armVote by Infocom

🔸 «Ես հիմա ավելորդ ինֆորմացիա չասեմ, բայց ակնհայտ էր, որ դատական նիստի շրջանակում ներկայացված ապացույցների ուսումնասիրությամբ առնվազն «Բարգավաճ Հայաստան» կուսակցությունը պետք է ստանար մանդատներ»,- ՍԴ որոշման հայտնի դառնալուց հետո հայտարարեց ԲՀԿ ներկայացուցիչ Արամ Օրբելյանը։ 🔹 Իսկ Արդարադատության նախարար Սրբուհի Գալյանը նշեց՝ «Արդարադատություն տեղի ունեցավ»։

🔸 «Արձանագրվեց, որ կա Սահմանադրություն, կա Սահմանադրական դատարան, բայց չկա սահմանադրականություն, չկա սահմանադրական արդարադատություն»,- Սահմանադրական դատարանի որոշումը մեկնաբանելիս հայտարարեց «Ուժեղ Հայաստան» կուսակցությունների դաշինքի ներկայացուցիչ Արամ Վարդևանյանը։ 🗣 «Սահմանադրական դատարանը հենց ինքը հրաժարվեց իր իսկ կազմի լեգիտիմության խնդիրը հաղթահարել։ Այն, որ այս ընտրություններին ընտրախախտումների հետ կապված հանգամանքներն անվիճելի էին, կարծում եմ՝ ակնհայտ է»,- նշեց նա։

📣 Վանաձոր և Փամբակ համայնքային փնջերի միավորման հետևանքով տեղական ինքնակառավարումը խաթարվելու է․ «Անկախ դիտորդ» դաշինք 🔸 «Նախագծի հիմնավորման մեջ նշվում է, որ իրականացվել են վերլուծություններ համայնքային փնջերի առաջնահերթությունների վերաբերյալ, մինչդեռ, հանրային քննարկում իրականացվել է միայն Վանաձորում, այն էլ՝ երբ նախագիծն ամբողջովին պատրաստ էր։ 🔸 Հիմնավորման մեջ նշված չէ, թե ինչու է անհրաժեշտ հենց այդ համայնքների միավորումը և ինչ օգուտներ է այդ միավորումը տալու։ 🔸Առավել խնդրահարույց է այն մոտեցումը, որ հերթական ընտրությունների նշանակման ժամկետը պետք է հաշվարկվի ՏԻՄ-ի լիազորությունները փաստացի իրականացումը սկսելու օրվանից։ Վանաձորի ավագանին մինչ օրս համայնքի ղեկավար չի ընտրել․ նա լիազորությունները չի ստանձնել։ Այս տրամաբանությամբ ստացվում է, որ ՏԻՄ ձևավորման գործընթացը մինչ օրս ավարտված չէ։ Ներկայացված հիմնավորումներով Վանաձոր համայնքի ընտրությունների հետաձգումը 2027 թվական, չունի ոչ մի իրավական հիմնավորում», - ասվում է հայտարարության մեջ։

🗳️ Գեղարքունիքի մարզի համայնքներում հոկտեմբերի 25-ին կայանալիք ՏԻՄ ընտրություններին մասնակցելու համար առաջադրվել է 7 քաղաքական ուժ։ 🔸 Գավառ համայնքում առաջադրվել են «Համերաշխություն» դաշինքը, «Ինքնիշխան Հայաստան» և «Հայկական քվե» կուսակցությունները։ Գավառ համայնքի գործող ղեկավար Գուրգեն Մարտիրոսյանը գլխավորում է «Համերաշխություն» դաշինքի 66 հոգանոց ցուցակը։ 🔸 Մարտունի համայնքում առաջադրվել են «Քաղաքացիական պայմանագիր», «Ապրելու երկիր», «Հայ Հեղափոխական Դաշնակցություն» կուսակցությունները և «Մեր համայնք» կուսակցությունների դաշինքը։ Գործող համայնքապետ Հովհաննես Հովեյանը գլխավորում է «Քաղաքացիական պայմանագիր» կուսակցության 81 հոգանոց ցուցակը։ 🔸 Վարդենիս համայնքում առաջադրվել է 1 քաղաքական ուժ՝ «Քաղաքացիական պայմանագիր» կուսակցությունը։ Գործող համայնքապետ Ահարոն Խաչատրյանը գլխավորում է 53 հոգանոց ցուցակը։ [ԿԸՀ]

🗳 Ժամը 11:00-ի դրությամբ ՏԻՄ ընտրությունների մասնակցության արդյունքները հետևյալն են՝ ▪️ Արմավիրի մարզի Ֆերիկ համայնք-7.98% ▫️ Լոռու մարզի Թումանյան համայնք-13.91% ▪️ Լոռու մարզի Լերմոնտովո համայնք-5.07% ▫️ Կոտայքի մարզի Արզնի համայնք-8.49% [ԿԸՀ]

✅️ Ժամը 14:00-ի դրությամբ ՏԻՄ ընտրությունների մասնակցության արդյունքները ըստ համայնքների հետևյալն են՝ ▫️Արմավիրի մարզի Ֆերիկ համայնք-25.15% ▪️Լոռու մարզի Թումանյան համայնք-33.04% ▫️Լոռու մարզի Լերմոնտովո համայնք-16.50% ▪️Կոտայքի մարզի Արզնի համայնք-24.67% [ԿԸՀ]

🗳 «Ականատես» դիտորդական առաքելության դիտորդները թիվ 28/1 և 28/2 ընտրական տեղամասերում արձանագրել են, որ մեծամասնական ընտրակարգով քվեարկության համար նախատեսված քվեաթերթիկը քվեարկության ծրարում տեղադրելուց հետո ծրարի կտրված անկյունից մասնակի տեսանելի են մնում քվեաթերթիկի վերջին երկու տողերի հատվածները։ 🔸 Մինչդեռ ՀՀ ընտրական օրենսգրքի 59-րդ հոդվածի 1-ին մասի համաձայն՝ քվեաթերթիկի նմուշը պետք է սահմանվի այնպես, որ հնարավոր լինի ապահովել քվեարկության գաղտնիությունը։ 🔹 Քվեարկության գաղտնիությունը ենթադրում է, որ քվեաթերթիկը ծրարում տեղադրելուց հետո հնարավոր չպետք է լինի դրա արտաքին զննմամբ որևէ տեղեկություն ստանալ ընտրողի կատարած ընտրության վերաբերյալ՝ այդ թվում նույնականացնել թեկնածուներին և պարզել կամ բացառել նրանց օգտին քվեարկելու հանգամանքը։ 📌 Հետևաբար, քվեաթերթիկի ձևաչափի և ծրարի չափերի նման անհամապատասխանությունը վտանգում է քվեարկության գաղտնիությունը։ [«Ականատես» դիտորդական առաքելություն]

📌 ՏԻՄ ընտրությունների շրջանակում ՆԳՆ միգրացիայի և քաղաքացիության ծառայության ստորաբաժանումներն ու շրջիկ գրասենյակները ծառայություններ կմատուցեն մինչև 20.00-ն։ Այս մասին տեղեկացնում են Միգրացիայի և քաղաքացիության ծառայությունից։

✅ Ժամը 17:00-ի դրությամբ ՏԻՄ ընտրությունների մասնակցության արդյունքները ըստ համայնքների հետևյալն են՝ ▫️Արմավիրի մարզի Ֆերիկ համայնք-46.01% ▪️Լոռու մարզի Թումանյան համայնք-49.31% ▫️Լոռու մարզի Լերմոնտովո համայնք-27.94% ▪️Կոտայքի մարզի Արզնի համայնք-35.95% [ԿԸՀ]