SM Sharing Law

ឯកឧត្តម កើត រិទ្ធ ឧបនាយករដ្ឋមន្រ្តី រដ្ឋមន្ត្រីក្រសួងយុត្តិធម៌ បានណែនាំ និងផ្តាំផ្ញើឱ្យអតីតសិស្សក្រឡាបញ្ជី ជំនាន់ទី៩ ចំនួន ៥ ចំណុច ដូចខាងក្រោម៖ (១)- ត្រូវបំពេញការងារប្រកបដោយភាពស្មោះត្រង់ និងឧត្តមគតិយុត្តិធម៌ ដើម្បីធ្វើខ្លួនជាបង្អែកដ៏កក់ក្តៅសម្រាប់ប្រជាពលរដ្ឋ ជាពិសេស ប្រជាពលរដ្ឋដែលទទួលរងការរំលោភបំពានដោយអយុត្តិធម៌។ (២)-ត្រូវបម្រើប្រជាពលរដ្ឋដោយក្រមសីលធម៌ និងសុចរិតភាព ក្នុងនាមជាមន្ត្រីជួរមុខដែលផ្តល់សេវាយុត្តិធម៌។ (៣)-ត្រូវចូលរួមដោយស្មោះត្រង់ និងការទទួលខុសត្រូវក្នុងការកែទម្រង់វិស័យយុត្តិធម៌ តាមរយៈការចូលរួមអនុវត្តយុទ្ធនាការទាំង ២ របស់ក្រសួងយុត្តិធម៌ គឺ យុទ្ធនាការជំរុញ និង ពន្លឿនការដោះស្រាយរឿងក្ដីនៅតាមតុលាការ និង យុទ្ធនាការត្រួតពិនិត្យ និង ដោះស្រាយភាពមិនប្រក្រតីនៅតាមតុលាការ។ (៤)-ត្រូវខិតខំបង្កើតស្នាដៃដើម្បីលើកតម្កើងខ្លួនឯង តាមរយៈការអនុវត្តការងារប្រកបដោយប្រសិទ្ធភាព និងគុណភាព ជាពិសេស ធ្វើឱ្យខ្លួនមានសមត្ថភាពពិតប្រាកដ ស្របតាមគោលការណ៍ “គុណាធិបតេយ្យ”។ (៥)-ត្រូវពង្រឹងសមត្ថភាពរបស់ខ្លួនជាប់ជាប្រចាំ ដើម្បីសម្របខ្លួនទៅនឹងការវិវត្តយ៉ាងឆាប់រហ័សនៃច្បាប់​ សង្គម និង បញ្ហានៅចំពោះមុខ ពិសេស ធ្វើឱ្យខ្លួនមានតម្លៃទាំងសម្រាប់ស្ថាប័ន ទាំងសម្រាប់សង្គម។