👨‍⚕ABDURASUL TOĜAYMURODOV 🍀☘BIOLOGIYA KURSI🦚

Нажот илмда. Бошқа йўл йўқ. Баъзан ҳаёт ҳақидаги энг оғир ҳақиқатларни қабул қилиш қийин бўлади. Лекин айнан шу ҳақиқатлар инсонни ўзгартиради. Ҳаёт ҳеч кимга қарздор эмас. Сизнинг шароитингиз оғирлиги учун ҳам, қарзларингиз кўплиги учун ҳам, фарзандингиз касаллиги учун ҳам ҳаёт сизга алоҳида имтиёз бермайди. Бу аччиқ эшитилади, лекин ҳақиқат шундай. Бугун бирор давлат ташкилотига бориб: «Шароитим оғир, ягона боқувчиман, ишга олинг», десангиз, балки сизга имконият беришар. Лекин мисол учун Amazon, Microsoft, Apple ёки дунёнинг бошқа йирик компанияси эшигини тақиллатиб, аҳволингизни айтиб иш сўрасангиз, улар сиздан битта нарсани сўрайди: «Сиз компаниямизга қандай қиймат қўша оласиз?» Улар сизнинг муаммоингизни эмас, салоҳиятингизни баҳолайди. Эҳтимол, инсонпарварлик қилиб моддий ёрдам беришар, лекин раҳм қилгани учун ишга қабул қилишмайди. Чунки бизнес раҳм билан эмас, натижа билан яшайди. Бу келажак эмас. Бугуннинг ўзи. Юртимизда ҳам давлат иштирокидаги кўплаб корхоналар хусусий секторга ўтмоқда ва бу жараён давом этади. Хусусий компаниялар эса ҳар бир ходимга сарфланган маблағдан натижа кутади. Улар учун энг муҳим савол: «Бу инсон ташкилотга қандай фойда келтиради?» Шунинг учун бугундан бошлаб тақдирингиз учун бошқаларни айблашни тўхтатинг. Ҳеч ким сизга яхши ҳаётни тайёрлаб бермайди. Уни ўзингиз қурасиз. Билим билан, меҳнат билан, изланиш билан. Кимдир сизга иш топиб бериши мумкин. Лекин ўша ишда қолдириб турадиган нарса — билимигиз. Кимдир сизга лавозим олиб бериши мумкин. Лекин ўша лавозимда узоқ қолдирадиган нарса — салоҳиятингиз. Таниш-билиш эшикни очиши мумкин, аммо хонанинг ичида қолиш ёки чиқиб кетишни фақат сиз ҳал қиласиз. Шунинг учун ўқинг. Китоб ўқинг. Чет тилини ўрганинг. Замонавий касбларни эгалланг. Сунъий интеллектни ўрганинг. Ҳар куни кечаги ўзингиздан кучлироқ бўлишга ҳаракат қилинг. Чунки келажакда энг қиммат диплом эмас, лавозим эмас, таниш ҳам эмас. Энг қиммат капитал — бу сиз эгаллаган билим. Нажот илмда. Бошқа йўл йўқ. @mehnat_qonunchiligi — Меҳнат қонунчилигини содда ва тушунарли қилиб изоҳлаб берамиз