𝐒𝐢𝐫𝐝𝐚𝐫𝐲𝐨𝐧𝐢𝐧𝐠 𝐚𝐲𝐨𝐥𝐢 chati

SARDOBA TUMANI NAVRO‘Z MAHALLASIDA “5000 QADAM” SOG‘LOMLASHTIRISH MARAFONI O‘TKAZILDI Sardoba tumani Navro‘z mahallasida aholi o‘rtasida sog‘lom turmush tarzini keng targ‘ib qilish, jismoniy faollikni oshirish hamda fuqarolarning salomatligini mustahkamlash maqsadida “Sog‘lom hayot uchun – 5000 qadam” shiori ostida ommaviy piyoda yurish marafoni tashkil etildi. Marafonda mahalla faollari, nuroniylar, xotin-qizlar, yoshlar va boshqa fuqarolar faol ishtirok etishdi. Tadbir avvalida ishtirokchilar badantarbiya mashqlarini bajarib, so‘ng belgilangan yo‘nalish bo‘ylab piyoda yurishdi. Tadbir davomida sog‘lom turmush tarziga amal qilish, muntazam jismoniy faollik bilan shug‘ullanish, to‘g‘ri ovqatlanish hamda sportning inson salomatligidagi o‘rni haqida targ‘ibot ishlari olib borildi. “Sog‘lom hayot uchun – 5000 qadam” marafoni ko‘tarinki ruhda o‘tib, ishtirokchilarda sog‘lom turmush tarziga bo‘lgan qiziqish va intilishni yanada kuchaytirdi.

⚡️⚡️AJRIM - ECHIM EMAS .⚡️⚡️ ⚡️ Boyovut tumani Madaniyat mahallasidan Guliston shahar "Doʻstlik" mahallasida yashovchi fuqaro Turatov Shohruhga turmushga chiqgan Turatova Gulmiralarning ajrim yoqasiga kelib qolganligi yuzasidan " Doʻstlik " mahallasida mahalla ettiligi va nuroniylari bilan birgalikda muhokama boʻlib oʻtdi. ⚡️ Ushbu uzoq davom etgan muhokama natijasida oila takroran yarashtirildi va qaynona qaynotasi roziligi bilan oʻz uyiga kiritildi. ⚡️Oila - muqaddas uning buzilishi oldini olish biz Davlat xizmatchilarining asosiy burchimizdir .

🌷🌷Guliston shaxar "Axillik" 🌷🌷🌷🌷🌷🌷 🌿 Mahallamizdagi yoshu qari — «Obodlik va mehr-saxovat oyligi»da faol ishtirok etmoqda Yurtimizda e’lon qilingan «Obodlik va mehr-saxovat oyligi» doirasida mahallamizda keng ko‘lamli obodonlashtirish ishlari amalga oshirilmoqda. Quvonarlisi, ushbu xayrli tashabbusda mahallamizning yoshu qari, nuroniylar, faol xotin-qizlar, yoshlar hamda barcha fuqarolar bir yoqadan bosh chiqarib faol ishtirok etmoqda. Ko‘cha va hovlilar tozalanib, daraxtlar oqlanmoqda, atrof-muhit obod qilinib, ehtiyojmand oilalarga mehr-saxovat ko‘rsatilmoqda. Bu ezgu ishlar mahallamizda hamjihatlik, o‘zaro hurmat va bag‘rikenglik muhitini yanada mustahkamlamoqda. Obod mahalla — har birimizdan boshlanadi. Barchani ushbu xayrli ishlarda faol ishtirok etishga chorlaymiz. Birgalikda mahallamizni yanada fayzli, ozoda va ko‘rkam maskanga aylantiramiz! .