Esdalik.uz

#hikmat "Одамларнинг айбларини беркитувчи парда бўлинг, уларни кўргазма қилувчи саҳна эмас. Одамларнинг айбини ўзига кўрсатувчи кўзгу бўлинг, уларни ҳаммага кўрсатувчи ойна эмас." ✍️ Мавлоно Румий Ҳазратлари @wwwesdalikuz

ТЕЛЕФОН Қиласизми менга қўнғироқ, Ёки ўзим терайми рақам? Сизни жуда соғиндим... Бироқ, Баҳона йўқ йўқламоққа ҳам. Aйланади гумонлар ғуж-ғуж... Телефон жим, Ётар безабон. Юрак каби қилмайди хуруж – Симларида оқмайди-да қон... Нодир ЖОНУЗОҚ @wwwesdalikuz

Бормисан, йўқмисан, нима фарқи бор, Сени соғинаман, муҳими шунда! ©Усмон Азим @wwwesdalikuz

#ҲАР_ДАМ_ПАНДИ Тонгда тонгни қаршилаш учун Ҳақ берган забонинг ҳамдлар сўзласин. Кунда бир бора ҳам бўлсада учқун Сочаётган кўзинг бахтдан бўзласин. То фаришта ҳайрон қолсин ҳамдингга, Кўзёшингдан ивиб кетсин юраги. Билсанг биродар боз даво дардингга, Ҳамдлар келтирар боз Ҳақдан сўрганинг!!! Ҳузур борлигига асос шукур гар, Қил "Дил ба ёр — даст бакор" ҳар дам! Уқ бежизга валий бўлмагандирлар, Баҳовуддин Нақшбандийдек падар...! ✍Холида ИСМОИЛ https://t.me/xolidaIsmoil

#назм Бир қиз йиғлаяпти, билмайди ҳеч ким, Кўнглим-а дунёдан совий бошлайди. Сўнг аччиқ устида кўрпага қўшиб, Менинг юрагимни қавий бошлайди. Бир қиз йиғлаяпти, билмайди ҳеч ким, Юзига армонлар соя ташлайди. Сўнг аччиқ устида кўйлакка қўшиб, Ғижимлаб жонимни юва бошлайди. Бир қиз йиғлаяпти, билмайди ҳеч ким, Бир аччиқ изтироб туя бошлайди. Сўнг аччиқ устида кўйлакка қўшиб, Жонимни дорларга ёя бошлайди. Бир қиз йиғлаяпти — эшитар ҳамма, Ичимда ғамларнинг ўйи бўляпти. Сўнг аччиқ устида кўрпа ёпиниб, Йиғладим, шу қизнинг тўйи бўляпти. Бир қиз йиғлаяпти... Ғайрат Мажид @wwwesdalikuz

🌺 Д€ᛠርK0€ ​ᛖΘΛ0ԿK0 ᛠУ​​​ᛠ.👇

​​Unga maskan bo'lmoqlik uchun Dunyo hali poklanishi shart. Faqatgina imoni butun Unga kelsa baxtli bo'lar Baxt. Ko'zlar sokin bir qo'shiq kuylar, Jimirlashib ketadi tanlar: Muhabbatni ermak deb o'ylar Muhabbatdan tug'ilmaganlar! ✍A'zam O'ktam https://t.me/wwwesdalikuz

ИСМСИЗ КИТОБ . ЗАРИФ СУЛТОНИЙ

Ҳеч ким суйган эмас мени сенчалик, Қақнус тумшуғида ёнган аланга. Азизам, азизам, ғамгин азизам, Саодат олмоққа етурми тангам. Захоб ютиб кетган Олучча барги, Темир дубулғада ўсган чиннигул. Нотинч изтиробим ва соғинчларим Сенсиз этмакдаман ёлғиз танаввул. Ҳамал қафасида ҳарир, ғаройиб Зиндон топиб берар кофар ҳаяжон. Бўёқлар яралган симий ҳовузда Қунишиб, жунжикар-серталваса жон. Ҳеч ким севган эмас мени сенчалик, Ҳеч ким бўлолмаган сендай фидо тан. Денгизни сапчитиб отган қийқириқ, Гўё сен, Денгиздай таажжубланаман. Оғир лангар бўлиб қўлларим чўкар, Тубсиз қучоғингга карахт, беозор, Ҳайронман, Узугинг ютган наҳанглар, Сени қуршаётир ишорангга зор. Ҳеч ким суйган эмас мени сенчалик, Ҳеч ким суйган эмас мени юракдан. Ҳеч ким тўкилмаган сендек эланиб, Ҳеч ким тўкилмаган сендек элакдан. На тақдир битувчи, На қаттол рақиб, Бермаган саодат олмоққа танга. Ҳеч ким ёндирмаган мени сенчалик, Қақнус тумшуғида ёнган аланга. Ҳеч ким суйган эмас мени сенчалик… Абдували  ҚУТБИДДИН @wwwesdalikuz

Менсиз яша, Менсиз кул, йиғла... Менсиз ўтсин ҳар битта онинг. Токи мени деган чоғингда Чиқиб кетсин танангдан жонинг. Гарчанд сенинг ёдингсиз ўтган Умримни ҳеч умр демасман. Лекин йиғлаб ортингдан кетган Кўнглимдан ҳам рози эмасман! Майли, мени зулмкор ата, Мен шундайин қаттол бағирман! Бир қаландар ишқ менда, аммо Сендан кечиб, сен деб оғрирман... Вужудимни парчалаб, тиғлаб, Севги дилга солсин қасирға. Кўзимни ҳам солмайман, илло, Сен яшаган Олтин қасрга! Чорламайсан номимни, ҳатто Гарчанд дилда минг бора айтиб, Ёлворсанг-да қодир Худога, Тушларингга кирмасман қайтиб! Мен дуёнинг сўнгги йўлидан Шундай келдим, шундай кетарман. Аммо сенинг буюк кўнглингни Ҳеч кимсага бермай ўтарман!.. © Зебо Мирзо https://t.me/wwwesdalikuz

АНТОНИМ ДУНЁ Тез келган ғам кетгайми секин, Армон – яқин, орзулар – узоқ. Шодлик – қиммат, азоблар – текин, Гуноҳ тинмай қўяди тузоқ. Паст баландга келмас мувофиқ, Инкор этар кеча кундузни. Ким Осмонга, ким Ерга ошиқ, Нега ҳамма суймас Ёлғизни? Қорни очнинг, балки, кўнгли тўқ, Ҳаёт – қисқа, бунча узун йўл? Гарчи бугун кўзларим қуруқ, Юрагимнинг кўйлаклари ҳўл. Уйғонаман, нафсим ухласа, Мен йиғлайман, дунё кулади. Қаршилар кўп, Худо хоҳласа, Антонимим Ўлим бўлади. 2006 © Беҳзод Фазлиддин @wwwesdalikuz

Айни куз авжида сени соғиндим, Устимдан хазонлар кулган чоғида. Нима қолди экан, нимадир қолди, Ўриклар гуллаган соғинч боғида... Ҳалима Аҳмедова @wwwesdalikuz

* * * Гарчи иши мўлдир – бу дунё хушёр! Юракни борича очмоқлик қайда? Биргина сўзим бор, ёлғиз сўзим бор, Ўша эски сўз-да... Айтайми қайта? Чўчима. Мен ҳозир кетаман. Бу дам Нечун бошни эгдинг? Уялма ёшдан... Қайрилиб қарайман. Қандай гўзалсан! Ҳатто айрилиқ ҳам сенга ярашган. Усмон Азим @wwwesdalikuz

Англадим - баҳорга аталмаганмиз, Кузда туғилганман, демакки - кузман. Энг сўнгги япроғим тўкилгунгача, Сен кетган йўллардан кўзимни узмам. Сен ҳам баҳорларни ахтариб юрма, Бехиштдан қувилган ночор азизим. Бошқа фаслларнинг борлиги рўё, Бу дунёда фақат куз бор, азизим... Шуҳрат  ОРИФ @wwwesdalikuz

Ассалому алайкум Кунингиз файзли бўлсин ватандошим!!! https://t.me/xolidaIsmoil‌‌

УЗИЛИШ Мен учяпман Ҳарир ва енгил, Токи ерда юрмайман қайтиб. Сиз, эй, оғир қадамлар билан, Кетолмайсиз ҳеч ёққа дайдиб. Қаранг, енгил нақадар ҳаво, Борлиқ токи бир бўшлиқ, йўқлик. Йиқилмаслик учун ҳам ерда, Неча замон тик турибсиз, тик! Мен учяпман Кенгликлар оша, Мувозанат қийнайди сизни. Неча марта айланиб ўтдим Шу кичкина сайёрангизни. Соатларни тўхтатдим, Вақтни Жиловладим – муродга етдим. Она тупроқ, узилдим сендан, Мен бўшлиққа айланиб кетдим... Дадахон Муҳаммадиев @wwwesdalikuz