مبادرة دليل طالب الطب 🩺

يلا نشوف

المناوبات Oncalls في السعودية ممكن البعض راح ينصدم من الاجابات والبعض واثق من اجابته خلينا نتكلم عن الواقع المناوبات انواع حسب المستشفى اللي تشتغل فيه وحسب التخصص مافي قاعدة رئيسية الحقيقة في بعضهم يشتغل شفتات ٨ ساعات وتتسمى مناوبة والبعض يناوب مكس بين ٢٤ او ١٢ ساعة (مثلي انا اشتغل ايام الاسبوع ٢٤ ساعة و الويكند ١٢ ساعة) وفيه ايام يوم الخميس تحديداً عندي ٢٧ ساعة بالنسبة للتخصصات الجراحية دايماً ٢٤ ساعة بشكل عام وتصل على ٣٦ ساعة (يضطر بداوم نص يوم زيادة اذا مافي احد يغطي غيرك العيادات كمثال) وتحصل دي كثير الحقيقة بالنسبة للتعويض المالي كطبيب في برنامج البورد السعودي (طبيب مقيم…تراه اسم فعلي انت مقيم في المستشفى وليس المقصد الطبيب الغير سعودي) مافي تعويض مالي في برنامج البورد ولا كطبيب اخصائي بكن كاستشاري الوضع مختلف في المستشفيات الخاصة فقط وفيه تخصصات لمن تصير استشاري (يحاسبوك بقدر عدد الشفتات اللي تنزلها مثلاً كطبيب عناية حرجة او ICU) في تخصصات مثل تخصصي الاشعة التشخيصية فيها نظام الراتب الموحد وفيها نظام ال RVUs باختصار كل نوع اشعة معينة لها قيمتها بالريال السعودي. يعني ما تقدر تقارن x-ray تقدر تقرأها في اقل من دقيقة مقارنة بأشعة مقطعية للبطن ممكن تتراوح من ١٥-٤٥ دقيقة للواحدة. نرجع للنقطة المهمة اللي هي اللايف ستايل 🚨 ماعمرك يمديك تقول هذا اللايف ستايل للتخصص هذا مريح او لا بشكل قطعي كل مرحلة من حياتك لها نظامها البورد (طبيب مقيم) طبيب اخصائي (نائب/نائب اول) طبيب استشاري الاغلب متفق ان اشتغل في مكان كرف وقت البورد (عشانك تحت التدريب وتحت رقابة) ثم ارتاح لمن تصير اخصائي واستشاري لكن هي ارزاق في الاخير، كل مستشفى ممكن اما يرفعك فوق او يحسسك انك طبيب مقيم من اول وجديد عشان كدا كلمة (لايف ستايل) كلمة مطاطية ما يمديك تعتمد عليها اذا بتختار تخصصك، اختاره لانك يمديك تشتغل فيه كل يوم حتى لو كان تحت ضغط. واذا ربي رزقك بمكان مريح فالحمدلله