استورد سيارتك بنفسك

لو نرجع بشكل سريع للمواصفات والميزانية اللي حددناها سابقاً، هل حققنا المطلوب ؟؟؟ ✅ الشركة : كيا ✅ النوع : K8 ✅ الموديل : من 2021 إلى 2024 ✅ الممشى : أقل من 100 ألف ✅ الفئة : فل كامل ✅ حالة البودي : بودي بلد ✅ السعر : لا يتجاوز 110 ألف شامل كل شي فعلا ما شاء الله تبارك الله حققنا المطلوب ووفرنا أيضاً 4500 ريال من الميزانية 👌🔥

🔶 حلو الآن اخترنا السيارة وعرفنا سعرها ومواصفاتها وكم حتكلف بشكل تقريبي، لكن الأغلب عنده تساؤلات كثيرة مثل،،، 1️⃣ كيف طريقة السداد ؟ 2️⃣ كيف اضمن حقي ؟ 3️⃣ هل في وسيط عربي ؟ 4️⃣ مين بيقوم بكل هذي الإجراءات ؟ 5️⃣ كم من الوقت بيستغرق الموضوع ؟ 6️⃣ ليه في رسوم مثل (الشحن، العمولة، التخليص) ؟ 7️⃣ كيف اضمن انه السيارة فعلاً مثل ما ذكر بالاعلان وانه مو نصب وغش ؟ والسؤال الأهم،،، ⚠️ وش الفرق بين الوارد الكوري والخليجي ؟ هل نفس بعض ولا في مميزات أو عيوب ؟

🔶 الجواب هو التعامل مع معرض أو شركة أو مكتب استيراد سعودي. ⚠️ ضروري، ضروري، ضروري تتعامل مع معرض أو شركة أو مكتب استيراد سعودي، لابد يكون في وسيط بينك وبين موقع أو مالك السيارة. طيب ليه ؟ ليه ما اطلبها بنفسي ؟ لانه باختصار بيختصرلك الأسئلة السابقة وأشياء جداً كثيرة انت في غنى عنها مثل 👇 ✅ تخليص المعاملات الكورية. ✅ عنده فريق كامل بكوريا وبكذا راح يفحص لك السيارة بشكل دقيق ومفصل وبيتأكد لك من مطابقتها بتفاصيل الإعلان أو لا، لانه لابد يكون في نسبه تلاعب، فلازم يكون في فحص دقيق بعد اختيار السيارة. ✅ يتكفل بشحن السيارة ويحرص على شحنها بأفضل الطرق حتى توصلك بنفس حالتها المعروضة عالموقع. ✅ فلوسك تتحول على مؤسسة موثقة من وزارة التجارة حتى تضمن حقك إذا صار شي لا قدر الله. ✅ حيكون في عقد بينك وبين المعرض مكتوب فيه كل التفاصيل اللي تحفظ حقوق الطرفين. ✅ بعد ما توصل السيارة لميناء السعودية يتكفل بالإجراءات القانونية مثل ( التخليص الجمركي، رفع فاتورة السيارة للضريبة والجمارك، فحص السيارة في الفحص الدوري، إصدار لوحات سعودية، شحن السيارة داخل المملكة، تنظيف السيارة، وغيرها الكثير ). ✅ يعني باختصار انت فقط تحول المبلغ وطبعاً ياخذ عموله اتعابه مثل ما ذكرنا بتسعيرة السيارة سابقاً، وفقط تنتظر توصلك السيارة لحد باب بيتك أو تستلمها من المعرض اللي اتفقت معاه. ⚠️ طيب كيف اتعامل مع معرض أو شركة أو مكتب استيراد موثوق ؟ وايش المطلوب مني ؟

تقدر تتعامل مع أي معرض أو شركة أو مكتب استيراد للسيارات، أهم شي تقرأ التعليقات على قوقل ماب، هل الناس تمدحه وتوصي فيه أو لا، وما شاء الله تبارك الله مليان مكاتب استيراد محترمه ولك حريه الاختيار. 👤 بالنسبة لتجربتي أنا تعاملت مع معرض، والأفضل تتعامل مع معرض مشهور في النقاط التالية 👇 ✅ سريع فالرد والتعامل ✅ يدور لك سيارة تناسبك إذا ما تبغى تدور ✅ مؤسسة موثوقة ✅ فحصهم دقيق مع الصور ✅ تتبع الباخرة (بعض المكاتب ما عندها) ✅ عقد واضح يحفظ حقوق الطرفين ✅ يتحمل جميع المعاملات من الألف للياء ⚠️ طيب كيف أبدأ الموضوع ؟ وكيف اضمن حقوقي، وكم من الوقت يأخذ الموضوع ؟ تعال اعطيك تجربتي بالتفصيل 👇

طبعاً اتفقت مع معرض موجود في الرياض وأنا من سكان مكة فتواصلت معهم عبر الاتصال والواتس اب فقط، حرفياً خلصت جميع اموري عبر الواتس اب بدون ما اتعب نفسي واروح للمعرض. ⚠️ للتنويه حاب ما اذكر اسم المعرض اللي تعاملت معه، تجنباً للإعلان او ممكن البعض ممكن يتعامل معاه وما يناسبه واكون أنا السبب 😅 ولكن بإذن الله باذكر أفضل المعارض ومكاتب الاستيراد من تجارب المتابعين.

🔶 نبدأ الخطوات حبه حبه حتى تحفظ حقوقك بالكامل وتعرف اللي لك واللي عليك 👇 1️⃣ تتواصل عبر الواتس مع المعرض اللي ودك تتعامل معاه أو ممكن تروح لهم لمعرضهم. 2️⃣ ترسل له اعلان السيارة اللي ودك تشتريها، مثل اللي اخترناها سابقاً، وتخبره انك بتشتري هذي السيارة. 3️⃣ قول له كم بتكون التكلفه ؟ لانه كل معرض له تسعيره مختلفه عن الآخر، فلابد تعرف السعر قبل ما تكمل، وغالبا السعر مثل ما سعرنا سابقا مستحيل في فرق كبير، ممكن فرق بسيط بأكثر أو أقل حتى. 4️⃣ بعد ما يعطيك عرض السعر شامل كل شي من الألف للياء، بيطلب منك عربون بقيمة معينه حدود 2000 أو 3000 آلاف ريال وطبعاً قيمة العربون تختلف من معرض لآخر + قيمة الفحص واللي هو بـ 300 ريال أيضاً تختلف من معرض لآخر. 5️⃣ بيتواصل مع فريقه بكوريا لفحص السيارة، تقريباً من يوم إلى يومين وبيرسلك تقرير مفصل عن السيارة مثل (ممشاها الحقيقي، حالة البودي، بطن السيارة، المحركات وغيرها) وبيرسل لك صور ومقاطع من كوريا للسيارة من الداخل والخارج بشكل مفصل. 6️⃣ بعد ما تشوف التقرير والصور، إذا ناسبتك السيارة نبدأ نتمم البيعه، وإذا ما ناسبتك ممكن يكون فيها حادث غير مذكور أو العداد ملعوب أو أي عيب آخر تقدر تدور غيرها وبيفحصها لك مثل الطريقة السابقة. 7️⃣ حالياً بعد ما تأكدنا من سلامة السيارة وعرفنا قيمة السيارة وشفنا الصور والمقاطع والتقرير نبدأ بإجراءات العقد، طبعاً تحول للمعرض المبلغ كامل واللي ذكرناه سابقاً 105,555 ألف ريال، طبعاً اخصم منها قيمة العربون السابق، وهذا أفضل شي انك تحول لمعرض رسمي بالسعودية وله سجل تجاري، أفضل من انك تدفع بالموقع وما تدري وش يصير معك. 8️⃣ بيرسل لك العقد مذكور فيه تفاصيل السيارة مثل (نوعها، وممشاها، ورقم الهيكل، وحالة البودي، ومواصفاتها وغيرها)، حاول تقرا العقد بشكل كامل وتأكد انه تفاصيل السيارة مكتوبة وأيضاً قيمة السيارة تكون صحيحة وانها فعلا شاملة لكل شي من الألف للياء. ⚠️ بعد ما تتأكد من العقد، حول المبلغ من البنك أفضل حتى توثق الحوالة واكتب بالوصف (شراء سيارة من كوريا)، وانت بتحول على مؤسسة يعني امورك طيبة، حول على نفس رقم الحساب المذكور بالعقد، انتبهههههه تحول على حساب فردي انتبههههه، أو انك تحاسب المكتب كاش.

🔶 نقطة مهمة جداً، العقد لابد يحتوي على النقاط التاليه، أي معرض أو مكتب ما يذكر التفاصيل ذي لا تتعامل معاه، لازم يكون كل شي واضح حتى تضمن حقك بعد الله، راح نطبق مواصفات السيارة اللي اخترناها كمثال سابقاً👇 1️⃣ كيا، نوع K8، موديل 2023، اللون رمادي، مكينة 2.5، نوع الوقود بنزين. 2️⃣ رقم الهيكل مثال KNAM547BPA354859. 3️⃣ بودي وكالة. 4️⃣ المواصفات ( فتحة سقف، رادار، تشغيل بصمة، مكيف خلفي، تبريد وتسخين مقاعد، بروجيكتر، وغيرها ). 5️⃣ عداد السيارة 75 ألف كيلو. 6️⃣ قيمة السيارة 105,555 شامل ( الشحن، التخليص الجمركي، الضريبة والجمرك، الشحن الداخلي، الفحص الدوري، وغيرها ). 7️⃣ بيانات الحساب البنكي الخاص بالمعرض اللي بتحول عليه قيمة السيارة 8️⃣ بياناتك كاملة وبيانات المعرض كاملة (كل ما يخص الطرفين) 9️⃣ تسليم السيارة بحالتها الأصلية كما ذكر في الفحص والتقرير المرسل سابقاً 🔟مدة الشحن مثال 90 يوم كحد أقصى ⚠️ في حال السيارة مرشوشة انتبه يكتب لك بالعقد مثل كذا👇 ❌ البودي فيه رشوش متفرقه ✅ رش باب أمامي يمين ورفرف يمين فقط، الباقي بودي بلد 🆘 أهمممممممممم نقطة لازم تذكر بالعقد انه لك الحق تفحص السيارة بعد استلامها بأي مكان، وفي حال طلعت السيارة فيها عيب ما ذكر بالعقد سابقاَ أو غير مطابقة للمواصفات المذكورة، من حقك ترجع السيارة للمعرض وتاخذ فلوسك كاملة.

🔶 بعد ما تتم الحوالة وترسل الايصال وطبعاً ذا كله موثق بمحادثة الواتس اب، بيوقع المعرض عالعقد ويرجع يرسله لك، وهنا تبدأ اصعب مرحلة واللي هي الانتظار 😂 بذكر لكم الوقت والمدة بشكل تقريبي لتجربتي وتختلف المدة من معرض لآخر ولمن كلها بحدود الوقت ذا، بعد ما تختار السيارة وتحول عربون + قيمة الفحص 👇 1️⃣ فحص دقيق للسيارة (من يوم إلى 3 أيام) 2️⃣ انهاء الإجراءات الحكومية الكورية + ارسالها للميناء حتى يتم شحنها (أسبوع تقريباً) 3️⃣ شحن السيارة بالباخرة من كوريا إلى السعودية (30 يوم إلى 38 يوم) 4️⃣ تفريغ الشحنة وانهاء إجراءات ميناء الدمام + تسجيلها بالنظام وغيرها (أسبوع) 5️⃣ شحنها من ميناء الدمام إلى مكتبهم بالرياض (من يوم إلى يومين) 6️⃣ غسيل السيارة + فحص دوري للسيارة + اصدار لوحات سعودية (من 3 أيام إلى 7 أيام) 7️⃣ استلام السيارة من المكتب، أو شحنها لباب بيتك ✅ يعني الليلة كلها تاخذ معك تقريباً من شهر ونص إلى شهرين، من بداية ما حولت المبلغ لحد ما توصلك السيارة لباب بيتك ⚠️ لابد تضرب بالحسبان لا قدر الله تعطلت الباخرة، أو مثلا تغير اتجاهها لسبب معين، أو الميناء مثلا عليه ضغط وزحمة، كل هذي العوامل تأثر على المدة، ولكن في الغالب تاخذ من شهر إلى شهرين بإذن الله 👌

🔶 حرفياً يوم تتعامل مع معرض أو شركة أو مكتب استيراد افضل لك واسهل بكثيييير، كل اللي عليك انت تختار السيارة اللي بتستوردها وتحسب قيمتها بشكل تقريبي مثل ما شرحت سابقاً وترسلها للمعرض اللي اتفقت معاه انك بتشتري السيارة، كل شي عبر الجوال وانت جالس ببيتك 👇 ✅ تختار السيارة اللي تعجبك بنفسك. ✅ تعرف قيمة السيارة من قبل ما تبدأ. ✅ تتواصل مع المعرض عبر الواتس اب. ✅ يفحص لك السيارة بشكل دقيق وهل عليها ملاحظات. ✅ يرسل لك صور من الداخل والخارج. ✅ تقرا العقد بشكل دقيق وتتأكد من كل حرف مكتوب. ✅ تحول عبر البنك لمؤسسة سعودية. ✅ تنتظر السيارة توصل وتستلمها من المكتب او يشحنوها لباب بيتك. حرفياً كل شي عبر الجوال ومن بيتك وموثق بشكل رسمي وتتعامل مع جهة سعودية موثوقة بعد توفيق الله وهذي نعمة كبيرة ولله الحمد 🤲

🔶 بعد ما توصل السيارة للمعرض، مثل ما ذكرنا تستلمها بنفسك أو تنشحن لباب بيتك. ⚠️ انصحك تاخذ السيارة وتروح تفحصها بأي مركز مختص تشوفه مناسب او تفحصها بنفسك، لك الحق انك تتأكد من سلامة السيارة وانها مطابقة لنفس المعلومات والمواصفات والملاحظات المكتوبة بالعقد، لانه كثير راحوا ضحايا بسبب اختلاف المواصفات مثل 👇 1️⃣ اتفقوا على انها بودي بلد وطلع عليها حوادث غير مذكورة بالعقد أو الفحص. 2️⃣ عداد السيارة مثلا 40 ألف وطلع ملعوب بالعداد وتحصلها ماشيه فوق 100 ألف. 3️⃣ المكينة شد بلد أو القير سليم، ويطلع موضب أو مكينة مغيرة. 4️⃣ السيارة فقط فيها حادث بسيط، وتكتشف انه الارباقات كلها طالعة. وغيرها الكثير، فدائماً تعامل مع معرض معروف أو عليه مدح لأنه غالباً فحصهم دقيق جداً ما شاء الله، وبإذن الله كل فترة نحاول نضيف اسماء المعارض المحترمه والموثوقة اللي جربوها الشباب حتى تعم الفائدة 👌

⚠️ طيب دقيقة في سؤال مهم سحبت عليه، واللي هو وش الفرق بين الوارد الكوري والوارد الخليجي ؟ هل في فرق مواصفات ؟ هل في مميزات وعيوب فيها ؟ طبعاً هذي الفروقات لسيارة الـ K8 موديل 2023، كل سيارة تختلف عن الآخرى من ناحية المواصفات والسعر أيضاً، والفروقات أنا اللي كتبتها ودققت فيها (اجتهاد شخصي) 👇

✨ مواصفات K8 موديل 2023 موجودة في وارد الكوري وليست متوفرة في وارد الخليج 🔹 نظام الدفع الرباعي 🔹 زجاج مدبل لكامل السيارة 🔹 مزايا بنظام الرادار والسستم بشكل أكثر 🔹 نظام التعليق الالكتروني 🔹 تأمين الأبواب في حال مرور سيارة 🔹 نقش الدايموند للمقاعد والأبواب 🔹 مساج للمقاعد الأمامية 🔹 طوي مقعد الراكب الأمامي بشكل كامل 🔹 تسخين وتبريد للمقاعد الخلفية 🔹 تسخين الدركسون 🔹 مساعدات كهربائية 🔹 تحريك السيارة بالريموت 🔹 اضائات ترحيبية 🔹 الفلشر الأمامي والخلفي متحرك (حركة الكزس) 🔹 كاميرات مدمجه لتسجيل المقاطع (داش كام) 🔹 تحكم بارتفاع الانوار الأمامية 🔹 التحكم بالسيارة عبر الجوال 🔹 تحكم الدركسون كهرب 🔹 حساس الحزام للأربع مقاعد 🔹 تنقية الهواء 🔹 أوامر صوتية 🔹 مكان خاص للبطائق البنكية 🔹 مفتاح رقمي (بطاقة) 🔹 سقف شامواه 🔹 حساسات جانبيه 🔹 الدخول الذكي من باب السائق باللمس وليس ازرار 🔹 الدعاسات الأرضية سميكة جداً 🔶 السلبيات،،، 🔸 عدم وجود كفر ستبنه 🔸 عدم وجود لمبه ضباب 🔸 نظام السيارة باللغة الكورية والانجليزية فقط 🔸 رقم الهيكل لا يظهر في محلات قطع الغيار

✅ طيب بالنسبه لقطع الغيار فالسيارة تركب عليها نفس قطع الوارد الخليجي، مافي اي مشاكل أو فروقات، الفرق فقط عندك مواصفات دلع أكثر بكثير، لكن الجانب الميكانيكي نفس بعض بالملل وجميع القطع الاستهلاكية متوفرة ومطابقة وما بتواجه أي مشاكل بإذن الله(تختلف من سيارة لأخرى). ✅ كفر الستبنه تقدر تنزل التشاليح وتشتري كفر الستبنه من أي سيارة مصدومة، وامورك طيبة إن شاء الله. ✅ بالنسبة للغة النظام، عندك خيارين يا انك تحتفظ بالنظام الكوري وتغير اللغة للانجليزية، أو تعرب النظام من أي مهندس للغة العربية، وهنا شرحت طريقة تعريب النظام 👇 https://vt.tiktok.com/ZSPHLDEDa طبعاً بالنسبة لي أفضٍّل اشتري قطعة CarPlay واستمتع بكل المميزات مثل اليوتيوب وقوقل ماب وتثبيت أي تطبيق أحتاجة وهنا تكلمت عن احد أفضل قطع الـ CarPlay المتوفرة في السوق 👇 https://vt.tiktok.com/ZSPHLhRDV بالأخير هذا قرار شخصي ولك الحق في اختبار الطريقة المناسبة لك. ✅ بالنسبة لرقم الهيكل ما يظهر عند محلات قطع الغيار، تقدر تاخذ رقم هيكل أي سيارة وارد خليجي أو تبحث عن رقم القطعة بنفسك، وتعطي رقم القطعة للمحل وبيعطيك القطعة، وهذا أحد أشهر المواقع اللي تطلع لك أرقام قطع السيارات بشكل دقيق 👇 https://partsouq.com وهذا شرح لطريقة استخراج أرقام القطع 👇 https://vt.tiktok.com/ZSPH8K476 وبكذا حلينا السلبيات 😁👌

🎊 وبكذا نقدر نقول ألف ألف ألف مبروك لك مقدماً عالسيارة، والله يعطيك خيرها ويكفيك شرها، وبإذن الله اني غطيت جميع المحاور والاستفسارات عن موضوع طريقة استيراد سيارة من كوريا بنفسك وباختيارك. ✨ وفالختام لا تنسوني من دعواتكم، أخوكم ومحبكم معاذ الجيزاني