قناة الخادم فلاح حب الحسين عليه السلام يجمعنا🚩🕌

اريد اكعد ونوحن بيك يابيت عله لكسرو ضلعها وغصب يابت يم حسين تبجي عليج يابت اضنها لنسبت بالغاضريه منقول #اللهـم_عجـل_لوليـك_الفـرج

غايب ابغايب تلاگو هالمسيه ابو صالح وي گبر امه الزجيه گلب بالهم منفجع  •• قادم ايزور الضلع هالمسيه •• هالمسيه ………………………………………………………… گـبر طالـت وحشته  ماكـو وادم زارته •  بترابه لهفه وزاير اموزّر حزن امن البچي امجرّح جفن • ما لحظه يغفه ام غـدر بيها الدهـر و أبن مكسـور الظـهر • و همومه كلفه بليل الاستشهاد صارت بالمدينه شـلون جمعه اثنين غيّاب و تلاگوا  قائم ويبچي اعل بضعه لبو صالح هل گبر اعظم جروحه مثل جده المرتضى طوّل بنوحه اتراب رشاه بالدمع  •• قادم يزور الضلع هالمسيه •• هالمسيه ………………………………………………………… بده يطوف اع للكبر ابعينه مرسوم الكسر • و دموعه هلها يخط بجدامه الارض كل جدم يوگف نبض• يذكر طفلها ابگلبه چانون انصب مثل نيران الحطب • قنفذ شعلها يقره بالمقتل ابصوته و يشبح بكل ساعه عينه مـاكو لا لاطـم و ناعـي يگـعد أگـباله و يعينه لنّه يسـمع ونّه مـن داخـل گبرها تون بهداي ام حسن ياذي كسرها عصر بالباب و دفع •• قادم ايزور الضلع هالمسيه •• هالمسيه …………………………………………………………… بده يزور ابجدته و الزياره ابيمنته • بصوت الرزيه السلامُ اعالطُهر  السلامُ اعالكسر  • و عين الزجيه السلامُ اعالغصن الما عرف فتحة جفن • محسن ضحيه على الاحشاءِ السلامُ النبت بسمار ابوسطها على العصّابه السلامُ العلى عين وخد تحطها السلامُ اعالنفس گوه و تشمه السلامُ اعالدمع تبچي وتضمه و على الوجه المنصفع •• قادم يزور الضلع هالمسيه •• هالمسيه …………………………………………………………… و ظل يسولف وبألم يمه و بأسمج قسم • ثارج امانه الطبوا الدارج امس بأيدي اعلمهم درس • گوم الخيانه وصاحب احچاية و إن اطبگ اضلوعه بمتن • واگطع لسانه و بسمج ارفـع رايه خضـره  يا لثارات الزجـيه گبل جان اموصّه حيدر  هسه مشيوله الوصيه وينه هذا السوه عين الزهره حمره الا انزل سـقر كلـها  ابوسـط گـبره وين كل ذاك الجمع •• قادم يزور الضلع هالمسيه •• هالمسيه …………………………………………………………… طلع صـوت امن الگـبر يبني يا حـلم العمـر • هاي الوصيه توصل العِـد شـيعتي يمـته اشـوفن حضـرتي • بيهم زهيه انسه عصرات الرجس وانسه كل سوط و رفس• ابفيهم عليه يمته اشوف اجفوف سمره بيها ثار وعطر حيدر يا هـلـه ابـخـدام ابـني  بالبـقيـع  انصـبو مـنبـر و انعه انا الوالـده يـحسـين يبني يلا خل نبچي اعله زينب يلتحبني وعلى ا… اقرأ كاملًا ←

ياخريف الماخذچ من داري ياخَلِيلة روحي وام اسراي دَمعي لـ افراگچ دِمه..فاطِمة يافاطِمة ــــــــــــــــــــــــــــــــــــــ زهره بس فيِّچ جمعنَه وام الي ولـ اولادي چنتي مو فَقط ضِلعِچ تِهَشَم گلبي هم لمَّن رَحلتي ادركني ياسلمان انادي لو رِدت اعدِل وَكفتي آنه حيدر بس يفاطم حيلي يوگع وي دَمِعتي اعليج ماينشف دمعها اعيوني ولسَه محنيّه عَليچ امتوني انهضمت املاك السِمه..فاطِمة يافاطِمة •••••••••••••• اخلافچ اهمومه نَديمه گلبي بـ احزانَه تِوَّرع لايصح موتَه ويخَلصَه ولاهو گادر حَته يجزع صِرت اكفكف باليهلَّن ولاصبر وي جَرحي ينفَع اختلي ابداري ويمرني ابصوتچ القُران أسمع بس صَده صوتچ يمر بـ اسماعي يجرح اضـنوني ويزد اوجاعي ذكرياتج مؤلِمة ..فاطِمة يافاطِمة •••••••••••• الشوگ الچ يالبَظعة يذبح يدفع ابِجدمِي ويعتني ومن حِجرتچ يالحَبيبة الگبرچ الطاهِر اخَذني صِرت أَسيرَه وابـقرارَه ابكيفَه ياخِذني ويردني اشگد خوِيت اخلاف عينچ الريح اذا هبَّت تِهزني آنه مو آنه وتِـغيّر حالي آيزَهرَة روحي وأم اعيالي الشوفِتچ بيَّه ضِمَه..فاطِمة يافاطِمة •••••••••••••• نَفسي مَحبوسة ابزَفَرها چا متِت يـ احبَـيبَة يمچ والله مابيها اعله هَجرچ ولابَعد بيها اعله هَضمچ اشگد دَمع بـ اعيوني حابِس خايف ادموعي تـألمِچ هذا لِحدچ مو مَكانِچ انتِ بين اضلوعي اضمِچ ردي خل اسمع جواب اشلونچ زرگة لو طابت يروحي اعيونچ ابعينچ آثار ودِمَه..فاطِمة يافاطِمة •••••••••••••••••• الغربة يـ ام مِحسِن خَذتني واضلم ابعيني الفضا ولـيلي هم يشبَه نَهاري بالـحِزن والهَم گِضه آنه الـ امرَجِّع شمسها هسه شـ ايرَجع المِضه ذِكرة ذِكرة ابروحي تِعصف لـكِن اشبيدي القضه يـا أنيسَّت عمره ياوجدانه ضاع حيدر وانفگد عنوانه بيَّه نارِچ مُضْرَمَةْ..فاطِمة يافاطِمة عبدالله الموالي السماوي

تحفظكم السيدة الزهراء عليها السلام 🤲

🤲

🚩😭

وفقكم الله

🤲

🤲

روحي مــا بطل ونهِا لهــا الون وتنشد كربله بلوعه الاهل وين مو لون الحزن صـاير لها الوان السبي والغرب والفرگه ورقيه الشاعر موسى البديري

قصيده لفقدان الام اهديها لمولاتي زينب علبها السلام ** الف وسفه ييمه ودعيناج . ومن دفتر حبايبنه محيناج .. الف وسفه نودع ام الهموم الشالت همنه كله وماشكت يوم.. حطها شواي بس ريض يمشيوم. خل انصيح يمه اخذينه وياج.. حطها شواي وتوانه يدفان. نريد نعاتب امنه معاتب حنان. هاي البستنه اشكال ولوان.. وسفه انطب عليج ومالكيناج.. نودع هالمشت وبلايه اوداع.. ماكالت سلام وراحت بساع . ثكيل موادعج ياحلوت اطباع . كون كبورنا تسطر حذاج.. يادفان امنه ارفك على الحال . بعد امنه العزيزه اطش العيال . امنه  ام الهلا والعز والدلال . تطشرنا ييمه خلاف عيناج.. بعد يابيت امنه ماجهبناك. ولا بالعيد فرحانين اجبناك. يطارش بيتهه ياهو يتلكاك.. اريد ادخل غرفتج وكعد انعاج.. ناعيه الطف .. ام فاطمة الزهراء ✍✍✍ ‏

جيران دارك يا علي مو جيران فزعو حطب من شاهدوها النيران محترگ بابك وانت داحي البيبان يا ابو حسين ::::: بيتك علي من احترك معقوله محد حس بي فزعولك بچفهم حطب محد اجاك يطفي الجـــار قبل الـــدار ادري يگولون چا لیش جیرانك عليك يهجمون فزعو ركض مو الك بس يحرگون يا علي مو جيران ما ينحسبون تدرون وصه المصطفى بسابع جار محد فزع من شبت بفاطم نار يدرون ياهو واگف ابابك چان يا ابو حسين ::::: عالجار وصانه النبي واضح نعم هالموضوع گال احترم جارك نعم ما گال اکسروله ضلوع كف الاذى عالجار چــــان المكتوب ما گالکـــــم بالنار احرگــــوها البوب چا لیش حق فاطمه الزهراء مغصوب اليوم حيدر علي كلش متعوب كاتب حديثه النبي وجاب القرطاس وسواس همه وهمه حتى الخناس لا مو صحابه وهم ربع الشيطان ::::: سولف حديثه المصطفى چان بحضور الاصحاب سولف عله الجار شکثر چا لیش حرگو الباب الجـــار مثل اعيالك تحسبه بهاي لــــو شفت نار بداره تركضه بماي ابتعد عــــن البيت لــــو مالك راي فاطم وحيده وچانو اعداها هواي صعبه اليگلك عون يطلع فرعون احترگ بيتك علي وناس يشوفون مذكوره حتى الايه نص القران ::::: جيرانك تشاهد احس والنار عندك تلهب محد سمع وتشتمت المثل فاطم ينسب حگ النسه اعله النسه وماکو جارات چا لیش ذبن حطب فوگ الجمرات ماتت الزهره وبينهن ياهو المات چا لیش یم الدار بس الشمات ما بيها نخوه الناس ماكو فزاع ام الحسن صعبه وتطيح اعله الگاع چا لیش ما فزعت علیچ النسوان ::::: جيران ما بيهم نفع بنارك علي فرحانه جيران كون تظل سوه مو تنظر وشمتانه محد فزع بحچايه من هاي الناس بالموقف احنه الجار نعرف ينقاس چا صعبه یا ابو حسین دارك ينداس اگلوب هاي الوادم وبس وسواس الجار مثل الاهل كون يخليك لو شاف بيك النار كون يطفيك چا لیش یفرح من یشوف الدخان ::::: علي جبار الكعبي الفاتحه لوالدي

فاطمه انه علي &&&& گعــــد یـــم الگبر حماي الحميه مختنگ بالعبره ودمــــوعه جريه انه ابو الحسنين يالزهره الزجيه شلون شلتچ للگبر فاطــــم بدیه يا بعد روحي وهلي &&& انه يــــم الگبــــر خلیني اسمعچ فاطمه شخبارچ وشخبار ضلعچ احچيلي يم الحسن هسه شلون وضعچ شلون ما احمل واشوفن انه دمعچ ياهو بالدنيا الي &&&& اقره يم اللحد ما اسمع جوابي اني داحي الباب بس احترگ بابي شلون صارت فاطمه تحمل غيابي خاف اعتاب خاف ويجرحچ عتابي دمعتي هسه تهلي &&&& علي لا مو الاولي تعبان حيله انه يم الگبــــــر گاعد واشتکیله انه غير الدمع مــــا املك وسيله اني بس ادمــــوع ابچيلچ قلیله همي لا ما ينجلي &&&& انه ما امشي اعله طولي محني ظهري مختنگ بالعبره فاطم حيل صدري ردت يم گبرچ بعد یا يا ريت گبري انه اول شخص دافن حتى عطري بعد بالدنيا شلي &&&& احچي وي البير والحسره بدليلي انه خـــــل ودافـــــن بأيدي خليلي الليل ياخذني ويردني بدمعي ليلي فاطمة وتغيــــرت تعبان حيلــــــي فاطمه انه الولي &&&& علي جبار الكعبي الفاتحه لوالدي

المكسور ضلعه شلون ليله ينامه يلتهي بروحه لو يسكت ايتامه الزهره من كل كتر موجوعه :::::: الايد نعرف تنجبر    لمن يمر بيها الكسر  لكن الضلعه منعصر  فسروها بيش انجبره النوم ما مر بيها ابد   من العصره مات الها ولد الضلع ما يرهمله شد   شگد صعب حال الزهره مكسورة الخاطر ومكسوره اضلاع شيصر بيك تشوف امك بالگاع يا ريت بيه ولا بأمي الأوجاع يا يمه يا يمه بس العافيه انتي تسمعين انه الحسن يمچ ویاي حسين ونة اولادچ حيل مسموعه :::::: مرات اصبعك ينجرح  سهران تبقى للصبح كسر الضلع ما ينصلح   سهران يخلص ليلك المكسور ضلعه من الدفع   يگضیها بس اه ودمع ما ينقبل هذا الوضع   شويه ويخلص حيلك تبقى تصل اضلوعك وما ترتاح وبلكت يهيد الوجع لو صار انياح لوجع من الليل حد المصباح يا ييمه شما عنده قوه ويدفع بحيله الباب خلصت حياتچ والضلع لا ما طاب ماتت الزهره وظلت اللوعه ::::: بسمار والحایط سوه  یم الحسن مالچ دوه چفچ بنیران انچوه  وانوب سطره بعينچ محترگ بابچ اي سبب  حقچ وچا لیش انسلب چا لیش یم دارچ لهب  یمچ یون حسینچ نفس الوجع بالگعده لو ردت ادگوم البي الوجع مچلوم ویظل ملچوم المهموم عمره عمره يخلص مهموم الزهره من الوجع توگف گوه قنفذ بسوطه بالمتن يتلوه يم دارچ التمت المجموعه :::::: شلون مدفوع الورد   ورده ويضموها بلحد الگلب خلي يستعد  رايح تزيد همومه معناها يا زينب سبي  تمشين وين الاجنبي نعمه وتظل هاي العبي   ما بيچ حیل الگومه الحرگ هذا الباب یحرگ خیمات يا زينب وتمشين نص الشمات من هسه ماكو راحه زينب هيهات يا ييمه باچر تركبين الهزل نص السوگ من هسه حتى الحلم زينب مبيوگ من الشام للكوفه انتي مرجوعه ::::: شلون حالچ وحدچ   یبنیتي ما يمچ هلچ باچر تره محد الچ   بس الشمر يبرالچ الشمر يحدي القافله   ايتام كل العايله باچر تغيرچ کربله    انتي كفيل اعيالچ يا زينب ادخلين باچر ديوان فلان ينظر لو يسب بيچ فلان حسين يم الماي يوگع عطشان يا ييمه راس الحسين وياچ يفتر برماح واليحدي بيچ بنيتي نفسه الذباح السبي شلون وانسه موضوعه ::::: علي جبار الكعبي الفاتحه لوالدي

يمه يمه يا يمه &&&& وكت الليل من اتسامر وياچ مــــن نگعد ســــوه بالمغربیه اقبل ايـــدچ وارتاح وارتاح حیل ارتـــــاح مـــــن تلـــزم ادیه يمه وشوفتچ صحه من الامراض عــــلاج ومــــــا لگیته بصیدلیه يوجه العافيه يكلمه الدافيه اعله ايدچ غافیه العوافي يشمعة دارنا يسر خطارنه شغلتي افكارنه ييمه &&&& اذا موجوده امـــك خلها بالعين امـــك كنز ظل حافــــظ عليها من تدخل البيت اخذ النصيحات طالع طــــاب ظــــل قبل اديها الما تلگاه یم الناس موجــــود عنده الوالـــده وموجود بيها اذا تدعيلك يرد كل حيلك صباح وليلك وجودچ اموت بدونچ حياتي عيونچ ييمه شلونچ ییمه &&&& مـــا مــــر بينه خطار بغيابچ ميته الهلا من يوم المشيتي مــــــا يدخل نفس للريه هيهات فقط بس امي تدخل هي ريتي راسي انترس شيب وانه مرتاح مو من ضيم شفتچ شیبیتي حنان چفوفچ امان انشوفچ کبر معروفچ امانه هوه بأنفاسي يتاج براسي تريدچ ناسي ييمه &&&& احچي ويه الصور ما تحچي وياي خالي البيت وانتي بنص الگبـور مــــا اللام لمــــن انحب اعليچ اون انه اعله امي وابچي معذور قبل دمعات امي بس للحسين تبقه بثوب الأسود وكت عاشور تسوي قرايه تكض الرايه وعزاء ملايه مجالس دمعها لزينب تون وتنحب مجالس تنصب ييمه &&&& عساچ بخیر یـــــم الخیر تبقین ومن عمري اعله عمرچ يالحنينه اون اعلــــــچ حتى انهار والليل ابنــــــچ ياهــــــو يسكت ونينه اذا مــــــا بيچ جیه یمه للدار بلكت بالحلـــــــم يمه تجينه علاج الروحي وطبيب جروحي الچ کل نوحي ونحيبي من اشوف الصوره النفس مكسوره تون مجبوره ييمه &&&& علي جبار الكعبي الفاتحه لوالدي

هــــاي الدمعِه يا زهــــــراء اقبليها بسجلچ یم حسن مولاتي سجليها ^^^^ (١) سجليها بسجلچ كـــــون مقبوله تــــــره الصعبه اذا انخاچ محلوله وعن هاي المجالس انتي مسؤوله وكل هاي الخدم انتي تعليها ^^^^ (٢) عدنه اذنوب بس انتي شفيع النه يا زهــــــراء صحنه بيـچ امنــــه مولاتي بخدمتج نـــــدخل الجنه الخدم حاشاج محتاره تخليها ^^^^ (٣) سجليني بسجلچ انـــه اوزع ماي للمجلس گضیت العمر رایح جاي نتعنه المجالس حتى لــــو حفاي عليچ العین یا زهراء اعميها ^^^^ (٤) قمت مجلس للحسين انتي احضريني الچ شكـــــــرآ جـــزيلا لــــو تقبليني عليچ حسین یا مولاتي سجليني عندي اذنوب كلفه وانتي تمحيها ^^^^ (٥) انتي اعلام شلي بكامرة تصوير اقبليني اعله صوتي ما احط تأثير كبر حمزه رغم ما اسمه حمزه صغير كل هاي الخدم انتي تعرفيها ^^^^ (٦) اظل خادم لحد ساعات الاجنازه خدمتي بالگبر تصبحلي عكازه المثلكم بيش يا مولاتي يتجازه ساعات الگبر مولاتي احضريها ^^^^ علي جبار الكعبي الفاتحه لوالدي

#الليالي #الفاطمية..... ....... وزن المجرشه....... ضميت الصواب..            عن عين ابو تراب حبل الوصيه امچتفه..              ومنه الگلب ذاب . ـــــــــــــــــ ❁ ❁ ❁ ـــــــــــــــــ . حيدر اعز من الهوه            الي أشهگه بريتي هو حياتي ومهجتي              وهو شمعت بيتي آنه الزجيه فاطمه              اروي الم ناعيتي أصبر لجل صبر الوصي          أبمحنتي وتضحيتي . ضميت الجروح..            اوگلبي مذبوح ماسولفت عن الجره               ابعصرة الباب . . ـــــــــــــــــ ❁ ❁ ❁ ـــــــــــــــــ . مادام صحت بمحنتي                 يافضه ادركيني لازم بعدها المرتضى                مايستمع ونيني ما امشي محنية ظهر              ماخبره بالياذيني ماگله بالرفسه نگضن            آخر ليالي اسنيني . وماگله بسمار  ..                    لمن نفذ حار شيكض ابو الغيره اذا               اشرحله المصاب . . ـــــــــــــــــ ❁ ❁ ❁ ـــــــــــــــــ . . اگباله ما الفظ الم            ولاشي يغير وضعي واكتمها عبرات الحزن          وبعيوني احبس دمعي يدري بجذع گلبي انعصر            ماگتله كسرو ضلعي بس المصيبت محسني           أغضب عليهم ودعي . يارب الاكوان..          ياعالي الشان كلمن گصد بابي بحطب        خل جمره لهاب . ـــــــــــــــــ ❁ ❁ ❁ ـــــــــــــــــ . ينشدني الحسين وحسن                 يايمه عينچ زرگه يدروها باللطمه اندمت                وبدمعتي المحترگة عنهم. ردت اخفي الالم                 وطفّي نار  الحرگه گمت الحجاب انزله             الوجنتي  المنسحگة . اولادي ازغار..           ولوشافو آثار ماتسكت الونه بعد          چي جرحي ماطاب . . ـــــــــــــــــ ❁ ❁ ❁ ـــــــــــــــــ .. بيت الحزن ليش انبنه          حتى اختلي  وي نوحي اندب مصيبة والدي             بيه وتطيب اجروحي لمن صرت بي وحّدي             ومحد يمر ابسوحي دمعي لجل حيدر جره       شحاله ويطلعت روحي . ايشاهد النور ..           ضلعي الي مكسور وبثوبي كل گطرة دمه             يشم بيها عطاب . ـــــــــــــــــ ❁ ❁ ❁ ـــــــــــــــــ . مايخفى عن باب الله كل             هظمي وعظيم احوالي لكن وصيته النافذه                   يصبر على چتالي والأوجب آنه بهالأمر                     مابين اليجرالي وللداحي ما اندب ا… اقرأ كاملًا ←

تجليبه بحق القاسم بن الامام الكاظم (ع) نعزي الليله ننحب نذكر الكاظم بوفاة ابنه الغريب ونبچي للقاسم نعزي الكاظم بنيران مستعـره ونبچي اعله الغريب ونسچب العبره باللوعه گضاها وغربه كل عمره حيدر جده شوف وهيبة الوادم ماذل بحياته وراسه مرفوعه وبالغـربه ابـد ماجـفـت ادموعه ابن الكاظم وضل عايش بلوعه رفعة راس چان وبالفقه عالم ضل يعصر بروحه وما فتر باسه مثل عباس عمه غيرته براسه عاش بغربته وتحترمه كل ناسه ملك چنه تشوفه ولا تظن خادم ملك چنه تشوفه وناسه تحترمه وماخذ من ابوه كل هيبته وعلمه اشگد رادت الوادم تعرف بأسمه ماگدرت تعرفه خشية الحاكم يلقبوه بالغريب و لوعـته بگلبه لأن خلص حياته بعالم الغـربه سلم للـقـدر لمـن عـرف ربـه علن لحظة مماته وعالامر عازم بچينه بالحزن للقاسم بلوعات نصب من دم عليه جمر الغضه دمعات هيهات احنه منعوفه ابد هيهات غصبا عالنواصب احنه والظالم لاتنسون والدي ووالدتي وأبني عباس من الرحمه والمغفره خادمكم رياض الرسل الجابر