MessageYandex Uzbekistan backend dasturlash AI bo‘yicha bepul o‘qitadi

Yandex Uzbekistan backend dasturlash AI bo‘yicha bepul o‘qitadi Yandex Uzbekistan Toshkentda 10–31 oktyabr kunlari bo‘lib o‘tadigan uch haftalik Dev Camp dasturiga qabul boshladi. Dastur doirasida ishtirokchilar bir vaqtning o‘zida bir nechta yo‘nalish bo‘yicha bilim va ko‘nikmalarini rivojlantiradi: 🔹 backend dasturlash; 🔹 algoritmlar; 🔹 sun’iy intellekt. O‘qishdan tashqari, ishtirokchilar Yandex dasturchilari va jamoa rahbarlari bilan bevosita muloqot qilish imkoniyatiga ham ega bo‘ladi. Biroq dasturning eng qiziqarli jihati faqat ta’lim bilan cheklanmaydi. 👍 Eng yaxshi ishtirokchilar Yandex Uzbekistan'da amaliyot o‘tash uchun qisqartirilgan saralov jarayonidan o‘tish imkoniyatiga ega bo‘ladi. Ishtirok etish bepul. Dastur, avvalo, IT yo‘nalishlarida tahsil olayotgan talabalar va yaqinda oliy ta’lim muassasasini tamomlagan bitiruvchilar uchun mo‘ljallangan. Shu bilan birga, ishtirokchilar uchun yosh va ish tajribasiga nisbatan cheklovlar yo‘q. Ta’lim tillari: rus va ingliz tillari. Toshkentda yashamaysizmi? Bu ham muammo emas. Boshqa hududlardan saralovdan muvaffaqiyatli o‘tgan eng yaxshi ishtirokchilarning Toshkentga borib-kelish xarajatlari va dastur davridagi yashashi Yandex tomonidan qoplanadi. ❗️Arizalar 30 sentyabrga qadar qabul qilinadi. 👉 Dev Camp'da ishtirok etish uchun ariza to‘ldirish va kirish topshirig‘ini bajarish kerak.