አምባ መፅሐፍ

📖 ማንበብ ሙሉ ሰው ያደርጋል ብላችሁ ታስባላችሁ ❓

🔥 የልብ እዳ 🔥 አባተ ከሰርግ ሳይሆን ከልቅሶ ቤት የተመለሰ ያህል ተክዞአል፤ እኒያ በራሱ ተነግረው ራሱን የሚያስቁ ቀልዶቹም የሉም፤ብቻ ዝምብሎ ከሰርግ ቤት ይዞት የተመለሰውን የሙሽሮች ፎቶግራፍ ይዞ ይተክዛል። ጩኸት ያስለመደ ሰው ዝምታው ለደቂቃም ቢሆን ስለሚከብድ፤ የወሬ መነሻው የጠፋው ይመስል ለወሬ መንደርደሪያ ለመስጠት ያህል " ሰርግ እንዴት ነበር" ስለው፤ቀና ብሎ አየኝና "እእ አሪፍ ነበር" ካለ በሁዋላ ከመሬቱ ላይ መርፌ ይፈልግ ይመስል አይኑን መሬት ላይ አፍጥጦ እግሩንም እጁንም አጣምሮ ዳግም ይተክዝ ያዘ። የዚህ ልጅ ነገር አልጣመኝም፤እኔ እንደሁ እንደሱ ጨዋታ ፈጥሮ ማሳሳቅ አይሆንልኝም፤ቤቱ መቃብር መሰለ፤ላነብበው የያዝኩት መጽሐፍ አስጠላኝ፤ይሄኔ የቴሌቪዥኑን ሪሞት ኮንትሮል አንስቼ ፊልም ማሰሴን ጀመርኩ፤አባተ አይኑን ከመሬት አንስቶ ከቴሌቪዥኑ አኖረና ከቻናል ቻናል ስዘል ይመለከታል። አይኑ ወደቴሌቪዥኑ መመለሱን አይቼ በብሽቀት ካናገርኩት ብዬ የቴሌቪዥኑን ጣቢያ የችግር ቋት ብሎ ወደሚጠራቸው ወደ ዜና ጣቢያዎች አዙሬ የተመቸኝ ያህል እመለከት ያዝኩ፤ ምንም አላለኝ። አሁንም አይኑ ቴሌቪዥኑ ላይ እንደተሰካ ነው። ጭንቅ ያዘኝ ከዚያም ዳር ዳር ከመሄድ እንቅጩን የሆነውን ለምን አልጠይቀውም ስል አሰብኩና፤ አጠያየቄን ቀልድ ለማላበስ በማሰብ "ምነው የምታፈቅራት ልጅ ናት እንዴ የተዳረችው ?" እንዳልኩ ከተቀመጠበት የመስፈንጠር ያህል ቀና ብሎ "በምን አወቅክ ?" እንዲህ ተጨንቆም ጨዋታ አለማጣቱ አስገርሞኝ ከወሬው በሳቅ ተባበርኩ፤አይኑ ከቴሌቭዥኑ ነቅሎ እኔ ላይ አፈጠጠና "ምን አባህ  ያስገለፍጥሃል ?" "አይ አቤ ከስንቷ ጋር እንዳልነበርክ ሙሽራ ላይ ይጣልህ !?" "ምን አይነት ወሬ ነው የምታወራው...ቆይ ማነው እንደዚህ ብሎ የነገረህ ?" "ቅድም በሰመመን ስታወራ ሰምቼ ነው" "ቡዳ ነህ !" በሽቆ ነበር ይሄኔ የምሬን ሳቅ አንገላታኝ። አባተን ማብሸቅ ቀላል አልነበረም አብረን መኖር ከጀመርን አንስቶ እሱን ለማናደድ ጨዋታ አንስቼ፤ነገሩን ወደራሴ አዙሮ እኔ ነበርኩ የምነድደው። ዛሬ ግዳዬን የጣልኩ ያህል ጀግንነት ስለተሰማኝ፤የቀልድ ጅራፌን ማጮሄን ቀጠልኩ "ታውቃለህ ይሄኔ እሷ ከባሏ ጋር...ትንፋሽ አጥሯት፤በፍቅር ረጥባ የፍቅርን ዜማ ለባሏ እያንጎራጎረች ነው" አባተ ከተቀመጠበት ተነሳና ፊልም ላይ እንደሚታዩት አፍቃሪ ወንዶች ከፍሪጁ መጠጥ አወጣና መጠጣት ጀመረ። ሆኖም ይጠጣ የነበረው ለስላሳ ነበር፤ አባተ ከባለስልጣኑ ልጅ ጋር መውጣት ከጀመረ ወዲህ እቤት ውስጥ ቅምቀማ ትተናል፤ከፍሪጁ የቀሩትን የተውሶ የቢራ ጠርሙሶች ብቸኝነት ሲያንገላታኝ አንድ ሁለት ስል እኔ ነኝ የጨርስኳቸው። አባተ ፍለጋው መሻቱን ባይሞላለትም ያገኘውን የኮካ ጠርሙስ በአንድ ትንፋሽ ተጋተና በሙሉ አካሉ እየተውለበለበ ያጋሳ ጀመር። ከመሳቅ ውጭ ምርጫ አልነበረኝም፤ይሄኔ የግዱን ሳቀና "ዛሬ ጥርስ በጥርስ ሆነሃል...ምን የሚያስገጥጥ ነገር ተገኘ" ነገረኛነቱ ጀመረው "ለማግጠጥ ዛሬ ካንተ በላይ ምን ምክንያት ያስፈልጋል ?" ላለመረታት መለስኩ፤እሱ መች ይረታል በሹፈት አይን እያየኝ "እርሟን ብታፈላ አተላ በዛባት" አለኝና፤ "ዛሬን ብታገኘኝ አሳሬን ታበላኝ !?" ንግግሩ አናደደኝ፤ የሆነ ነገር ብዬ ላስቀይመው ፈለግኩ፤ለጊዜው የመጣልኝ መላ የጀመርኩትን ማብሸቂያ ቀዳዳ ማስፋት ነበረና "ቆይ አንተ ምን ስትል ሙሽራ ላይ አንጠለጠለህ" የሚመጣውን መልስ ለመቀበል ቆፍጠን ብዬ። አባተ አልሰደበኝም፤እዛው በቆመበት ፍሪጁን ተደግፎ "የመጀመሪያ ፍቅረኛዬ ነበረች እኮ ያኔ ሴት ልጅን እንዴት መያዝ እንደምችል ባለማወቄ … Read in full →

ቤተሰብ 👨‍👩‍👧‍👦 አስደሳች ነገር ላሳያችሁ እያሰብኩ ነው ...! 👀

1️⃣፣ 📚 የረጅም ጽሑፎች ትርጉም እጅግ ረጅም ጽሑፎችንና የተለያዩ ውስብስብ ቅርጸቶች ያሏቸውን ፋይሎች መተርጎም ይደግፋል። ሙሉ ልቦለዶችንና ረጅም መጻሕፍትን ለማስተርጎም የሚመች ሲሆን፣ ጽሑፉን በእጅ የመከፋፈል፣ ደጋግሞ የመቅዳትና የመለጠፍ፣ እንዲሁም የተተረጎመውን ጽሑፍ የማደራጀት ሥራን ይቀንሳል። 2️⃣፣✍️ የላቁ የትርጉም ቅንብሮች የቃላት መዝገብ (Glossary) እና የትርጉም ዘይቤ ቅንብሮችን ያቀርባል። እነዚህም የገጸ ባህሪያት ስሞች፣ የቦታ ስሞችና ልዩ ቃላት ወጥ እንዲሆኑ፣ እንዲሁም ከመጽሐፉ ባህሪ ጋር የሚስማማ አገላለጽ ለመምረጥ ይረዳሉ።

📖ምን መፅሐፍ እያነበባችሁ ነው?✍️ ደራሲውስ ማነው?

🔥የልብ ዕዳ -2🔥 ከቴሌ በነጻ ወስደን ካርድ ለጉድ እየሞለን የምንጠቀምበት ስልክ ቀኑን ሙሉ ሲያላዝንብኝ ዋለ፤ስልኩን አንስቼ ወሬ እንደጀመርኩ "ኤቢን ፈልጌ ነበር !" የሚል ተደጋጋሚ የሴቶች ዘፈን ነበር የማደምጠው፤ከደዋዮቹ መሃል አንድም እኔን ፈላጊ ባለመኖሩ መናደዴ ሳያንስ፤ቀኑን ሙሉ አባተን በሚፈልጉት ሴቶች ድምጽ ስደናቆር መዋሌ ይብሱን አንድዶኛል።በዛ ላይ የጥያቄአቸው መብዛት፤ሁሉንም ጥያቄ እንደአመጣጡ ጓደኛዬን ላለማስጠቆር እየጣርኩ መለስኩ፤የቸገረኝ ነገር ቢኖር የስማቸው ብዛት ነበር።እውነቱን ለመናገር በዛሬ ውሎዬ ብቻ ስድስት ሴቶችን አውርቻለሁ፤ደግነቱ አባተ ስለእያንዳንዷ ሴት ቀድሞ ስላጫወተኝ ብዙዎቹን ሳናግር የማውቃቸው ያህል ይሰማኝ ነበር። የአንዳንዶቹ ሴቶች ድምጽ አባተ ከነገረኝ ጸባይ እና መልክ ጋር ባዕድ ይሆንብኛል። አሁን ሜሮን ስለምትባለው ልጅ የነገረኝ በጣም አይናፋር እና ዝምተኛ እንደሆነች ነበር። ሆኖም ከሁሉም ሴቶች የተሻለ ለሰባት ደቂቃ ከምናምን ያህል ማውራት የቻልኩት ከእሷ ጋር ብቻ ነበር።አባተ እቤት እንደሌለ ስነግራት፤ማን እንደሆንኩ ጠየቀችኝ "ወንድሙ ነኝ!" ስል መለስኩለት፤ወዲያው ከት ብላ ሳቀችና "አሃ እንደወንድሜ ነው የማየው የሚለው አንተን ነበር ?"አስከትላም "ቆይ የት አባቱ ሄዶ ነው እሱ ስልኩን አጥፍቶ" "እኔንጃ ከእኔ ጋር እራሱ ከተገናኘን ቆየን...አልፎ አልፎ ነው የምንገናኘው" "ውይ ምነው ምን ዋጠው ባክህ !?" "የስራው ጉዳይ ነዋ !" "ለምን ከውሸቱ ጋር ትተባበራለህ ? ምን እንዳደረገኝ ታውቃለህ" አባተ ከእሷ ጋር ስለነበረው ነገር ሁሉ የነገረኝ ቢሆንም ምናልባት ሳልሰማው የቀረ ጉድ ካለ ስል የጓደኛዬን ምስጢር ልሰማ ጆሮዬን አሾልኩ፤ምንም አዲስ ነገር አልነበረም።ባልሰማት ይሻለኝ ነበር። አባተ ከሳራ ጋብቻ በሁዋላ አምሽቶ የመግባቱን ነገር እርም ብሎ በጊዜ መግባት ጀምሮአል፤ ገና ከቤት እንደገባ "ዛሬ የፈለገነኝ ሰው ነበር" አለኝ ወደስልኩ እየተመለከተ "ቆይ አንተ ስታየኝ የሆነ ኦፕሬተርህ መስልሃለው እንዴ !?" ተናድጄ ነበር "አግኝተህ ነው ?" አባተ መልሶ አለገጠብኝ "ደግሞ የቤቱን ስልክ ለጆንጀና ላለመጠቀም አልተስማማንም ነበር !?" "ኡፋ አንተ ደግሞ...ሜሮን ደውላ ነበር ?" "በምን አወቅክ ?" "ዛሬ መስሪያ ቤት መጥታ ነበር" "ቆይ ምን ብታደርጋት ነው እንዲህ በእግር በፈረስ የምትፈልግህ ?" "ያ የምታውቀውን ነው" "እኔ ግን ከእሱ ውጪ ነገር እንዳለ በስልክ አጫውታኛለች" አባተ ከት ብሎ ሳቀና "ኧረ ባክህ ጫወታም ጀምራችኋላ !?" አለና "ለመሆኑ ምን አለችህ እሷ እንደው ወሬ አያልቅባት...ፍቅረኛ በነበርን ጊዜ እንደፍቅረኛሞች መዝናናት እና መጫወት ስለማይመቻት ደነዘዘችብኝ...ሁሉ ነገር ስንጋባ ይደርሳል በማለት እጮኝነትን የሆነ የጉጉት እስር ቤት አደረገችው...የተለያየነው በዚህ ምክንያት ነው" "እውነቷን እኮ ነው ፍቅር አድጎ በጋብቻ ካልተቋጨ ምን ትርጉም ይኖረዋል ?" "ከሴት ጋር በአንድም በሁለት ትገናኛለህ...እና ሁሉንም በትዳር ካልቋጨሁ ማለት እብደት ነው" "ስለዚህ ?" "ስለዚህማ በህብረት የደስታን እሳት አንድዶ መሞቅ" "እና ለዚህ ነዋ አርፋ አግብታ የምትኖርን ሴት እየደወልክ የምትበጠብጠው ?" ከዚያ መከረኛ ሰርግ ወዲህ አባተ ደጋግሞ ወደሳራ ስለሚደውል።፤ሳራን ማለቴ ነበር። አባተ ስለሳራ በክፉ ሳወራ  ደስ አይለውም፤ንግግሬን እንዳቆም ሙሉ መዳፉን ከክንዱ ዘረጋብኝ።መልእክቱን ተቀብዬ በዝምታ ሀሳቡን ያብረራልኝ እንደሁ እጠብቅ ጀመር፤አባተ ምንም አላለኝ። የወሬውን አርእስት ለወጠና እራት ካልበላህ ብዬ ይሄን አምጥቼልሃ… Read in full →