Postمتبقاش مهندس إلا ربع .. 😎

متبقاش مهندس إلا ربع .. 😎 مشكلة كمان من المشاكل اللي بتواجه المطورين . انهم ممكن يكونوا بيقدروا يعملوا مواقع بشكل كويس .. يعني كل الحاجات اللي فيه بتكون شغالة ومية مية .. وتيجي تبص ع السيو تلاقيه مش قد كدا .. وتلاقي المبرمج ولا عامل sitemap ولا عامل حتى robots.txt ولا مظبطه ولا مستخدم صيغ الصور الجديدة اللي هيا webp ولا عامل schema ولا مقلل ال assets ولا حتى حاطط h1 في الموقع عنده .. اللي بتعاطف معاه فعلياً هو صاحب المشروع في النقطة دي .. ليه ؟ لانه بكل بساطة يلاقي الموقع السيو بتاعه بايظ .. يروح للمبرمج يقوله ظبطلي السيو .. المبرمج يقوله لا .. دا فيه واحد للسيو بيظبط الكلام دا .. يروح لبتاع السيو .. بتاع السيو يقوله لا روح للمبرمج هو اللي يظبطلك السيو التقني .. ويفضل في الدوامة دي كتير .. من فضلك خليك أمين وطالما هتقدر تظبط بعض الحاجات لصاحب المشروع حتى لو هتعرفه انها بتكاليف بسيطة إضافية . أعملهاله .. بلاش تبقى مطور ومية مية وتيجي عند السيو وتقف .. ---- طيب أنا أكيد مش هسيبك كدا هحسسك بالذنب وهسيبك يعني ؟؟ لا مينفعش .. بم ان النهاردة 22.02.2022 أنا نظمتلك 22 نصيحة مهمة .. خلي بالك منها سواء كنت مصمم ، مطور ويب أو حتى متخصص سيو .. الموضوع دا ليك . ------------------------------------------ ⭕️ 1- أول حاجة بقولها لأغلب الناس وبتفاجئ إنهم ميعرفوهاش .. أحمد != الحاج أحمد .. أحمد حاجة والحاج أحمد حاجة تانية .. الدومين دا www.example.com جوجل بيقراه إنه موقع مختلف تماماً عن example.com وبيبدأ يأرشف كل واحد فيهم على حدى .. لأنه بيعتبر إن ال www عبارة عن subdomain وبيأرشفها بشكل مختلف تماماً . ف الحل انك تتأكد ان ال www يمكن الدخول عليها ولكن بتتحول للدومين الرئيسي . اللي هو example.com أو حتى ممكن تعتبر ال Domain الرئيسي هو www.example.com وتبدأ تحول كل الزوار عليه .. المهم ثبت الدومين الرئيسي سواء www.example.com أو حتى بدون www بحيث يكون example.com أنا شخصياً بستخدم الدومين بدون www ✅ طيب هتعملها ازاي دي ؟؟ أولاً لو بتستخدم NGINX زيي كدا ف هتلاقيني كاتبلك ريبو كامل فيه شوية commands كدا عن NGINX و LARAVEL و MYSQL و PHP-FPM و PHP-EXTENSIONS وحاجات تانية كتير .. هتلاقي الريبو هنا على ال Github.. https://github.com/peter-tharwat/usefull-commands طيب لو بتستخدم Apache أو LiteSpeed وبتحب تستخدم ال htaccess .. هتلاقي الاجابة هنا .. https://stackoverflow.com/questions/234723/generic-htaccess-redirect-www-to-non-www ------------------------------------------ ⭕️ 2- تاني حاجة وأنا عارف انها مسببه عقدة لبعض الناس .. ال Sitemap .. هتقولي انا شغال Laravel مثلا ولارافيل موضوع ال sitemap دا مش سهل زي wordpress مثلا .. هقولك وهو أنا هسيبك يعني ؟؟ ✅ خد دا كلاس كامل كتبتهولك من الصفر عبارة عن 86 سطر بس .. تقدر تاخد الكلاس كوبي وتتعامل بيه بدون مشاكل https://github.com/peter-tharwat/dashboard/blob/master/app/Http/Controllers/SiteMapController.php وبالمناسبة انت تقدر لو شغال pure php تعدل على الكلاس هيشتغل معاك ------------------------------------------ ⭕️ 3- تالت حاجة هيا ال Schema بتاعة OpenGraph و twitter و LinkedIn و Facebook وغيرها .. ودي عبارة عن بروتوكول بين الموقع بتاعك والمواقع المشهورة .. بتقولهم فيه ان الصفحة بتاعتي بتحتوي على كذا كذا .. والعنوان عبارة عن كذا .. ودا اللي بيخليهم ياخدوا معلومات الصفحة اللي انت حابب انها تظهر عندهم من ال meta اللي بتحطها .. ( بتأثر في نفسية الزائر ) ✅ هتقولي طيب انا هقعد بقى أدور على ال Schema دي حضرتك .. هقولك أنا قصرت معاك ف حاجة ؟؟ جاوبني بصراحة .. أنا قصرت معاك ف حاجة ؟؟ خد يا سيدي .. دا موقع بتديله شوية بيانات كدا .. بيروح مديك ال Open Graph .. https://smallseotools.com/open-graph-generator/ ✅ طيب وال schema ؟ اهو يا سيدي مش حارمك من حاجة .. الموقع دا بعملك Generate لل Schema .. https://technicalseo.com/tools/schema-markup-generator/ ✅ هتقولي طيب أنا خلصت ال Schema .. وعايز اتأكد اني كاتب ال Schema وال Open Graph صح .. هقولك اتفضل .. دا موقع بيخليك تتأكد إن اللي انت كاتبه دا صح ولالا ويقولك تعمل أيه علشان تصلحه .. https://developers.google.com/search/docs/advanced/structured-data ------------------------------------------ ⭕️ 4- ال HTTPS .. موقعك انت مش محتاجه Https بس علشان خاطر السيكيوريتي .. لما شخص بيدخل على موقع أنت عامله ويظهرله تحذير الاتصال غير مشفر .وعلامة حمرا فوق . غالباً بيحس بقلق .. حتى لو هو مش فاهم أيه فايدة ال Https دي .. ( بتأثر في نفسية الزائر ) طيب دي نعملها ازاي .. ✅ هقولك لو انت بتستخدم استضافة مشتركة ف انت بتلاقي الميزة دي جوه ال Cpanel .. أو موفراهالك الاستضافة ..