Azad İran

O, ikiüzlülüklə Azərbaycan Prezidenti İlham Əliyevin siyasətini İranın milli təhlükəsizliyi üçün təhdid adlandıraraq, Tehranı Bakıya qarşı daha fəal strategiya yürütməyə çağırıb. Ekspertin uydurmasına görə, vahid məktəb geyimi ilə bağlı qaydalar, din xadimlərinin fəaliyyətinə nəzarət vahid siyasətin tərkib hissəsidir. O, bu proseslərin gələcəkdə İranın Qafqazdakı təsirini zəiflədə, İranın şimal-qərbində etnik gərginliyi artıra və iki ölkə arasında təhlükəsizlik problemləri yarada biləcəyini yazıb. Qərəzli ekspert İranın Türkiyə və Rusiya ilə diplomatik əməkdaşlığı genişləndirməsini, eləcə də Bakıya qarşı siyasi təzyiq imkanlarını artırmasını təklif edib. Görünür, Movəhhediyan özünü həm siyasi şərhçi, həm də gələcəyi proqnozlaşdıran mütəxəssis hesab edir. Təəssüf ki, bu qədər iddianın arasında konkret sübutlar və əsaslandırılmış təhlil arxa plana keçir. Azərbaycanla bağlı hər mövzuda hökm verməyə tələsən “ekspert”in bircə şeyi unutduğu görünür: proqnoz yazmaq asandır, onu faktlarla əsaslandırmaq isə tamam başqa məsələdir. #İran #ekspert #qərəzlifikirlər #Azərbaycan Kanala abunə olun

Məqalənin müəllifi olan keçmiş İran diplomatı və siyasi analitik Kuruş Əhmədi bu təşəbbüsün rəsmi qurumlarla razılaşdırılmadan həyata keçirildiyi təqdirdə çaşqınlıq və əlavə mübahisələrə səbəb ola biləcəyini bildirib. Əhmədi qeyd edib ki, İranda 2002-ci ildə qəbul edilmiş qərara əsasən, ölkə daxilində fars dilində “Xəzər”, xarici mətnlərdə və beynəlxalq sənədlərdə isə “Kaspian” adından istifadə olunması müəyyənləşdirilib. Onun sözlərinə görə, bu qərar coğrafi adların standartlaşdırılması üzrə ixtisaslaşmış komitənin araşdırmalarına əsaslanıb və sonradan müxtəlif tarixlərdə yenidən təsdiqlənib. Müəllif hesab edir ki, belə adların dəyişdirilməsi media qurumlarının öz təşəbbüsü ilə deyil, müvafiq rəsmi prosedurlar çərçivəsində həyata keçirilməlidir. Müəllif əlavə edib ki, İranın Fars körfəzinin tarixi adının qorunması ilə bağlı mövqeyi nəzərə alınarsa, Xəzərin adını dəyişdirmək təşəbbüsü də ölkə üçün arzuolunmaz mübahisələr yarada bilər. Onun fikrincə, yeni adın tətbiqi daxildə fikir ayrılıqlarına səbəb olmaqla yanaşı, diplomatik çətinliklər də yarada bilər. Ekspert problemin həlli üçün təklifin müvafiq dövlət komitəsinə təqdim olunmasını və qərarın rəsmi qaydada yenidən nəzərdən keçirilməsini tövsiyə edib. #İran #təhrif #Xəzərdənizi #ad Kanala abunə olun