GIF
188 КБ · нажмите — покажем
188 КБ · нажмите — покажем
Сен босган ҳар тошга лаб босгим келди,
Юрган йўлларинга сочилиб дув-дув.
Шамоллар бошимга дўқ уриб келди,
Титроқ киприкларга илинди қўрқув.
Мен сени йўқотдим, ўша тош йўллар,
Босган изингни ҳам кўрмайди раво.
Кириб бораяпсан кўнгилга қадар,
Юрак томирларим босиб бепарво.
Мен сени йўқотдим.
Истамай, истаб,
Ғурурга бош эгиб, етти букилдим.
Жонинг омонлигин Худодан сўраб,
Тўкилдим, доғингда, тутдек тўкилдим.
Ачинма!
Ҳеч қачон ачина кўрма!
Ишон, қуламайди жойидан осмон.
Фақат ҳаммадан ҳам аччиқ ҳотима,
Осмондан мен қулаб кетишим ёмон!
❤️🖤