ကဗျာနှင့် စာတိုများ📝📝 chat

တံခါးမရှိ၊ ဓားမရှိ ကော်ဇောခင်းလို့ စောင့်နေသူမို့ ရွှေရှိဖို့၊ ငွေရှိဖို့မလို သူရှိရင်ပဲ ပြည့်စုံပါပြီ။ -အံ့လွန်းပျို

မရှိမဖြစ် ဆိုတာမျိုး တကယ်ရှိခဲ့တယ် အသက်။ မင်းမရှိလို့ မဖြစ်တာမဟုတ်ဘဲ မင်းရှိမှဖြစ်မယ့် အခိုက်အတန့်မျိုး ငါ့ဘဝမှာလဲ ရှိခဲ့တယ်။ -အံ့လွန်းပျို

အချစ်ခံရဖို့ ချစ်တာမဟုတ်ပေမဲ့ အပြစ်ခံရဖို့လို့လဲ မရည်ရွယ်ပါဘူး။ ရခဲ့တာကတော့ ဥပေက္ခာတွေချည်း...။ -အံ့လွန်းပျို

လေနှင်ရာလွင့်တဲ့ လေလွင့်ရွက်ဝါလေး တစ်ရွက်ကို ငါ့အတွက် ရောက်လာတဲ့ ကံကောင်းခြင်းလေးလိုမျိုး တန်ဖိုးထားပေးခဲ့ပါတယ်...။ -အံ့လွန်းပျို

အသက်ရှင်နေရခြင်းမှာ ဝန်ကင်းချင်တယ်။အများအကျိုး အတွက်ဆိုရင်တောင် တစ်ခါတစ်လေ ကိုယ့်ကိုယ်ကိုယ် ပြန်ငဲ့ရမယ်။ ငါဟာ ချောက်ကမ်းပါးစွန်းမှာ...။ -အံ့လွန်းပျို

ပွဲတော်တွေဟာလည်း ပျော်စရာမကောင်းတော့ပါဘူး။ ဒို့ခေါင်းပေါ်မှာ ကောင်းကင်ကြီးဟာ လွတ်လွတ်လပ်လပ်မှမဟုတ်တာ ။ -မောင်ချောနွယ်

ပညာဟူသည်၊ နတ္တမည်ပင် တည်တံ့ဉာဏ်ဦး၊ ထည်ဝါထူးလည်း အရူးစကား၊ ယုံကြည်ထားမူ အလားတူဟန် ဉာဏ်မဲ့တည်း။ -အံ့လွန်းပျို

လူဆန်ခြင်း ဘဝမှာ မရခဲ့တာတွေ အများကြီးအတွက် တစ်ဝက်နောင်တနဲ့ နေထိုင်တယ် ။ စိတ်မကုန်နိုင်သေးသော ကမ္ဘာကြီး မိုက်လုံးကြီးမှုတွေအတွက် ခွင့်လွှတ်ပါ ။ -လှသန်း

မင်းကို အားမကိုးချင်သလို ငါ့မှာလဲ အားကိုးစရာဘာမှမရှိ။ ဒါတောင် ကိုယ်ခြေထောက်ပေါ် ကိုယ်ရပ်တည်ချင်သူပါတဲ့လေ။ ခက်ပါရဲ့။ -အံ့လွန်းပျို

ကျွန်မကတော့ ကိုယ့်ကိုယ်ကိုယ် ယုံတာတစ်ခုက ကောင်းကောင်းချစ်တတ်တဲ့ နှလုံးရှိတယ်လို့ပဲ။ ချစ်စရာရှိရင် ကျွန်မကပဲ ချစ်ချင်တယ်။ -ကြည်အေး

မျှော်လင့်ချက်တွေဟာ လုပ်ကြံခံလိုက်ရတယ် အနာဂတ်ကတော့ အသက်ငင်နေဆဲ ။ -လှသန်း

အနှစ်နှစ် အလလ စိတ်ကူးယဉ်ခဲ့တာကိုမှ လက်လွှတ်ရတဲ့အခါ ကျွန်တော် အိပ်မက်တွေကို မုန်းခဲ့တယ်...။ -အံ့လွန်းပျို

ငယ်ရွယ်မှုက ဘာနဲ့မှတုလို့ မရပါဘူး ဒါကြောင့် သူတို့ သူတို့ အရူးအမူး ချစ်ကြပါစေ။                                        -အောင်ချိမ့်

ချစ်တယ်မဆိုသာရုံ နွေးထွေးမှုမှာ ကိုယ်ဟာ အသက်မပါသွားရုံ မျှော်လင့်ချက်ကို ရင်းခဲ့ပါတယ်။ -အံ့လွန်းပျို

လူတစ်ယောက်ယောက်ကို လက်သီးနဲ့ထိုးဖို့ဆိုတာက ကိုယ့်မှာမေးရိုးရှိရတယ်တဲ့... -မောင်ချောနွယ်

ချစ်သည်းကျော်ဖို့ မင်းသာ ကိုယ့်ကိုပြန်ချစ်ခဲ့ရင် ကိုယ်ကမင်းအတွက် ကြယ်တွေကို ကြိုးသီပေးမှာပေါ့။ မင်းသာ ကိုယ့်ကိုမေတ္တာမျှခဲ့ရင် ကိုယ်ကမင်းအတွက် သမုဒ္ဒရာကို အိုင်ဖြစ်စေမှာပေါ့။ မင်းသာ ကိုယ့်လက်ကိုရဲရဲကိုင်ခဲ့ရင် ကိုယ်ကမင်းအတွက် ကမ္ဘာကြီးကို မင်းလက်ခုပ်ထဲ ထာဝရထည့်ပေးမှာပေါ့။ ကိုယ်သာ မင်းကို‌လွမ်းဆွတ်ခဲ့ရင် မင်းကကိုယ့်အတွက် မီးကို နှလုံးတိုက်သွင်းမှာပေါ့။ ကိုယ်သာ မင်းကိုမြတ်နိုးခဲ့ရင် မင်းကကိုယ့်အတွက် နိ‌ဗ္ဗာန်ကို ငရဲဖြစ်စေမှာပေါ့။ ကိုယ်သာ မင်းဘဝထဲဝင်ခဲ့ရင် မင်းကကိုယ့်အတွက် စကြဝဠာကိုပါ ကိုယ့်ဆီက အပြီးတိုင်ယူဆောင်သွားမှာပေါ့။ -အံ့လွန်းပျို

အမေ့ကမ္ဘာမှာ အရာရာဖြစ်ခဲ့တဲ့ကောင်က သူ့ကမ္ဘာမှာတော့ မမွေးလာသင့်တဲ့ လူတစ်ယောက်ပါတဲ့ အမေ...။ -အံ့လွန်းပျို

သဘာဝကို ချစ်တယ်။ သဘာဝအတိုင်း ညိုနေတဲ့ အသားညိုညိုလေးကို ချစ်သလို သဘာဝအတိုင်းပါတဲ့ ပါးချိုင့်ခွက်လေးကိုလဲ ချစ်တယ်။ -အံ့လွန်းပျို

မေတ္တာတရား ကို သယံဇာတလို့ သဘောထားတယ် ပိုက်ဆံတွေ နေကောင်းပါစေ စိန်ရွှေငွေရတနာတွေ ပျော်ရွှင်ပါစေ မှောင်မိုက်နေတဲ့အခါ သက်သာရဲ့လား ဆိုတဲ့ မိတ်ဆွေတစ်ယောက်သာ အလိုရှိပါတယ် လမ်းမီးများ လင်းခါစ ။ -ကြည်ဇော်အေး

ဝဋ်ကြွေးရှိတဲ့အခါ စိန်ပြေးတမ်းကစားချင်တယ်။ မင်းကသူ့ဆီပြေးရင် ငါကမင်းကိုမမီအောင် ဖမ်းပေးပါ့မယ်။ -အံ့လွန်းပျို

နေကောင်းအောင်နေပါ မာရီယာ နေမကောင်းရင် ကမ္ဘာကြီးက မင်းကို မောင်းထုတ်ကြလ်ိမ့်မယ်...။ လူတွေ ချစ်တယ်ဆိုတာက သူတို့ကို မထိခိုက်သရွေ့ပဲ မဟုတ်လား...။ -မင်းခိုက်စိုးစန်

မျက်နှာမြင် ချစ်ခင်ပါစေ။ အသံကြား သနားပါစေဆိုတဲ့ ဆုတွေနဲ့ ပြည့်စုံသူလေးရေ မင်းခြေမှုန် တစ်စကအစ ဆံနွယ်တစ်မျှင်အဆုံး ကိုယ်မြတ်နိုးရပါတယ် အသက်ရေ။ -အံ့လွန်းပျို