USMLE Mentor MD

السلام عليكم أنا زميلكم عمر في خامسة طب الزقازيق الحمد لله ربنا اكرمني و نجحت حابب في التجربة بتاعتي احاول اوضح ازاي بقدر الإمكان ممكن تحاول توازن بين الكلية و مذاكرة المعادلة و دا ممكن يفيد الناس اللي بيبقي عندها قلق جامد من حوار انهم مش هيقدرو يوفقو بين الاتنين و معطلين نفسهم لان أنا كنت واحد من الناس دي مبدئيا أنا بدات اذاكر من تاني ترم في رابعة بس كنت بستهبل و مش واخد الموضوع بجدية البداية الحقيقية كانت في شهر ٨ في اجازة سنة رابعة بدات فيها و كنت بذاكر بانتظام بقدر الإمكان بس برضو مكنش احسن حاجة و كنت بطئ جدا و مخلصتش غير ١٧ ٪؜ من اليو ورلد لحد نص شهر عشرة حطيت هدف اني هخلصها قبل امتحانات آخر السنة بتاعت سنة خامسة مكنتش عارف التزم ف اشتركت في mentorship و دا فادني ان كان في حد كل يوم هيخش يشوف أنا ذاكرت ايه دا شجعني أواظب لحد ما المذاكرة بقت piece of cake و جزء من روتيني اليومي و بعملها من غير ما احس اني مغصوب عليها هتكلم و اقول ايه هي الperfect strategy فعلا عشان تطلع من الfirst read واقف علي ارض صلبة النصايح دي أنا مش عملتها كلها لاني مكنتش مدرك أهميتها ساعتها بس عملت جزء منها و دا فادني جدا اولا أنا مش هقولك ابدأ يوورلد من اول يوم ولا هقولك ان قد ايه اليوورلد مهم لان ده امر مفروغ منه و قتل بحثا النصيحة اللي هقولها بجد هي حل اليو ورلد "بضمير" و بضمير دي يعني اقرا السوال كويس فكر فيه و اعصر دماغك و مش لازم تستسهل و تختار اي حاجة تحت مسمى أنا بتعلم لسا ايوا هو ليرنج تول فعلا و السكور ملوش أهمية بس دا مش يمنع انك تحاول تفكر في السوال و تاخده تحدي انك تحاول تجيبه صح بحيث من البداية خالص تبقى معود دماغك علي ال clinical reasoning تاني حاجة تقرا الشرح كله حتى لو انت حليت السوال صح الحل باستمرار و القراية باستمرار للexplanation هتثبت المعلومات مع الوقت ثالثا اي سوال تغلط فيه ارجع للFA هات التوبك و اقرأه و علم علي التوبيك ده علامة تفكرك انك غلطت فيه لان صدقني لو اهملت اخطائك و الweak areas هتلاقيها نطالك في كل NBME و مكرهاك في عيشتك ثالثا أنا عملت غلطة و هي ان كل سوال كنت بعمله كرت في انكي و دا عطلني كتير الأحسن بجد انك تعمل كروت لأخطائك بس دا هيفرق معاك جدا جدا جدا رابعا الفارما و الميكرو درجات مضمونة اعمل فيهم انكي حتي لو مبتحبش انكي حاول بس تديه فرصة و تلقائيا… اقرأ كاملًا ←