Post Nintendo Switch kompaniya tarixidagi eng ko‘p sotilgan konsolga aylandi

Nintendo Switch kompaniya tarixidagi eng ko‘p sotilgan konsolga aylandi Nintendo yangi moliyaviy hisobotini e’lon qildi. Unda aytilishicha, birinchi avlod Switch sotuvlari 155 million donaga yetgan. Bu natija Switch modelini kompaniya tarixidagi eng muvaffaqiyatli o‘yin konsoliga aylantirdi. U 154 million dona sotilgan Nintendo DS ko‘rsatkichini ortda qoldirdi. Konsolning faol foydalanuvchilari soni 129 milliondan oshgan. Sotilgan o‘yinlar va dasturiy ta’minotning umumiy soni esa 1,5 milliard nusxadan ortiqni tashkil etadi. Shuningdek, Switch 2 bo‘yicha ham yangi statistika ma’lum qilindi — relizdan keyingi yetti oy ichida 17 milliondan ortiq qurilma sotilgan.