учун, Сенга шукр қилмайин нечун. Шукр, мўмин қилиб яратдинг, Чор атрофга номим таратдинг, Эътиборни менга қаратдинг, Сенга шукр қилмайин нечун. Аъзоларни бут қилдинг — шукр, Шуни ўйлаб қиламан фикр, Сенга камдир ҳар қанча зикр, Сенга шукр қилмайин нечун. Ато этдинг ўғил ҳам қизлар, Кетган қанча қолмасдан излар, Ношукрга уволдир кўзлар, Сенга шукр қилмайин нечун. Сенга шукр қалбим қаридан, Рози бўлгин, Ҳожам, баридан, Қадринг билмас юрсин наридан, Сенга шукр қилмайин нечун. ✍ Лутфуллоҳ Хўжаев.