Qashqadaryo viloyati Qarshi shahar Neftchilar mahallasi yoshlari va yoshlar yetakchisi Bekmurod Rasulov (muhokama guruhi)

Hurmatli Prezidentimiz! Tavallud ayyomingiz bilan chin qalbimizdan tabriklaymiz. Millat ma’rifati, xalq ma’naviyatini yuksaltirish mas’uliyatini o‘ziga olish - saodatli ish, jasoratli qadam. Davlatimiz rahbari bu yo‘lda tom ma’noda millat yetakchisi. Mamlakatda ilk bor Prezidentimiz Respublika Ma’naviyat va ma’rifat kengashi raisi bo‘ldi. Bu milliylik, qadriyatlarni qadrlashni yangi bosqichga ko‘tarish, asrash, kelgusi avlodga yetkazishda muhim qaror bo‘ldi. Qaysidir manzillarda yillar davomida o‘z vatanida begonadek yashab, yangi davr tufayli uning bir bo‘lagiga, fuqarosiga aylangan insonlarning quvonch ko‘z yoshini ko‘ramiz. Qay bir hududda yaxshi qo‘shnichilik siyosati sabab yon qo‘shni mamlakatda yashaydigan jigarlari bilan diydor ko‘rishayotganlarning xursandchiligi bor. Eng ko‘p eshitganimiz, ota-onalarning so‘zlari. Hammasi farzandlari bilan bog‘liq. Kimdir bog‘cha qamrovi oshganini aytsa, kimdir farzandining talaba bo‘lish imkoniyati kengayganidan xursand. O‘zbek desa – paxta, paxta desa – o‘zbek tushuniladigan qora kunlarni ko‘rdik. Afsuski, bundan tezda xalos ham bo‘lmadik. Eng yomoni ta’lim paxta dalasida qurbon qilindi. Ziyolilarning esa o‘tmish xatosini to‘g‘irlashdek dilida armon, tilida afsus ko‘p edi. Janob Prezident jasorati bilan tarixiy adolat tiklandi. Juda ko‘p qatag‘on qurbonlari oqlanmoqda. “O‘zbek”, “O‘zbekistonlik”, “O‘zbeklar” degan nom dunyoda baland ovozlarda va hayrat bilan yangray boshladi. Huddi tarix qa’ridan yana o‘sha jasorat, mardlik, g‘urur qaytgandek bo‘ldi! Bu kabi erta emas, bugun xalq farovon yashashiga zamin bo‘layotgan o‘zgarishlar ko‘p. Eng muhimi, bu o‘zgarishlar to‘xtamasligi, ortga qaytmasligiga esa mamlakat yetakchisining siyosiy irodasi tufayli ishonch baland, ko‘ngil to‘q. Hurmatli Prezidentimizga bu yo‘lda mustahkam sog‘lik, baxt-saodat, kuch-g‘ayrat tilab qolamiz. Biz esa ular bilan birga, yelkama yelka shu Vatan taraqqiyoti, xalq baxti, farzandlar kamoli yo‘lida xizmat qilishdan doim shodmiz. Zero, Vatan uchun, millat uchun, xalq uchun barchamiz birlashsak, yuksak marralarga yetamiz! “O‘zbek kelayotir, yo‘l bo‘shat jahon!” Qo‘shiqni sifatli va to‘liq formatda bu yerda ko‘rishingiz mumkin. https://youtu.be/Omsapx-IOrk @otabek_khasanov