حجايات بغداد 🇮🇶.

هواي سمعنا أُغنيّة هيثم يوسف مِن جَان يكَول "أضعَف كَدامَك بَس انتَ" جانت مُجرد أُغنيّة نسمعها لحَد ما كُبرنا وعرفنا شنو مَعنى الضعف الي نمُر بي كدام الشخص اللي نحبَة.. رجع وكال "نظراتك تحرجني وأنسى" وعرفنا أنُ النَظرات مِن الشخص اللي نحبة كفيلة تخلينا نعيش يومنا واحنا نُبقى نسأل نفسنا ليّش هلكد نضعف كدام هالنظرات! ومِن كال "ضايع عُمري القبلك عِشتة" 'كُل عُمري ضايع أنَا عِشتة" عشناها لما تعرفنا عَ أشخاص وتمَنينا لو احنا نعرفهُم مِن قبل لأنُ عُمرنا قبلهُم مجان محسوب ، ومِن عرفناهُم عرفنا شكد الأيام لطيفة وياهُم ، وساعتها مِن كال "حُبّك ضيعلي عنواني وعِشت وياك بعالم ثاني" عرفنا شنو يعني نعيّش بعالم شخص ونتعلم كلشي مِنة حَتى طريقة كلامنا وأسلوبنا حيكون نفس أسلوب هالشخص..✨