CAD&BIM&CODE
BIM-menejer: Loyihaning miyasimi yoki rahbarlar ko'zidagi "bekorchi xarajat"mi?
Oldingi postlarimizda "qora mehnatkashlar" — BIM-modelerlar va ularga vazifa beruvchi BIM-koordinatorlar vazifalarini ko’rib chiqqandik. Endi navbat o'yinning "yakuniy bossi" -BIM-menejerga!
Xo'sh, bu odam o'zi nima ish qiladi, loyihaga rostdan ham kerakmi yoki shunchaki oylik olib o'tiradigan yana bir kadrmi?
BIM-menejer asosan nimalar qiladi?
BIM maqsadlari va standartlarini belgilash: Loyiha nega umuman BIMda qilinyapti? Shu savolga aniq javob va qoidalarni yozadigan odam.
Buyurtmachi bilan "til topishish": Majlisma-majlis yurib, buyurtmachiga BIM nimaligini, nima kutish kerakligini asablarini asragan holda tushuntirish.
EIR (Buyurtmachi talablari) va BEP (BIM ijro rejasi): Bular shunchaki qog'ozdagi chiroyli va tushnarsiz, lekin bimchilar ishlatilishi shart bo’lgan so'zlar emas, model haqiqatan ham bularda yo’zilgan talablarga javob beryaptimi yoki yo'qmi — shuni nazorat qilishi kerak.
Standartlar va CDE (Umumiy ma'lumotlar muhiti): Shablonlar yaratish, semeystvalar kutubxonasini yig'ish, fayllarni to'g'ri nomlash (“Proekt_Final_Oxirgisi_Tochna.rvt” - bo’ldida endi ) va CDE jarayonlarini sozlash.
Koordinatalar va ma'lumot almashinuvi: Hamma bitta joyda, bitta "tilda" va bitta umumiy koordinatada ishlashini ta'minlash strategiyasi.
Sifat: Model holati, Sifat-Nazorati (QA/QC) va to'qnashuvlar (clash management) jarayonlarini global darajada nazorat qilish.
Yuqorida asosiy va standard vazifalar keltirilgan, bu royhatga raqamlashtirishga oid ko’plab vazifalar ham bo’lishi mumkin.
Shu joyda koordinatorni vazifalari bilan kesishgan joylari bo’r. Farqni tushunib olish juda muhim:
BIM-menejer raqamlashtirish degan baloni amalda ishlashi uchun nima kerak bo'lsa, hammasini strategiyasini aynan u tuzib chiqadi.
BIM-menejer strategiyani yozadi, Koordinator esa shu strategiya bo'yicha ishlaydi.
Muhim jihat: Menejer modelda qancha grafik va atributiv (matnli) ma'lumot bo'lishini belgilaydi. Sifatli mahsulot degani bu — modelni keraksiz ma'lumotlar bilan to'ldirib tashlash degani emas. Oz ham, ko'p ham bo'lmasligi kerak. "Oltin o'rtalikni" topish kerak!!
Yana shuni ta’kidlash kerakki, bizni sharoitda, “bekorchilarga ortiqcha harajat” sifatida tushuniladihan holatda, ham koordinator ham menejer yollash shart emas deb oylayman. Boshlab olib uchun koordinator va menejer vazifalarini bir hodim bajarib tursa ham bo’ladi.
Bizning reallik: BIM menejerlar bizda bormi o’zi?
Bilishimcha bor, sanoqli, barmoq bilan sanash darajasida, bitta qo’lni barmoqlari etarli.
Nega bunday?
Oy’lashimcha, hali ham standard va odatiy, biz o’rganib qolgan muammolar – odatiy holligida. Boshqacha bo’lishi, kamroq tushunmovchiliklar va xatolar bo’lishi mumkinligi haqida oylab ko’rmaganimizda!!!
Bizning sevimli "qadrdon" muammolarimiz:
Xaos – “norma”:
Hamma o'z bilganicha ishlaydi, oddiy hol. Fayllar, parametrlar va elementlar nomlanishida yagona tartib bo'lmaydi, natijada modelni yig'ish katta muammoga aylanadi. Avtomatlashtirish-ku, biz uchun fantastika.
Ma'lumot yo'qotilishi – “Biz doim shunaqa ishlaganmiz”
Aktual mas ma’lumorlar bilan ishlash va UMMsiz ishlash – norma, oddiy hol. “Qaysi fayllar, qaysi versiyasi ohirgisidi?”, “Nima o’zgarganidi, nimaga o’zgarganidi?” degan savollarga javob topa olmay boshni qashib otiraveramiz. Telegramdan fayl tashlash amaliyoti yashasin! Telegram bo’rku nima muammo?
Qurilishga ma’lumotni tekshiruvsiz jo’natilish – “hamma shunday qiladi-ku”:
Fayllar tayyor bo’lishi bilan, bir ko’z yugurtamizda, jo’natib yuboraveramiz, tekshirilmaydi. ompyuterda, issiqqina ofisda hal qilinishi kerak bo'lgan xatolar to'g'ridan-to'g'ri qurilish maydoniga (pul va asablar yonadigan joyga) yetib boradi. Go'yoki BIMda ishlayapmiz, lekin stroykada peredelka va xatolar o'sha-o'sha.
Shu holatda, BIM-menejer modelni buyurtmachiga topshirishdan oldin auditdan o'tkazishi orqali qurilishdagi fojialarning oldi olishi mumkin.
88 ·