Python Online o'quv markazi ma'lumot guruhi
CPython platformani boshqalardan farqi nimada?
Agar dasturlashga oid ko'pgina platformalarni oladigan bo'lsak, ularning deyarli barchasi faqat bir yo'nalishda faoliyat yuritishadi. Misol, qaysidir tizim faqat dasturlashni o'rgatsa, boshqasi faqat amaliy topshiriqlarni bajarishni o'rgatadi. Undan tashqari platforma dasturlashni faqat bir sohasiga mo'ljanlangan bo'lishi mumkin.
CPython dastlab asosan Python dasturlash tili uchun mo'ljanlangan bo'lsada, platforma rivojlanishi jarayonida tizim kompyuter fanlari sohasiga tegishli barcha yo'nalishlarga teng e'tibor qarata boshladi. Jumladan, tizimda masalalar bo'limida har xil topshiriqlar mavjud. Masalalarni bir nechta turini keltirib o'taman:
- Dasturlash asoslari(sikllar, funksiyalar va boshqa mavzuga oid topshiriqlar).
- Python bilan ishlash, dasturlashga oid ilg'or topshiriqlar(fayllar, modullar bilan ishlash, obyektga yo'naltirilgan dasturlashga oid masalalar).
- Kutubxona va freymvorklar(Django, Django ORM, bs4, openpyxl va yana ko'plab kutubxonalar bilan ishlash uchun masalalar).
- Statistik va matematik masalalar(Data science(numpy, pandas va boshqalar), matematik tahlil, ehtimollar nazariyasi va matematikani boshqa yo'nalishlariga oid topshiriqlar)
- Umumiy dasturlash(SQL so'rovlar, Linux buyruqlari, Muntazam iboralar).
- Qiziqarli masalalar(Mantiqiy, noodatiy masalalar).
- Algoritmlar va ma'lumotlar tuzilmasi(olimpiadali masalalar).
Bundan hulosa siz tizimda ishlash orqali nafaqat dasturlash, umumiy olganda informatika va matematika sohasiga doir barcha yo'nalishlarda o'z bilimlaringizni mustahkamlashingiz mumkin.
Tizimni yana bir asosiy taraflaridan biri bu reyting tizimi. Har bir bo'lim uchun alohida reyting tizimi tuzilgan. Eng zo'r foydalanuvchilar orasiga qo'shilish orqali o'zingizni boshqalarga tanitishingiz mumkin. Tizimda hamma narsa avtomatlashtirilgan, buni oqibatida sof raqobat yuzaga keladi.