𝐅𝐮𝐭𝐮𝐫𝐞 𝐂𝐫𝐞𝐚𝐭𝐢𝐯𝐞 𝐚𝐧𝐝 𝐆𝐨𝐚𝐥

‎ ‎ကိုယ့်စိတ်ကိုယ်ညှဉ်းမယ့်လမ်းကို ‎နောင်တမဲ့စွာ မြတ်မြတ်နိုးနိုးလျှောက်တယ်။ ‎ ‎ငါတို့ချစ်မိခဲ့ကြတယ်ပေါ့။ ‎ ‎ဦးနှောက်မဲ့ရင်မဲ့မယ် ‎နှလုံးသားဟာပြုံးမြဲ။ ‎ ‎ငါတို့ချစ်မိခဲ့ကြတယ်။ ‎ ‎နှလုံးသားကို မင်းမျက်ဝန်းတွေက ‎လာဘ်ထိုးတဲ့အခါ ဆင်ခြင်တုံတရားဟာ ‎မမျှမတရှုံးရတယ်။ ‎ ‎ငါတို့ချစ်မိခဲ့ကြတယ်။ ‎ ‎ဖိနပ်မပါ ‎သေနတ်မပါ ‎မေတ္တာလှလှ ၊လိပ်ပြာလှလှနဲ့။ ‎ ‎ငါတို့ချစ်မိခဲ့ကြတယ်။ ‎ ‎ဒိဗ္ဗနိဗ္ဗာန်ဟာဝေးတယ်။ ‎ကိုယ်နီးချင်တဲ့ နိဗ္ဗာန်ဟာ မင်းပဲ။ ‎ ‎ငါတို့ချစ်မိခဲ့ကြတယ်။ ‎ ‎အချစ်ဆိုတာ ပြန်ထွေးမရတဲ့ ‎ပဒိုင်းသီးတစ်လုံးပဲ ‎လှလှပပကြီးကို ခါးသက်တယ်။ ‎ ‎ငါတို့ချစ်မိခဲ့ကြတယ်။ ‎ ‎အဲ့နောက် ချစ်မိနေ‌ဆဲ ‎သံဆူးကြိုးကို ပျော်ပျော်ကြိးဆုပ်ကိုင်ထားတဲ့ ‎လူရူးဟာ ငါတို့ကိုရယ်တယ် ‎အရူးတွေတဲ့ ‎ဒါပေါ့ ‎ငါတို့ချစ်မိခဲ့ကြတယ်။ ‎ ‎-မြတ်နွယ်