Post📚 دليل اختيار دكاترة موديول|MSK

📚 دليل اختيار دكاترة موديول|MSK Musculoskeletal System #Doctors_Guide_MW #MSK_MW #Medicine_Way ▄▄▄▄▄▄▄▄▄▄▄ ✨ معلومات سريعة لأسلوب كل دكتور علشان تختار الأنسب لطريقة مذاكرتك. ━━━━━━━━━━━━━━━━━━ 💪 ANATOMY 👨‍⚕️د. أيمن خنفور|50hours 🎬 بيشرح على PowerPoint. ✍🏻 بيحب يطبق بالصور، وأحيانًا بيرسم أو بيستخدم مجسمات لو الجزء محتاج توضيح بشكل عملي. 📝 بعد كل جزء بيشرحه بيطبق عليه بأسئلة، وده بيساعد على تثبيت المعلومة. 🌟 وقت شرحه متوسط ومناسب. ━━━━━━━━━━━━━━━━━━ 👨‍⚕️د. محمود علاء|34hours 🎬 الشرح ميكس بين ريكوردات وفيديوهات. ✍🏻 بيعتمد بشكل كبير على الرسم بإيده، وبيوضح التفاصيل بالرسم. 🌟 مدة الشرح متوسطة. مناسب جدًا لأي حد بيحب يفهم المعلومة بصريًا مع الرسم والتفاصيل. ━━━━━━━━━━━━━━━━━━ 👨‍⚕️د. سامح غازي|71hours 🎬 شرحه فيديوهات، لكن جودة الصوت والصورة مش أفضل حاجة. ✍🏻 بيرسم بإيده أثناء الشرح لتوضيح المعلومة. 🌟 مدة الشرح متوسطة ومناسبة. شرحه جميل جدًا وبيوصل المعلومة بشكل كويس. ━━━━━━━━━━━━━━━━━━ 👨‍⚕️د. وهدان|35hours 🎬 بيشرح فيديوهات من الكتاب الخاص بيه، وفي الأغلب بيكون فيديو الشرح النظري متبوع بفيديو عملي، خصوصًا في العظم. ✍🏻 شرحه قصير نسبيًا، بس متكامل ومترابط، ولازم تشوف كل حاجة بعينك وتطلع متخيل الصورة. 🌟 معتمد أكتر على الفهم. 📚 لما تدخل تسمع على اليوتيوب بيكون عامل لينك للجزء اللي بيشرحه من المذكرة بتاعته، تنزلها عندك وتذاكر منها. ━━━━━━━━━━━━━━━━━━ 🫀 PHYSIOLOGY 👨‍⚕️د. ناجي اسكندر |13hours 🎬 شرحه فيديوهات على Diagrams هو راسمها بنفسه، وغالبًا بتكون نفس المحتوى العلمي للكتاب اللي هتذاكر منه. ✍🏻 شرحه ممتاز بالنسبة لأغلب الطلبة. 🌟 المدة طويلة. 📝 بيحل أسئلة MCQ في بداية كل محاضرة على المحاضرة اللي قبلها. ━━━━━━━━━━━━━━━━━━ 👨‍⚕️د. محمد الشريف|10hours 🎬 شرحه ميكس بين ريكوردات وفيديوهات. ✍🏻 شرحه مبسط وبيوصل المعلومة بطرق حلوة، وكمان بيرسم لتثبيت المعلومة. 🌟 وقته متوسط. 📚 بيحب يجمع الشرح تاني في Crash Course متكامل، وده مناسب جدًا لو عايزين حاجة سريعة ومختصرة وتغنيكم عن الشرح المطوّل. مناسب جدًا لو بتحبوا الشرح البسيط، وفي نفس الوقت عايزين اختيار سريع للمراجعة. ━━━━━━━━━━━━━━━━━━ 🔬 HISTOLOGY 👩🏻‍⚕️د. إيمان نبيل|5.5hours 🎬 شرحها فيديوهات على Slides خاصة بالدكتورة، وهتلاقوها متجمعة على التشانل. ✍🏻 الدكتورة بتشرح تفاصيل التفاصيل. 🌟 الشرح طويل شوية، لكن ممتاز جدًا. 📝 بتحل MCQ باستمرار بعد كل محاضرة، وبتعمل Revision على كل موديول بعد إنهائه. ━━━━━━━━━━━━━━━━━━ 👨🏻‍⚕️د. أحمد زهرة|14hours 🎬 شرحه ريكوردات؛ الدكتور بيكون بيشرح على سبورة والطلبة بيسجلوا. ✍🏻 الشرح كويس. 🌟 مدته متوسطة. ميزته إنه بينجز جدًا في وقت الشرح الأساسي أو الـ Crash Course كمراجعة. ━━━━━━━━━━━━━━━━━━ 👩🏻‍⚕️د. شيرين حامد|8hours 🎬 شرحها فيديوهات على Slides، شرح سلس وبسيط وغالبًا مختصر ومش متوسع. ✍🏻 الشرح قصير في المدة. 🌟 الجودة كويسة. ينفع جدًا كمراجعة. ━━━━━━━━━━━━━━━━━━ 🧪 BIOCHEMISTRY 👨🏻‍⚕️د. إبراهيم الحسيني|7.5hours 🎬 شرحه ريكوردات مع المذكرات. ✍🏻 شرحه بسيط وجميل جدًا، وبيشرح كل كلمة في المذكرة بتاعته. 🌟 مدة الشرح متوسطة ومناسبة. ━━━━━━━━━━━━━━━━━━ 👨🏻‍⚕️د. محمود الطويل |3hours • 🎬 شرحه فيديوهات، وبيشرح بالتفصيل. • ✍🏻 بيستخدم السبورة أثناء الشرح لتوضيح المعلومة وتثبيتها. • 🌟 مدة الشرح متوسطة ومناسبة. • 🎧 جودة الصوت والصورة مش أفضل حاجة في بعض الفيديوهات. ━━━━━━━━━━━━━━━━━━ 👩🏻‍⚕️د. ولاء سرحان|4hours 🎬 شرحها فيديوهات وبتشرح بالتفصيل. ✍🏻 بترسم على سبورة أثناء الشرح لتوضيح المعلومة. 🌟 مدة الشرح متوسطة ومناسبة. 🎧 جودة الصوت والصورة مش أفضل حاجة في بعض الفيديوهات. ━━━━━━━━━━━━━━━━━━ 🦠 MICROBIOLOGY 👨🏻‍⚕️د. أحمد عصام|6hours 🎬 الشرح ريكوردات في الأغلب، وممكن فيديوهات، وبيشرح بتتابع المذكرة بتاعته. ✍🏻 شرحه كويس. 🌟 الوقت متوسط ومش طويل، ودي ميزة فيه. ━━━━━━━━━━━━━━━━━━ 👩🏻‍⚕️د. هنادي القط|8.5hours 🎬 بتشرح فيديوهات على السبورة. ✍🏻 مدة الشرح قصيرة أو متوسطة نسبيًا، لكن في الغالب المعلومات بتكون أكتر من اللي عندك لإنها بتشرح الموضوع كامل بغض النظر عن المنهج. 🌟 بتعمل تجديد للفيديوهات بتاعتها، لكن مش بشكل دوري. غايتها إن الطالب يكون فاهم، والحاجة اللي فيها حفظ بتحاول تحولها لقصة علشان النسيان. ━━━━━━━━━━━━━━━━━━ 🪱 PARASITOLOGY 👩🏻‍⚕️د. نهى مدبولي|3hours 🎬 شرحها عبارة عن فيديوهات برسومات ممتعة، كأنها بتحكي قصة حياة الـ Parasite بطريقة مش سهلة تتنسى. ✍🏻 الشرح كويس. 🌟 المدة قصيرة. 📚 فيه جامعات كتير محتوى البارا فيها أكبر شوية، لكنها برضه مبتفوتش الـ Basics. ━━━━━━━━━━━━━━━━━━ 👨🏻‍⚕️د. الطوخي|6hours 🎬 شرحه ريكوردات مع المذكرات أو البوردات. ✍🏻 شرحه جميييل جدًا وبيشرح بالتفصيل، فالمعلومة بتكون واضحة ومفهومة. 🌟 مدة الشرح طويلة شوية. ━━━━━━━━━━━━━━━━━━ 🧬 PATHOLOGY 👨🏻‍⚕️د. أحمد النمر|6.5hours 🎬 شرحه ميكس بين ريكوردات وفيديوهات، وبيشرح أجزاء على السبورة. ✍🏻 بيستخدم السبورة والرسم لتوضيح المعلومة، وكمان مذكراته فيها صور كتير للتوضيح وتثبيت المعلومة. 🌟 وقت الشرح متوسط ومناسب. 📚 عنده كمان مراجعات مختصرة للمادة، مناسبة جدًا لو عايزين تلمّوا المنهج بسرعة قبل الامتحان. ━━━━━━━━━━━━━━━━━━ 👨🏻‍⚕️د. سامح غازي|2hours 🎬 شرحه فيديوهات، بيشرح على بورد بالقلم، ودي طريقة ممتعة وبتخليك مركز معاه. ✍🏻 شرحه كويس جدًا وبيشرح ببساطة. 🌟 المدة متوسطة وممكن تتطول. 📚 محتوى الباثو بالنسبة لجامعات كتير بيختلف عن جامعة طنطا أحيانًا. ━━━━━━━━━━━━━━━━━━ 👨🏻‍⚕️د. عبدالرحمن خليفة|6hours 🎬 شرحه فيه فيديوهات وفيه ريكوردات، وشرحه بيكون ماشي مع مذكرته. ✍🏻 شرحه كويس جدًا جدًا. 🌟 المدة متوسطة. 📚 ورقته فعلًا تستحق الإعجاب من حيث التوضيح والتنظيم المتميز جدًا. ━━━━━━━━━━━━━━━━━━ 💊 PHARMACOLOGY 👨🏻‍⚕️د. عبدالمتعال فودة|7hours 🎬 بيشرح من خلال فيديوهات وعلى السبورة. ✍🏻 شرحه طويل نسبيًا، بس كامل ومتكامل، وبيوضح المعلومة بالتفصيل. 🌟 بالرغم إن الفيديوهات قديمة وجودة التصوير مش ألطف حاجة، إلا إن المحتوى نفسه ممتاز جدًا. 📚 التفريغات من أفضل مصادر الفارما، وشرحه من أفضل الاختيارات للمادة. ━━━━━━━━━━━━━━━━━━ 👨🏻‍⚕️د. حليم| 🎬 شرحه ريكوردات. 🌟 وقته قصير، فممكن تخلصوا الشرح في وقت قليل. 📝 بيعمل أسئلة ومراجعات تساعد على تثبيت المعلومات، وده بيساعد في لمّ المنهج ومراجعته بسرعة. ━━━━━━━━━━━━━━━━━━ ✨ في النهاية اختيار الدكتور بيختلف من شخص للتاني حسب طريقة مذاكرتك، الوقت المتاح ليك، وهل بتحب الشرح التفصيلي ولا المختصر. اختار اللي يناسبك أنت، مش بالضرورة اللي يناسب غيرك.