Mevazor_avrora_City

#Xavfsiz_kibermakon #Qashqadaryo_viloyati 📣 Yoshlar, keksalarimizni kiberfiribgarlardan himoya qilaylik! So'nggi vaqtlarda kiberfiribgarlar ayniqsa keksa yoshdagi fuqarolarni nishonga olib, turli usullar orqali ularning bank hisobidagi mablag'larini o'g'irlashga urinmoqda. 💰 1. Soxta qo'ng'iroqlar orqali firibgarlik: Firibgarlar o'zlarini bank, huquqni muhofaza qiluvchi organlar, mobil operator yoki boshqa davlat tashkiloti xodimi sifatida tanishtiradi. Ular turli bahonalar bilan keksa yoshdagi buva va buvilarimizni ishonchiga kirib ulardan shaxsga doir ma'lumotlari, bank plastik karta rekvizitlari, SMS orqali kelgan tasdiqlash kodlarini qo'lga kiritishga harakat qiladi. ❌ Ushbu ma'lumotlar firibgarlar qo'liga tushgach, bank kartasidagi mablag'larni o'zlashtirib olishadi. 💰 2. Zararli APK ilovalari orqali firibgarlik Firibgarlar ijtimoiy tarmoqlar orqali keksa yoshdagi buva va buvilarimizga APK faylni yuborib, telefonga o'rnatishni tavsiya qiladi. Ba'zan buva va buvilarimiz buni bilmagan holda yoki adashib o'rnatib qo'yadi. Zararli APK fayl o'rnatilgach: SMS xabarlar va tasdiqlash kodlarini o'qishi, telefonni masofadan boshqarishi, mobil bank ilovasidagi ma'lumotlardan foydalanishi mumkin. ❌ Natijada bank hisobidagi mablag'lar egasining roziligisiz yechib olinadi. ✅ Yaqinlarimizni ogohlantiraylik! ✅ Telefonlarida noma'lum ilovalar mavjud emasligini tekshirib turaylik. ✅ Hech qachon shaxsiy ma'lumotlar, bank karta rekvizitlari va SMS tasdiqlash kodlarini begonalarga bermaslikni tushuntiraylik. ✅ Noma'lum manbalardan yuborilgan APK fayllarni o'rnatmaslikni tavsiya qilaylik. ✅ Shubhali qo'ng'iroq bo'lsa, suhbatni yakunlab, tashkilotning rasmiy aloqa raqami orqali mustaqil bog'lanishni tavsiya etaylik. ❗️ Bir necha daqiqalik e'tiborimiz yaqinlarimizning mablag'lari va shaxsiy ma'lumotlarini himoya qilishga xizmat qiladi. 🛡 Ogoh bo'ling! Kiberfiribgarlarning asosiy quroli — ishonchingizni qozonishdir. 🤔 Qashqadaryo viloyati hududida targ'ibot ishlari davom etmoqda ✍️ ✅ Telegram • 🌐 Instagram • 📹YouTube