STOMATOLOG (Allanazarov Soatmurod) rasmiy kanal Stomatolog maslaxati...............

❗️Tibbiyot va farmatsevtika xodimlari uchun yangi davlat ro‘yxatidan o‘tkazish tizimi joriy etilmoqda Yurtimizda 2027-yil 1-iyuldan tibbiyot va farmatsevtika xodimlarini xalqaro standartlarga muvofiq davlat ro‘yxatidan o‘tkazish tizimi joriy etiladi. Mutaxassislarning kasbiy malakasi mustaqil ravishda, shaffoflik prinsiplari asosida Tibbiyot va farmatsevtika xodimlarining malakasini baholash markazi tomonidan baholanadi. 2030-yilga qadar ro‘yxatdan o‘tish ixtiyoriy, maxsus imtihon orqali yoki malaka toifasi berilayotganda avtomatik tarzda 5 yil muddatga amalga oshiriladi. Avval berilgan malaka toifalari esa muddati tugagunga qadar kuchda qolib, ustamalar va lavozim huquqlari saqlanadi. 2030-yildan keyin ham imtihondan o‘ta olmagan xodim ishdan chetlatilmaydi, unga bir yil ichida qayta imtihon topshirish huquqi berilib, ish faoliyati davom ettiriladi. Uch yil va undan ko‘p vaqt davomida ishlamagan xodimlar uchun ham imkoniyat yaratiladi. Ular ixtisoslashuv kurslarini tamomlab, qayta ro‘yxatdan o‘tsa kifoya, muddati tugamagan taqdirda esa imtihon umuman talab etilmaydi. Kamida 20 yillik ish staji va ilmiy darajaga ega shifokorlar uchun esa eng katta imtiyoz belgilangan. Ular hech qanday imtihonsiz davlat ro‘yxatidan o‘tkaziladi. Ko‘p yillik tajriba va ilmiy salohiyat shu tariqa rasman tan olinib, ular qo‘shimcha sinovlardan ozod etiladi. Baholash tizimi xalqaro darajada to‘liq modernizatsiya qilinadi.