ملخصات ثالثة E

هسة نجي بالكلام والحچي إلي أحچي لمصلحتكم - مرتفعات وذرنغ ، تقروها كاملة وتفصخوها ، بس شلون؟ أرجع وأگوللكم ركزوا على الاحداث الجدية والدرامية "الاحداث الآيروني مو مهمة" إتطلعوا عليها ممكن تجي اختيارات وممكن لا - علاقة هيثكلف أول ما إجة للبيت وصارت علاقة كاثرين واتفلشت لحدما انتهت الرواية "مهم جدًاا بالتفاصيل" +++ طريقة موته جدًا مهمة - كاثي كذلك شخصيتها جدًا مهمة ورئيسية ماانصحكم تقروها "شلخ وإعبر" وشلون اتغيرت بعدما راحت لثروشكروس - ضيفوا عليهم هيندلي وهاريتون" وإتطلعوا عليهم - كاثي الصغيرة" و إبن هيثكلف "ابناء الجيل الثاني" وبقية الشخصيات ركزوا بيهم جدًا و حاولوا تعرفون دورهم "الي هو تعديل وتحليل اخطاء الجيل الاول "آباؤهم" ويعتبر الجيل الثاني هو الاصلاح والشفاء بعد مأساة الجيل الاول . - Gothic elements على طول الرواية جدًا جدًا مهم - مقارنة بين مرتفعات وذرنغ وثروشكروس - الرموز كذلك مهمة وتكدرون تكتبوها ضمن الgothic elements

الرواية الثانية "أوقات عصيبة" - شخصيات "مستر غرادغرايند ، لويسا ، سيسي ، مستر بوندربي ، ستيفن بلاكبول" والبنية ام الزواج الفاشل . شنو أضافوا للرواية ؟ شنو تأثيرهم؟ - كل چابتر وشنو إسمه 🌚مهم جدًااااا "بداية كل چابتر تحته اكو فد إسم له" - ليش مستر غرادغرايد قافل على الfacts!!! مهمم جدًا - وصف بيت غرادغرايند - تعريف الحصان بالنسبة لكل شخص - الرجل "gentle man”ودخوله للمدرسة وسؤاله وعياطه على سيسي - ليش سيسي تحب الخيال والأشياء الغير واقعية "imagination” و نصيحة من طالب استفاد مِنْ شي مُعين "الرواية الثانية إقروا بس أول عشر چابترات" والثيمات والشخصيات 🌚🤝.

و هذا السؤال جدًا مهم مِنْ أحد الطُلاب جزاه الله الف خير Q / why does charles dickens open his novel by mentioning the word " facts "?. A / Mr. gradgrind embodies this philosophy insisting that facts are the only thing needed in life and education, by starting with "facts", dickens sets a stark, oppressive tone, emphasizing how this cold, rationalist mindset suppresses imagination, emotions, and individuality. the opening also signals dickens critique of industrial era and society where logic prioritized at the expense of human warmth and creativity. س / لماذا يفتتح تشارلز ديكنز روايته بذكر كلمة "الحقائق"؟ ج / يجسّد السيد غرادغرايند هذه الفلسفة، إذ يصرّ على أن الحقائق هي الشيء الوحيد الضروري في الحياة والتعليم. ومن خلال البدء بكلمة "الحقائق"، يضع ديكنز نبرة صارمة وقمعية، مبرزًا كيف أن هذا التفكير العقلاني البارد يقمع الخيال والمشاعر والفردية. كما يشير هذا الافتتاح إلى نقد ديكنز للعصر الصناعي والمجتمع الذي يقدّم المنطق على حساب الدفء الإنساني والإبداع.

ونصيحة تفيدكم ومتأكد راح تفيدكم ، شگد سعيك عشرة؟ او ١٥ او حتى ٢٠ فما فوق ، بالفاينل بمادة الرواية وخاصة يم "ست زينب" أبدد ماكو رسوب او دور ثاني بس شلون؟؟ - أول شي لتعوف أي سؤال "مقالي" فارغ - ثاني شي إكتب أفكارك بالترتيب ، حتلو من الاشياء الي تتذكرها مو إلا نصًا ، رتبهن بجواب مرتب وزين - ثالث شي لتكتب جواب خارج منطوق السؤال "بحجة مااعوف شي فارغ" السؤال حتلو نسيت جوابه ، انت عندك وقت ٣ ساعات تگدر ترتب وضعك وتصيغ جواب ثاني صحيح "حسب فهمك" وترتيبك للكلام ومن هالأشياء اني واحد مِنْ الناس سعيي چان ٢٢ وبالنتيجة النهائية الحمدلله إجاني تقدير "جيد جدًا" لان طبقت هالخطوات والكلام الفوگ 👆 ومعلومة ثانية؟ ست زينب كلشش مُتعاونة بالتصحيح "بالفاينل" إنسوا سالفة الشهري ، صح تصحيحها بالشهري كلش صعب وتتطلب جواب عميق ، بَس صدگوني بالفاينل الوضعية مختلففةة فوگ متتصورون . وبعد التسهيل مِنْ الله سبحانه وتعالى

راح انشرلكم قناة شارحة الروايات اثنينهن بصيغة حلوة ومرتبة ومابيها تعقيد "فويزات+مقاليات"

هاي بوستات مِنْ العام ترتيب وشرح أخوية وصديقي "مُزاحم سعد" الي يحب يستفاد عليهن خل يتوكل و إلي ميريد بعد بكيفه "بس هوايي راح تفيييدكم"

هالقناة مراح تنحذف ولا راح أنشر بيها أي شي بعد ، حتبقى للطُلاب إلي نجحوا مِنْ الثانية إلى الثالثة . ومااعرف شي بخصوص تغيير مواد "المرحلة الثالثة" يعني ممكن كل المناهج تتغير وممكن كم مادة فقط .

أما فيما يخص طُلاب الدور الثاني نصيحة مِنْ أخوكم ، لا تغيرون مصدركم بالمادة أبدًا ، غيروا طريقة قراءة المادة لإن متأكد اكو فد خلل بقرايتكم "صايرة بية قبل" و أيشي تحتاجون البوت موجود @htjw_bot