Постኬንያ የኮምፒውተር ቋንቋን (Coding) በትምህርት ሥርዓቷ ውስጥ በማካተት ከአፍሪካ ቀዳሚ ሆነች።

ኬንያ የኮምፒውተር ቋንቋን (Coding) በትምህርት ሥርዓቷ ውስጥ በማካተት ከአፍሪካ ቀዳሚ ሆነች። ኬንያ በአንደኛ ደረጃ እና በሁለተኛ ደረጃ ትምህርት ቤቶቿ የኮምፒውተር ቋንቋ (Coding) በስርዓተ ትምህርቶቿ ውስጥ በማካተት የመጀመሪያው አፍሪካዊ ሀገር ሆናለች። ከዚህ ውሳኔ ሀገሪቱ ብዙ ተጠቃሚ እንደምትሆን በርካቶች እየመሰከሩ ነው። በተጨማሪም ሀገሪቱ ብሄራዊ የሳይበር ደህንነት ስትራቴጂ 2022 ያዘጋጀች ሲሆን እስከ 2032 ይቆያል የተባለው የኬንያ ብሄራዊ ዲጂታል ማስተር ፕላንም ተመርቋል። ይህን አስመልክቶ በጥቂት ሳምንታት ውስጥ የስልጣን ዘመናቸው የሚያበቃው ፕሬዝዳንት ኡሁሩ ኬንያታ ብሄራዊ ዲጂታል ማስተር ፕላኑ የስራ እድል ፈጠራን እንደሚያሳድግ፤ የአይሲቲ ሴክተሩ የሁሉንም የኢኮኖሚ ዘርፍ እድገት እንደሚያሳድግ ጥርጥር የለውም ሲሉ ተናግረዋል። የዲጂታል ማስተር ፕላኑ በመላ ሀገሪቱ ከ20,000 በላይ መንደሮች የዲጂታል ማዕከላትን የማቋቋም ግብ ያስቀመጠ ሲሆን 40,000 ወጣቶችን በመቅጠርም ፍላጎት ያላቸውን ዜጎች እንዲያሰለጥኑ እንደሚደረግም ይገልጻል። ኬንያ በአህጉሪቱ ለዲጂታል ፈጠራዎችና ለዘርፉ ዋነኛ ቦታ መሆኗን ለማስመስከር ጥረቷን ቀጥላለች። ይህንን በሥርዓተ ትምህርቷ መደገፏም የዚህ ትልቅ ማሳያ ነው። በዚህ ዓመት ብቻ ማይክሮሶፍት፣ ቪዛ እና ጎግል በሀገሪቱ ዋና ከተማ የመጀመሪያ የልማት ማዕከላቸውን ከፍተዋል። @innovate_aastu