Message🏆 CHEMPIONLAR ANIQLANDI 🎉

🏆 CHEMPIONLAR ANIQLANDI 🎉 IT PARK FARG‘ONA REZIDENTLARI O‘RTASIDAGI SHAXMAT MUSOBAQASI YAKUNLANDI! O‘zbekiston Respublikasi Mustaqilligining 35 yilligi munosabati bilan “Yagona Vatan, yagona xalq bo‘lib, yangi hayot va kelajak yaratamiz!” shiori ostida o‘tkazilgan shaxmat musobaqasi ko‘tarinki ruhda va murosaasiz bahslarga boy tarzda o‘tdi. Fergana Digital Hub binosida bo‘lib o‘tgan ushbu intellektual bellashuvda 16 nafar rezident kompaniyalarimizning eng iqtidorli va mantiqiy fikrlaydigan xodimlari o‘zaro kuch sinashishdi. Murosasiz kechgan va har bir yurish katta diqqat-e’tiborni talab etgan o‘yinlar yakuniga ko‘ra, g‘olib va sovrindorlar nomi aniqlandi: 🥇 1-o‘rin:MoveX Group xodimi  Mo'ydinov M 🥈 2-o‘rin: "Raqamli texnologiyalar markazi direksiyasi" MChJ xodimi  Jabborov S 🥉 3-o‘rin: "Intellektual software"  MChJ xodimi   Esonov N 🎉 G‘oliblarga tashkilotchilar tomonidan munosib tarzda qimmatbaho esdalik sovg‘alari va diplomlar topshirildi. 🤝 Ushbu musobaqa IT Park rezidentlari o‘rtasida nafaqat sog‘lom raqobatni rivojlantirish va mantiqiy fikrlashni qo‘llab-quvvatlashga, balki kompaniyalar o‘rtasidagi do‘stona muhit hamda jamoaviylikni yanada mustahkamlashga xizmat qildi. ⚡️Barcha ishtirokchilarga va ularni qo‘llab-quvvatlagan jamoalarga minnatdorchilik bildiramiz! G‘oliblarga esa kelgusi ishlarida va yangi marshrutlarda ulkan zafarlar tilaymiz!