tanga.uz — chat

Bugun, 18-avgust kuni Prezident Shavkat Mirziyoyev raisligida Tadbirkorlar kuni munosabati bilan yig‘ilish o‘tkazilmoqda. Yig‘ilishda ma’lum qilinishicha, banklar balansidagi 9 trln so‘mlik 2,5 mingta mulk chegirmali narxlarda sotuvga qo‘yiladi. Ularni boshlang‘ich to‘lovsiz va foizsiz, bo‘lib to‘lash sharti bilan sotishga ruxsat beriladi. Bu mulklarni sotib olgan tadbirkor bir yil davomida yer va mulk solig‘ini to‘lashdan ozod etiladi. Batafsil: https://tanga.uz/news/1588 Telegram | Instagram | YouTube

18-avgust kuni Prezident raisligida o‘tgan yig‘ilishda mehmonxona qurish, rekonstruksiya qilish va jihozlash uchun 50 mln dollar resurs ajratilishi ma’lum qilindi. Tadbirkorlarga 10 yil muddatga, 16 foiz stavkada milliy valyutada kredit beriladi. Mehmonxonalar uchun yer va mulk solig‘ini 10 barobar kam stavkada to‘lash imtiyozi esa 2030-yilgacha uzaytiriladi. Batafsil: https://tanga.uz/news/1589 Telegram | Instagram | YouTube

Paynet to‘lov tashkiloti GoInvest kompaniyasining nazorat paketini sotib olayotgani rasman e’lon qilindi. Paynet tomonidan rasman kompaniyaning 33,14 foiz ulushi sotib olingan, keyingi bosqichda ulushni 51 foizga yetkazish ko‘zda tutilgan. Rejaga ko‘ra, GoInvest investitsiya servislari Paynet ekotizimiga integratsiya qilinadi. Paynet platformaga 17,2 mlrd so‘m miqdorida investitsiya kiritadi. Shuningdek, O‘zbekiston investorlariga xalqaro kapital bozorlariga qonuniy kirish imkoniyatini yaratish rejalashtirilmoqda. Batafsil: https://tanga.uz/news/1592 Telegram | Instagram | YouTube

Beeline aloqa operatoriga egalik qiluvchi VEON xoldingi O‘zbekistondagi Perfectum mobil operatoriga 200 mln dollar investitsiya kiritmoqchi. Tomonlar bu borada iyun oyida kelishuvga erishgan, biroq bitimni yakunlash uchun Raqobat qo‘mitasining ruxsati talab etiladi. Tadbirkorlar kuni munosabati bilan bo‘lib o‘tgan yig‘ilishda Perfectum asosiy aksiyadori Farhod Mamajonov qo‘mitadan ruxsat olishda prezidentdan yordam so‘radi. Prezident esa ushbu masalani shaxsan nazoratga olishini ma’lum qildi. Batafsil: https://tanga.uz/news/1593 Telegram | Instagram | YouTube

Alif kompaniyasi Armanistonning Ineco Group investitsiya guruhidan mudoraba tamoyili asosida 10 mln dollar jalb qildi. Mablag‘ O‘zbekistonda Alif Nasiya xizmati orqali muddatli to‘lovlarni moliyalashtirish ko‘lamini kengaytirishga yo‘naltiriladi. Batafsil: https://tanga.uz/news/1590 Telegram | Instagram | YouTube

IT Park rezidentlari qancha eksport qilmoqda — infografika 2026-yilning birinchi yarmida IT Park rezidentlarining xizmatlar eksporti 392 mln dollarni tashkil etdi. Bu o‘tgan yilning mos davridagi 302 mln dollarlik ko‘rsatkichdan 90 mln dollarga yoki 30 foizga ko‘pdir. Mazkur eksportning 303 mln dollari yoki 77 foizi Toshkent shahri hissasiga to‘g‘ri kelgan. Poytaxtdan keyingi o‘rinlarni mos ravishda Toshkent, Samarqand hamda Andijon viloyatlari joylashgan. Batafsil: https://tanga.uz/news/1594 Telegram | Instagram | YouTube

Har yili turizm sohasidagi eng yaxshi 10 tagacha startap loyihasiga ularni ishlab chiqish va amaliyotga joriy etish bilan bog‘liq xarajatlarning 50 foizi, biroq 1 mlrd so‘mdan ko‘p bo‘lmagan miqdorda davlat tomonidan subsidiya ajratiladi. Batafsil: https://tanga.uz/news/1595 Telegram | Instagram | YouTube

Janubiy Koreyaning Mom’s Touch fastfud tarmog‘ining O‘zbekistondagi birinchi restorani Toshkent shahridagi Chilonzor savdo markazi hududida ochilishi ma’lum bo‘ldi. Biroq filialning aniq qaysi sanada ochilishi hozircha noma’lum. Mom’s Touch asosan tovuq go‘shtidan tayyorlangan taomlarga ixtisoslashgan. O‘zbekiston Mom’s Touch uchun Markaziy Osiyodagi birinchi bozor bo‘ladi. Batafsil: https://tanga.uz/news/1597 Telegram | Instagram | YouTube

🎬 Birinchi BYD Yuan Up g‘olibining quvonchi va taassurotlarini kuzata turib, to‘lqinlanmaslikning iloji yo‘q! Baxtli ishtirokchini ushbu chiroyli yutuq bilan samimiy tabriklaymiz! Shu bilan birga, InfinBANK’ning “O‘z vaqtida to‘lang va yutib oling!” aksiyasi davom etayotganini ma’lum qilamiz. Oldinda hali ko‘plab qimmatbaho sovrinlar o'z egasini kutmoqda. O‘ynalayotgan sovrinlar: ✅3 ta BYD Yuan Up ✅iPhone 17 Pro Max ✅iPad ✅AirPods 4 (har oy 3 nafar g‘olib) Ishtirok etish tartibi: 1. InfinBLACK yoki InfinBARAKA kartalaridan faol foydalanish; 2. Qarzdorlikni grafik bo‘yicha o‘z vaqtida so‘ndirish; 3. Bankning Instagram sahifasiga obuna bo‘lish. 🔽 Agar sizda hali InfinBANK kartasi bo‘lmasa, bank ilovasini yuklab olib, kartaga masofadan buyurtma berishingiz mumkin. 👉 Aksiya haqida batafsil ma'lumot Hamkorlik asosida

Davlat xaridlari ishtirokchilari uyushmasi raisi Anvar Muhitdinov O‘zbekistondagi biznes subyektlarining davlat xaridlaridagi ishtiroki hali pastligini ta’kidladi. Unga ko‘ra, davlat xaridlarining elektron tizimlarida ro‘yxatdan o‘tgan 344 mingta biznes subyektining atigi 36 mingtasi xaridlar yakunida shartnoma tuzmoqda. Uning qayd etishicha, bu davlat xaridlari bozorida foydalanilmayotgan katta salohiyat mavjudligini ko‘rsatadi. Mahalliy biznes uchun davlat xaridlarida joriy etilgan imtiyozlar hamda tadbirkorlar ishtirokini kengaytirishga qaratilgan kelgusidagi rejalar haqida batafsil: Batafsil: https://tanga.uz/news/1598 Telegram | Instagram | YouTube