Saudi Med Route

دكتور ما وصلتني اي مقابلات للسنة هذي و جهزت ايميل محترم استفسر و اطلب فيد باك ليش ما وصلني شيء و ناوي ارسله للجامعات ، خصوصًا الجامعات الي رحت لها الصيف هذا، هل ارسله ولا انتظر شوي شف عشان اكون صادق معاك، يحتاج تسوي risk/benefit analysis اجابة طويلة:- ما اعرف لو الايميل بيغير شي، هو ممكن يعطيك اجابة عن الوضع، هل البروقرام عندهم مقاعد هالسنة او لا، بس مب شرط يردون عليك، واذا ردوا عليك مب شرط يقولون لك السبب، ممكن يقولون لك بس ان خلاص والله هالسنة مافي مقاعد والله يوفقك وبرضو لاتتوقع فيدباك من البروقرام، بيقولون لك والله كثير مقدمين ومانقدر نعطيك فيدباك شخصي هل ممكن يضرك هالشي انك ترسل لهم؟ صراحة ما اعتقد، يعني انهم يشوفون هذا ليش راسل ايميل وليش يكلمنا ومن يكون عشان يتواصل معانا، لكن في بعضهم يفضلون انك ماتتواصل مع البروقرام وخوفهم نابع من ان يخافون ان البروقرام يطالعك بشكل سيء...اكون واقعي معاك، ما ادري من وين طلعت هالفكرة، لكنها موجودة..انا شخصيًا ماشفتها هل اذا قدمت السنة الجاية بيقولون اي هذا فلان اللي رسل لنا السنة الماضية وما استحى على وجهه ماقدر ينتظرنا؟ لا، غالبًا مابيذكرون اسمك فالفائدة ممكن موجودة لكنها محدودة، وبرضو بحكم ان وصلنا هالتاريخ صحيح لازال باقي وقت على الديدلاين، لكن احس البروقرام اللي مارسل للحين صعب انه يرسل خلال هالاسبوعين الجايين...بس مب مستحيل (القبولات تطلع ١٣ اكتوبر فباقي تقريبًا ٣ اسابيع) اقول صعب لأن عشان ترتب المقابلات تحتاج ترتب جدول ٤-٧ اشخاص من ضمنهم البروقرام دايركتر ويمكن رئيس القسم، وتجيب التشيف رزدنت، ومعاكم الادارية حقت البروقرام، ويمكن كم واحد زيادة بعد، وبعدها اللجنة بتختار، ويرفعون للـPGME اللي بيدقق اوراقك وتالي يعطيك نتيجة القبول او الرفض او ممكن يحطك انتظار اجابة قصيرة عادي ارسل بس لاتنتظر رد ايجابي حل افضل عشان تبعد عن هالحوسة وتفك نفسك من التفكير شوي؟ جرب كلم رزدنت لو تعرف احد وشف شالوضع، هو يسألك الدايركتر او يشوف التشيف رزدنت ويعطيك الخبر الأكيد

السلام عليكم دكتور ، الله يعطيك العافية لو ممكن تقول لنا تجربتك الكاملة لاختبار MCCQ ايش المصادر ؟ ، وكم اخذ الموضوع معاك وقت والساعات الي نحتاج نخصصها في اليوم للمذاكرة بالذات للي عندهم دوام طويل ؟ الاغلب يذاكر من UW بس انا اشوفه متعب وثقيل جداً ياريت تفيدنا بطريقة المذاكرة بالتفصيل ، شكراً لك https://t.me/SaudiMedRoute/11

دكتور هل فيه احد تواصل مع الملحقية وعرف سبب وقف السبونسر؟ وليه ما نرفع برقيات نطالب ان السبونسر يرجع كثير ناس خسرت فلوس وتعب واختبارات وتفاجأت بالواقع ما أعرف صراحة

الي يقول ما وصلته مقابلات غالبا واحد من اثنين او كلهم يا ان كل الشعب قدم عشان ينحاشون من الصحة القابضة او ان المستشفيات غسلت يدها من الرردنت السعوديين يقبلونهم ثم مايكون عندهم سبونسر وينسحبون ويجحفلونهم في اسباب واجد، مب بس اللي ذكرته هنا في اسباب عند الكنديين، بعض البرواقرمز مثلًا جاها دعم هالسنة من الحكومة الكندية بحيث يغطي عدد المتقدمين الكنديين، فخلاص مايحتاج ياخذون احد من برا مثلًا البروقرام فيه ٥ مقاعد، وكندا تغطي منه ٤، تقوم الجامعة تعرض المقعد اللي ماله سبونسر للمتقدمين من الخليج يمكن هالسنة الحكومة الكندية غطت هالخمس مقاعد كاملة وصار مايحتاجون يقبلون احد من برا او بعض البروقرامز من الاساس تفتح سنة وتقفل سنة لأن عدد المقبولين فيها قليل مثل الـvascular او حتى الدايركتر خلاص عنده تفضيل انه مايبي ناس مب كنديين، فخلاص من البداية يقفل الباب العتب على الجامعات اللي تاخذ فلوس بس ماتعطيك خبر هل في مقاعد او لا، مثل ميقيل ودالهاوزي

دكتور بليز نزل عندك لو اي احد سعودي باي تخصص جاه انفايت مقابلات هالسنه باي سنتر في كندا؟؟؟ ولا خلاص راحت علينا كلنا؟؟؟ في ناس جاتهم مقابلات

دكتور أنا بتخرج بعد سنتين باذن الله بس سوال هل تتوقع ان مشاكل السبونسر تنحل في وقتها او ان خلاص هذا الوضع الدائم لان بخاطري من اول اني اقدم على كندا بس بعد ما اسمع مشاكل التعليم و السبونسر فعلا تخلي الواحد يضيق صدره شوي خاصة انه مب سهل الواحد يلقى سبونسر برا التعليم زي الجامعات او المستشفيات على الاقل بالبداية فا وش تشوف دكتور لكل حادث حديث لاتشغل بالك بمشاكل انت بعيد عنها حاليًا هدفك الحالي المفروض انك تخلص الاختبار وتجهز ملفك بشكل عام للتخصص اللي تبيه وحاول تركز عالأشياء اللي تقدر تأثر فيها...لو اشغلت نفسك بالسبونسر وانت لازلت طالب بتضيع وقتك وجهدك وفي امور اهم منه https://t.me/SaudiMedRoute/101

السلام عليكم دكتور حبيت استفسر لو فيه احد عنده علم بالنسبه لابتعاث المعيديه هل فعلاً اقتصر على افضل ٥٠ جامعه؟ وهل هو لتصنيف العام ولا التصنيف الخاص الله يسعدكم لو احد عنده معلومه يشاركنا عشان نعرف نختار اي جامعه نقبل لو جتنا الاوفرز بعد اسبوعين عليكم السلام ورحمة الله ما أعرف صراحة، لو في احد عنده خبر لو قرار افضل ٥٠ جامعة ينطبق عالتخصصات الصحية او لا افضل شخص ممكن يجاوبك هم ادارة الابتعاث في الجامعة اللي انت فيه او تفكر تروح لها

هل فيه وقت معين لإعلان النتائج بعد المقابلات ولا ننتظر بس؟ https://t.me/SaudiMedRoute/272 https://t.me/SaudiMedRoute/292

I failed the MCCQE by a minor difference. How to study for the next attempt? خيرة ان شاء الله، والله يعوضك خير ما اعرف شلون كانت مصادرك وطريقة مذاكرتك السابقة بس دام الفرق بسيط معناها امورك ان شاء الله طيبة تجربتي قلتها من قبل، اكثر شي فادني هو الـPrep materials اللي من physician apply نفسهم واللي كلموني ورسبوا من قبل وعدلوا مذاكرتهم باضافة هالمصادر مشت امورهم الحمدلله

السلام عليكم و رحمه الله و بركاته هل فيه سبونسر لكندا حاليا او متوقف الوضع؟ ماهي الجهات الي تبتعث الأطباء؟ ما أعرف، بنعرف بعد ماتطلع القبولات ان شاء الله بالنسبة لجهات الابتعاث https://t.me/SaudiMedRoute/276

السلام عليكم انا طبيبة مقيمة في الطوارئ الان R3 حبدأ ناوية فيلو في كندا حابة اعرف المتطلبات ومتى اقدمها ومتى اجهزها بفكر في simulation بس سمعت مهو معترف بي في جدة يعني لمن ارجع ما اصنف استشارية اذا ممكن تفيدني اذا صح الكلام دا الله يسهل لك يارب ما أعرف صراحة لكن في معانا فيلوز simulation ومن قبل تخرجوا اقترح عليك تتواصلين معاهم وتشوفين تجربتهم لكن فعلًا سمعت انهم بدأوا يقللون الابتعاث للتخصصات اللي non-clinical هل يمدي تصنفين استشاري بعدها او لا؟ ما اعرف، بس اللي اعرفه ان الواحد عشان يتصنف استشاري مب شي صعب، يكفي انك تدخل بروقرام وفي نهاية المطاف بتصير استشاري سواء سويت فيلوشيب او ماسويت

السلام عليكم ورحمه الله وبركاته هل فيه جديد مع وزارة التعليم؟ ممكن شخص يطلع يبين لنا الخطه؟ هل فيه سبونسر؟ وايش المتطلبات و الشروط؟ والخريجين الجدد لهم فرصه؟ او تقفلت الأبواب كلها؟ https://t.me/SaudiMedRoute/308

صار لي سنتين اقدم بتخصص ENT ويجيني مقابلات وانرفض هذه السنه الثالثه وماوصلني اي شي، ما أعرف هو عشان الوضع الي صاير مع السبونسرشب ولا فيه ناس وصلتهم مقابلات ؟ ما أعرف صراحة، الله يعوضك ويسهل لك يارب لكن ممكن يكون هذا السبب https://t.me/SaudiMedRoute/295

السلام عليكم مسائك خير دكتورنا الغالي، عندي مصدر ارغب بمشاركته للجميع حيفيدهم بنسبة 100% للاختبار وانا الحمدلله نجحت في الاختبار وجاني منه في اختباري 50 سؤال نصصصصصاً. ولكن الصراحة مني عارف كيف اوصله لهم خوفي ادخل في مشاكل مستقبلا وسين جيم وامور مالها داعي فما رأيك؟؟! وما نصيحتك ممكن اعطيك هو وانت توصله بطريقتك او الله اعلم لكني ارغب للجميع الاستفادة رسله لي وبحطه في القروب