Life As Just a Flower chat🍀

အကောင်းဆုံး ဖုန်းရွှေက ဘဝ "သန့်ရှင်း" လာတာဖြစ်တယ်။ လှလာတာ၊ တည်ငြိမ်လာတာ၊ ပျော်လာတာဟာ ကံကောင်းလို့ မဟုတ်ဘူး... ဘဝ သန့်ရှင်းလာလို့ပါ။ သန့်ရှင်းတယ်ဆိုတာ စိတ်မမောတာ၊ ဘဝမရှုပ်တာ၊ စွမ်းအင်ကို မဖြုန်းတီးတာဖြစ်တယ်။ 🚩 စကားလုံး သန့်ရှင်းတယ် သိပ်မညည်းဘူး.. ကောင်းတဲ့စကား ပိုပြောတယ်။ လူတစ်ယောက်ရဲ့ စကားအပြောက သူ့ရဲ့ အရှိန်အဝါဖြစ်တယ်။ မင်္ဂလာစကားတွေ၊ အသိအမှတ်ပြုစကားတွေ၊ ကိုယ်စိတ်ချမ်းသာတဲ့ စကားတွေ ပိုပြောပေးပါ။ စကား သန့်ရှင်းလေ အာရုံပျံ့လွင့်စရာတွေထဲ ပိတ်မိမနေလေ.. ကိုယ်တို့ရဲ့ လောကကြီးလည်း တဖြည်းဖြည်း လင်းလာလေဖြစ်တယ်။ 🚩 စိတ်နှလုံး သန့်ရှင်းတယ် ကိုယ့်စိတ်ကို ကိုယ့်ဆီ ပြန်ကပ်တာဖြစ်တယ်။ စိတ်နှလုံး သန့်ရှင်းရင် မရှုပ်ထွေးဘူး၊ အတွင်းစိတ် မလှိုက်စားဘူး၊ အခြားသူနဲ့ ကိုယ့်ကိုယ်ကိုယ် မနှိုင်းယှဉ်ဘူး။ 🚩 အသွင်အပြင် သန့်ရှင်းတယ် အသွင်အပြင် လန်းဆန်းတာက အလှဆုံး ကြော့ရှင်းမှုဖြစ်တယ်။ လှရမယ် မဆိုဘူး.. သန့်ရှင်းပြီး လန်းဆန်းရင် ဆွဲဆောင်မှုရှိတယ်။ သန့်ရှင်းသပ်ရပ်တဲ့ အသွင်အပြင်က တခြားသူ ကြိုက်နှစ်သက်ဖို့ မဟုတ်ဘူး.. ဘယ်အခြေအနေမှာမဆို ကိုယ့်ကိုယ်ကိုယ် သက်သောင့်သက်သာနဲ့ စိတ်ကြည်နေဖို့ဖြစ်တယ်။ 🚩 နေအိမ် သန့်ရှင်းတယ် အိမ်ရဲ့ အခြေအနေက ကိုယ့်စွမ်းအင်ဖြစ်တယ်။ ရှုပ်ပွတဲ့အိမ်က ရှုပ်ထွေးတဲ့ စိတ်ကို ထင်ဟပ်တယ်။ သန့်ရှင်းတဲ့အိမ်က စိတ်ကို ပေါ့ပါးစေတယ်။ ပုံမှန် သန့်ရှင်းရေးလုပ်ပြီး မလိုအပ်တာတွေကို ဖယ်ရှားမယ်။ ပြီးပြည့်စုံဖို့ မလိုပါဘူး။ မျက်စိပသာဒဖြစ်ရင်၊ သက်သောင့်သက်သာရှိရင်၊ ကြည့်ရ စိတ်ချမ်းသာရင် ရပါပြီ။ နေရာ သန့်ရှင်းသပ်ရပ်သွားရင် လူလည်း ကြည်လာပါတယ်။ 🚩 လူမှုအသိုင်းအဝိုင်း သန့်ရှင်းတယ် အတူတကွ ရှိနေတာဟာ သက်သောင့်သက်သာ ရှိလို့ပါ။ ပေါင်းသင်းဆက်ဆံရေးက လူသိများတာ နည်းတာနဲ့ မဆိုင်ဘူး.. လိုက်ဖက်ညီမှုပေါ် မူတည်ပါတယ်။ စိတ်ခံစားချက် သက်သောင့်သက်သာရှိတဲ့လူနဲ့မှ မိတ်ဖွဲ့ဖို့ ထိုက်ပါတယ်။ တိုးတက်ကောင်းမွန်ဖို့ အချင်းချင်း အားပေးတတ်ဖို့ လိုပါတယ်။ မြှောက်ပင့်စရာမလို၊ ဖြေရှင်းစရာမလို၊ ဟန်ဆောင်စရာလည်း မလို။ အကောင်းဆုံးဖုန်းရွှေဆိုတာ နေ့ရက်တိုင်း ကိုယ်ရွေးချယ်တဲ့ "သန့်ရှင်းမှု" ဖြစ်တယ်။ ဖတ်မိတဲ့စာတစ်ပုဒ် ဘာသာပြန် မျှဝေပါတယ် Crd 💌 #နိုင်းနိုင်းစနေ

ကိုယ်နေထိုင်တဲ့ ပတ်ဝန်းကျင်က သိပ်အရေးကြီးတယ် အထူးသဖြင့် ကိုယ်ပိုင်ဆုံးဖြတ်ချက်မချနိုင်သေးချိန် ငယ်သေးတဲ့အချိန်ပေါ့ နေ့တိုင်းကြားနေရတဲ့စကားတွေက ကိုယ့်ကို လွှမ်းမိုးနိုင်တယ် ကိုယ့်ခံယူချက်တွေ ဘ၀တွေကိုပါ ပြောင်းလဲသွားစေနိုင်တယ် ဆယ်ကျော်သက်တုန်းက အဆဲမပါရင် စကားမပြောတတ်တဲ့ မိန်းကလေးတွေနဲ့ နေခဲ့ရဖူးတယ် တစ်ချိန်လုံး အတင်းအဖျင်း ဟိုလူမကောင်းကြောင်း ဒီလူအပုပ်အပွ လူစုံရင် သူ့ဘဲ ကိုယ့်ဘဲအကြောင်း စနိုက်ကြော်တွေအကြောင်းပဲ ပြောကြတယ် အမြင်ကျဉ်းမြောင်းပြီး ပတ်ဝန်းကျင်ကအစ အမြဲဆူညံတယ် နေ့တိုင်း ကြားနေကျလိုဖြစ်လာတော့ ရိုးလာတယ် နေသားကျလာတယ် ဆဲဆိုတာတွေက နားယဉ်လာရင် ကိုယ့်နှုတ်ကပါ အလိုလို ထွက်ရဲလာတာမျိုး။ အဲကနေ နောက်တစ်နေရာပြောင်းပြီး နေတဲ့အခါ တစ်ခြားကမ္ဘာကို ရောက်သွားတဲ့ ခံစားချက်မျိုးရတယ် တိတ်ဆိတ်တယ် ရှင်းသန့်တယ် ငါလိုချင်ခဲ့တဲ့ လူနေထိုင်မှုပုံစံက ဒါပါလားဆိုတဲ့ ခံစားချက် ရလာတယ် ကိုယ့်ရဲ့ နေထိုင်မှုပုံစံဟာလည်း ပြောင်းလဲသွားတယ် လုပ်ငန်းခွင်ရောက်တဲ့အခါ တော်ပြီး ထက်မြက်တဲ့သူ ဥာဏ်ရည်မြင့်သူတွေနဲ့ အလုပ်တွဲလုပ်ရတယ် သူတို့ရဲ့ စကားဝိုင်းတွေက စိတ်ဝင်စားစရာသိပ်ကောင်းတယ် စကားတစ်ခါပြောကြည့်လိုက်တိုင်း အသစ်တစ်ခု သင်ယူလိုက်ရတာချည်းပဲ သူတို့တွေရဲ့ ပြဿနာ တစ်ခုကို ဖြေရှင်းတဲ့ပုံစံတွေ စကားပြောတဲ့ပုံစံတွေ တွေးခေါ်တဲ့ ပုံစံတွေက ကူးစက်လာတယ် အဲတုန်းက အသစ်အဆန်းတစ်ခုခုဆို ကိုယ့်ဘာသာမလုပ်ရဲဘဲ အမြဲ အကူအညီတောင်းတတ်တဲ့ ကျွန်မကို ကိုယ့်ဘာသာ စမ်းလုပ်ကြည့်ဖို့ မကြောက်နဲ့ ဆိုတဲ့ စကားတစ်ခွန်းက mindset ကိုပါ အပြောင်းအလဲ ဖြစ်သွားစေတယ် ကိုယ်နေထိုင်တဲ့ ပတ်ဝန်းကျင်ကို ဂရုစိုက်ဖို့ အရေးကြီးပါတယ်။ #lifeAsJustAFlower #crd_to_owner_with_respect