Oltinsoy tumani hokimligi 🇺🇿 Chat

Qishloq xo‘jaligi vaziri Oltinsoy tumanida paxta maydonlarini ko‘zdan kechirdi Bugun O‘zbekiston Respublikasi Qishloq xo‘jaligi vaziri Ibrohim Abdurahmonov Oltinsoy tumanida bo‘lib, paxta maydonlaridagi agrotexnik tadbirlarning borishi hamda g‘o‘za rivojlanish jarayonini joyida o‘rgandi. Tashrif davomida g‘o‘za navlarining rivojlanish holati, hosil elementlarining shakllanishi, mahalliy va xorijiy paxta navlarining hosildorligi hamda sho‘rga chidamlilik ko‘rsatkichlari tahlil qilindi. Vazir fermer va mutaxassislar bilan muloqot qilib, agrotexnik tadbirlarni ilmiy asosda, sifatli va o‘z muddatida amalga oshirish, dala madaniyatiga qat’iy rioya etish hamda suv tejovchi zamonaviy texnologiyalarni keng joriy etish yuzasidan zarur tavsiyalar berdi. Qayd etilganidek, paxta yetishtirishda yuqori hosildorlikka erishish, avvalo, har bir agrotexnik tadbirning o‘z vaqtida va sifatli bajarilishiga bevosita bog‘liq. Oltinsoy tumanida ham paxtachilikda yuqori natijalarga erishish yo‘lida amalga oshirilayotgan ishlar doimiy nazorat ostida bo‘lib, dala ishlari belgilangan reja asosida davom ettirilmoqda. ✍️🇺🇿🇺🇿Oltinsoy tumani hokimligi Axborot xizmati  🇺🇿🇺🇿 📱telegram🌎oltinsoy.uz|📱Facebook|📱Youtube |📱Instagram