TDTU Talabalari

Bugun Toshkent davlat tibbiyot universitetida Saudiya Arabistoni Qirolligining tibbiyot mutaxassisliklari bo‘yicha komissiyasi (Saudi Commission for Health Specialties – SCFHS) vakillari bilan rasmiy uchrashuv bo‘lib o‘tdi. Mehmonlar dastlab universitet faoliyati, ta’lim va ilmiy salohiyati, zamonaviy infratuzilmasi hamda amalga oshirilayotgan islohotlar bilan yaqindan tanishdilar. Shundan so‘ng delegatsiya vakillari ishtirokida ikki tomonlama hamkorlik masalalariga bag‘ishlangan rasmiy muzokaralar boshlandi. Uchrashuv davomida Toshkent davlat tibbiyot universiteti hamda SCFHS o‘rtasida tibbiy ta’lim, tibbiyot mutaxassisliklarini akkreditatsiyadan o‘tkazish, shifokor va tibbiyot xodimlarini tayyorlash hamda malakasini oshirish yo‘nalishlarida o‘zaro hamkorlikni rivojlantirish istiqbollari muhokama qilindi. Tomonlar tibbiyot sohasida ilg‘or tajriba almashish, qo‘shma ta’lim va ilmiy loyihalarni amalga oshirish, shuningdek, xalqaro hamkorlikni yangi bosqichga olib chiqish yuzasidan o‘zaro fikr almashdilar. Ma’lumot uchun: Saudiya Arabistoni Tibbiyot mutaxassisliklari bo‘yicha komissiyasi (SCFHS) - 1992-yilda qirollik farmoni bilan tashkil etilgan mustaqil ilmiy-professional tashkilot hisoblanadi. Bosh qarorgohi Ar-Riyod shahrida joylashgan bo‘lib, Komissiya Saudiya Arabistoni Sog‘liqni saqlash vazirligi tizimida faoliyat yuritadi. U tibbiyot mutaxassisliklari va ta’lim muassasalarini akkreditatsiyadan o‘tkazish, tibbiyot xodimlarini attestatsiyadan o‘tkazish va professional ro‘yxatdan o‘tkazish, shuningdek, uzluksiz tibbiy ta’lim hamda ixtisoslashtirilgan tayyorgarlik dasturlarini muvofiqlashtirish bilan shug‘ullanadi. SCFHSning 2025–2030-yillarga mo‘ljallangan strategiyasi innovatsion ta’lim metodologiyalarini joriy etish, xalqaro hamkorlikni kengaytirish hamda Saudiya Arabistonini sog‘liqni saqlash sohasida malakali kadrlar tayyorlash bo‘yicha yetakchi xalqaro markazlardan biriga aylantirishni nazarda tutadi. Telegram | Facebook | Instagram | YouTube | X | li

Psixiatriya va narkologiya — insonga tayanchini qayta topishga yordam beradigan tibbiyot. Bu og‘ir ruhiy holatlarni yengib o‘tish, yaqinlarini qo‘llab-quvvatlash, o‘qish va ishga qaytishga ko‘maklashishdir. Shu bilan birga, bu klinik amaliyot, ilm-fan, o‘qituvchilik va profilaktika yo‘nalishlarida rivojlanish imkoniyatidir. Toshkent davlat tibbiyot universiteti magistraturasida 2026/27 o‘quv yili uchun 58 ta grant o‘rni ajratilgan: ✅— psixiatriya — 36 ta: 26 ta umumiy va 10 ta maqsadli; ✅— narkologiya — 22 ta: 15 ta umumiy va 7 ta maqsadli. Hamkasblar, agar talabalaringiz orasida e’tiborli, izlanuvchan va befarq bo‘lmagan bo‘lajak shifokorni ko‘rsangiz, ushbu postni unga yuboring. Ba’zan bitta suhbat yoki repost insonga o‘z kasbiy yo‘lini topishga yordam beradi. #TDTU #Psixiatriya #Narkologiya #Magistratura #TibbiyTa’lim #Grant Bizni kuzating! 🏛TDTU TALABALAR - Toshkent davlat tibbiyot Universiteti talabalar kanali