ذرىّ قَصِيد .

​جيت لك ملهوف لكنك ما جيتي ابتدا الليل العتيم ولا لفيتي! ​آتحرى عنك في كل الأماكن واستدلّ بطيفك.. وتوّك سريتي! ​انتظرتك لين مد الصبح نوره افترض عذر البطا لك.. ما دريتي! ​ويل قلبي كم تعذب في غيابك أحسبك مثلي.. تحنّي ما نسيتي! ​ويوم جيتي بالبرود تبشريني بالمفارق.. ليت والله ما حكيتي! ​لين ودعتي الغلا من دون زلّه مات قلبي والشعور اللي بنيتي! ​أثرك أنتي ما تعبتي بالحقيقه المواجع كلها فوقي رميتي! ​دام رحتي عن قناعه.. ليه عدتي؟ في غيابك عن حنيني وش جنيتي؟ ​كثر ما رحتي وجيتي بالمواصل صرت متغير على ما انتي هقيتي! ​أكتفي بالصمت عن كثر المعاتب ما اشتكيت من الغياب اليا شكيتي! ..