Беларусы Ірпень/Буча — public feed snapshot

22 August 2026

Фотография
click to show

У нас ёсць добрая навіна! 19 жніўня ў Вярхоўнай Радзе Украіны зарэгістраваны законапраект №15529, які прадугледжвае асаблівы прававы статус для беларусаў ва Украіне. Сярод прапанаваных зменаў: ▪️ спрошчанае атрыманне віду на жыхарства; ▪️ праца без асобнага дазволу; ▪️ спрошчаная легалізацыя; ▪️ магчымасць атрымання грамадзянства Украіны пасля 3 гадоў законнага пражывання для асобных катэгорый беларусаў. Гэта важны крок для тысяч беларусаў, якія жывуць ва Украіне і звязалі з ёй сваю будучыню. Шчыра дзякуем усім народным дэпутатам, дзяржаўным органам, экспертам, праваабаронцам і прадстаўнікам беларускай супольнасці, якія працавалі над гэтым пытаннем. Асобная падзяка Украіне за падтрымку беларусаў. Законапраект яшчэ павінен прайсці ўсе этапы разгляду. Будзем сачыць і інфармаваць вас пра далейшыя крокі.

2.4K · 13:58

23 August 2026

Аляксей Францкевіч

Добрая навіна для беларусаў ва Украіне Сёння важна звярнуць увагу, што ў пытанні прававога статусу беларусаў ва Украіне мы можам мець два заканадаўчыя напрамкі. Цяпер важна звярнуць увагу, што гаворка ідзе не пра адзін, а пра два розныя законопраекты, якія могуць закрануць пытанне легалізацыі і прававога статусу беларусаў ва Украіне. №15529 — зарэгістраваны ў Вярхоўнай Радзе 19 жніўня 2026 года. Ён непасрэдна тычыцца асаблівасцяў прававога статусу і інтэграцыі грамадзян Беларусі, якія знаходзяцца ва Украіне падчас ваеннага становішча. Фармальны ініцыятар — народны дэпутат Аляксей Ганчарэнка. Другі напрамак — урадавыя напрацоўкі, якія тычацца змяненняў у заканадаўстве аб статусе замежнікаў і асоб без грамадзянства. Тут ініцыятарам выступае ўжо Кабінет Міністраў Украіны. Гэта важны момант, бо праблема беларусаў ва Украіне сёння патрабуе не асобных кропкавых рашэнняў, а сістэмнага механізму легалізацыі. Беларуская супольнасць Украіны працягвае працаваць з дзяржаўнымі інстытутамі, каб гэтыя напрацоўкі ў выніку далі рэальны вынік для людзей — тых, хто жыве, працуе, вучыць дзяцей і абараняе Украіну. Наша задача — каб беларусы, якія выбралі Украіну, мелі законны і зразумелы статус.

183 · 08:33

24 August 2026

Аляксей Францкевіч

Фотография
click to show

176 · 06:17

25 August 2026

Аляксей Францкевіч

Сёння, 25 жніўня, беларусы адзначаюць Дзень Незалежнасці Беларусі — дату прыняцця Дэкларацыі аб дзяржаўным суверэнітэце, якой у 1991 годзе быў нададзены статус канстытуцыйнага закона. Гэта дзень, які нагадвае нам: Беларусь мае права быць свабоднай, незалежнай і дэмакратычнай дзяржавай. Незалежнасць — гэта не толькі межы на мапе, але і права народа самастойна вызначаць сваю будучыню, гаварыць на роднай мове, захоўваць сваю культуру і жыць без страху. Гісторыя паказвае, што ні незалежнасць, ні дэмакратыя не даюцца раз і назаўсёды. Іх трэба абараняць кожны дзень. Калі грамадства перастае быць іх вартавым, заўсёды знаходзяцца тыя, хто хоча забраць свабоду, права голасу і будучыню цэлага народа. Сёння тысячы беларусаў працягваюць змагацца за гэтыя каштоўнасці. Многія робяць гэта ва Украіне, якая ўжо шмат гадоў абараняе сваё права на свабоду са зброяй у руках. Для беларусаў гэта не толькі дзень памяці пра мінулае, але і напамін пра адказнасць перад будучымі пакаленнямі. Мы павінны вярнуць сваёй краіне свабоду, каб Беларусь зноў стала сапраўды незалежнай і дэмакратычнай дзяржавай. Жыве Беларусь!

142 · 06:15

26 August 2026

Аляксей Францкевіч

Фотография
click to show

Добрая навіна для беларускай супольнасці і ўсіх, хто ведаў і шанаваў Міраслава Лазоўскага! Сёння нам паведамілі з Ровенскай гарадской адміністрацыі, што па выніках разгляду нашага звароту і рашэння адпаведнай камісіі прынята рашэнне аб прысваенні Міраславу Лазоўскаму звання Ганаровага грамадзяніна горада Роўна пасмяротна. Гэтае рашэнне — знак павагі да чалавека, які прысвяціў сваё жыццё барацьбе за свабоду, годнасць і незалежнасць, а таксама ўшанаванне ягонага ўнёску ў абарону Украіны. Урачыстая цырымонія ўзнагароджання адбудзецца ў Дзень горада Роўна. Шчыра дзякуем Ровенскай гарадской радзе і ўсім, хто падтрымаў гэтую ініцыятыву. Памяць пра герояў павінна жыць не толькі ў нашых сэрцах, але і ў гісторыі гарадоў і краін, за якія яны змагаліся. Вечная памяць і слава Міраславу Лазоўскаму!

204 · 13:32

Фотография
click to show

У музей Дома Вольнай Беларусі былі перададзены новыя экспанаты — частка малюнкаў Ціхана «Франца» Клюкача. Гэтыя працы перадалі пабрацімы з Беларускага Дабраахвотніцкага Корпусу. Ціхан «Франц» Клюкач загінуў 9 мая 2026 года падчас выканання баявога задання ў складзе 60-й асобнай механізаванай брыгады пад Ліманам. На жаль, працэдура ДНК-ідэнтыфікацыі да гэтага часу не завершаная, таму афіцыйна ён усё яшчэ лічыцца зніклым без вестак. Для нас гэта не проста новыя музейныя экспанаты. Гэта памяць пра чалавека, які любіў жыццё, меў талент, мары і стаў на абарону свабоды. Яго малюнкі — яшчэ адно сведчанне ягонага шляху, мужнасці і ахвяры. Музей Дома Вольнай Беларусі прысвечаны беларускім героям, якія аддалі свае жыцці ва Украіне за нашу і вашу свабоду. Кожны такі экспанат дапамагае захаваць іх імёны, гісторыі і подзвігі для будучых пакаленняў. Шчыра дзякуем пабрацімам з Беларускага Дабраахвотніцкага Корпусу за перададзеныя рэчы і дапамогу ў захаванні памяці пра нашых Герояў. Вечная памяць Герою!

1.1K · 15:04

Фотография
click to show

1.1K · 15:04

Арцём

Фотография
click to show

Украіна з 2014 года дала грамадзянства 52 беларускім добраахвотнікам Яшчэ 22 справы беларусаў ужо перададзеныя на разгляд Камісіі пры прэзідэнце Украіны па пытаннях грамадзянства. https://nashaniva.com/403193 Без VPN — https://storage.googleapis.com/nashaniva-by/read.html?page=/403193

11.3K · 15:06

27 August 2026

Аляксей Францкевіч

Фотография
click to show

8 верасня спаўняецца два гады з моманту адкрыцця ў Львове Дома Вольнай Беларусі. Два гады таму, у 510-ю гадавіну Бітвы пад Оршай — у Дзень беларускай вайсковай славы, — мы ўрачыста адкрылі прастору, якая стала домам для беларускай супольнасці, месцам сустрэч, адукацыі, культуры, памяці і салідарнасці. За гэты час разам з вамі мы рэалізавалі дзясяткі праектаў, правялі сотні мерапрыемстваў, падтрымлівалі беларусаў ва Украіне і захоўвалі нашу нацыянальную спадчыну. Сёння мы ўжо рыхтуемся да гэтай важнай даты і распрацоўваем праграму святочных мерапрыемстваў. Запрашаем усіх нашых сяброў, партнёраў і аднадумцаў, якія былі побач з намі ўсе гэтыя два гады. Неўзабаве мы апублікуем афіцыйны анонс і падзелімся падрабязнасцямі святкавання. Да сустрэчы ў Доме Вольнай Беларусі! Жыве Беларусь! Слава Украіне!

2.8K · 07:02

Фотография
click to show

2.8K · 07:02

Фотография
click to show

2.9K · 07:02

28 August 2026

Аляксей Францкевіч

Фотография
click to show

Слава Герою! Сёння ў Кіеве, напярэдадні Дня памяці абаронцаў Украіны, якія загінулі ў барацьбе за незалежнасць, свабоду і тэрытарыяльную цэласнасць Украіны, мэр Кіева ўручыў сям’і беларускага нацыянальнага героя Аляксандра Стасевіча «Локі» медаль «Честь. Слава. Держава». У Аляксандра засталіся жонка і двое сыноў. Ён аддаў сваё жыццё ва Украіне за нашу і вашу свабоду. Для яго сям’і гэтая ўзнагарода — не проста медаль. Гэта знак памяці і прызнання подзвігу чалавека, які аддаў самае дарагое дзеля свабоды Украіны. Вечная памяць Герою! Слава Украіне! Жыве Беларусь!

403 · 12:36

Украіна ўзмацняе прававую абарону замежнікаў, якія сталі на яе абарону Урад Украіны ўхваліў законапраект, які прадугледжвае важныя змены ў прававым статусе замежнікаў і асоб без грамадзянства, якія абараняюць Украіну ў складзе Сіл абароны. Пасля заканчэння вайсковага кантракту яны атрымаюць больш часу для ўрэгулявання свайго прававога статусу ва Украіне. 📌 Што прадугледжвае законапраект: ▪️ тэрмін законнага часовага пражывання ва Украіне пасля заканчэння вайсковага кантракту плануецца павялічыць з трох да шасці месяцаў; ▪️ перыяд вайсковай службы будзе залічвацца ў пяцігадовы тэрмін пражывання, неабходны для атрымання дазволу на іміграцыю; ▪️ плануецца ўвесці пасведчанне замежніка для выезду за мяжу для асоб, якія праз пагрозу або палітычныя абставіны не могуць атрымаць альбо абмяняць пашпарт у сваёй краіне паходжання. Для беларусаў, якія сёння ваююць за Украіну, гэтыя змены маюць асаблівае значэнне. Многія беларускія добраахвотнікі не могуць атрымаць або абмяняць беларускі пашпарт, а вяртанне ў Беларусь можа ствараць для іх рэальную пагрозу. Таму стварэнне асобнага дакумента для выезду за мяжу з’яўляецца важным крокам у вырашэнні гэтай праблемы. Не менш важна і тое, што час, праведзены на вайсковай службе, прапануецца ўлічваць у неабходны тэрмін пражывання для атрымання дазволу на іміграцыю. Гэта справядлівы падыход да людзей, якія не проста жывуць ва Украіне, а рызыкуюць сваім жыццём, абараняючы яе незалежнасць і тэрытарыяльную цэласнасць. Мы вітаем гэтае рашэнне ўрада і чакаем разгляду і прыняцця законапраекта Вярхоўнай Радай Украіны.

2.6K · 14:40

29 August 2026

Аляксей Францкевіч

Видео
75.8 MB · click to show

29 жніўня адзначаецца Дзень памяці Абаронцаў Украіны, якія загінулі ў барацьбе за незалежнасць, суверэнітэт і тэрытарыяльную цэласнасць краіны. У гэты дзень мы шануем памяць пра ўсіх беларускіх ваяроў, якія аддалі жыцьцё ва Ўкраіне за нашу з вамі Свабоду! Жыве Беларусь! Слава Украіне!

214 · 05:13

Фотография
click to show

У Дзень памяці абаронцаў Украіны накіравалі зварот у Офіс Прэзідэнта Украіны Звярнуліся з просьбай неадкладна вырашыць праблему легалізацыі беларускіх добраахвотнікаў і іх сем’яў. Частка беларусаў, якія абаранялі Украіну, сёння не можа атрымаць прававы статус праз адсутнасць нацыянальнага пашпарта. Аднавіць яго ва Украіне немагчыма, а вяртанне ў Беларусь можа пагражаць пераследам і турмой. У звароце прывялі кейс добраахвотніка з пазыўным Адам, які чатыры гады ваяваў за Украіну. Яго зварот ужо знаходзіцца на разглядзе ў Дзмітрыя Лубінца. Тыя, хто абараняў Украіну, не павінны заставацца без прававой абароны.

3K · 08:35

Guilty Pleasure

Фотография
click to show

🏭 Мінск 100 гадоў таму. Граф Чапскі 🎩 (частка І) 🤔 Кім ён быў? Чым вылучыўся сярод іншых кіраўнікоў Мінска? Які след пакінуў у гісторыі? 📆 📌 А яшчэ, даследуеце рэдкія гістарычныя фатаграфіі і архіўныя дакументы, якія праліваюць святло на мінулае горада 👻 🍿 Ужо на нашым Ютубе 🍿

13:42

Аляксей Францкевіч

Фотография
click to show

🕯️ Памятаем. Шануем. Не забываем. Сёння, у Дзень памяці абаронцаў Украіны, у Доме Вольнай Беларусі ў Львове мы запалілі свечкі ў музеі беларускіх нацыянальных герояў. Тут захоўваецца памяць пра тых беларусаў, якія сталі побач з украінцамі і аддалі сваё жыццё за свабоду Украіны — а значыць, і за нашу агульную свабоду. Яны загінулі, абараняючы Украіну, але іх барацьба — значна большая за адну краіну. Гэта барацьба супраць расійскага імперыялізму, за права нашых народаў быць свабоднымі і самім вызначаць сваю будучыню. Мы памятаем кожнага. Іх імёны жывуць. Іх подзвіг не будзе забыты. Вечная памяць героям!

355 · 17:07

30 August 2026

Аляксей Францкевіч

Фотография
click to show

Сёння ў Роўне адбылася ўрачыстая цырымонія ўручэння звання Ганаровага грамадзяніна горада Роўна беларускаму нацыянальнаму герою Міраславу Лазоўскаму пасмяротна. Узнагароду ўручыў сакратар Роўненскай гарадской рады, які выконвае паўнамоцтвы гарадскога галавы Роўна, Віктар Шакірзян. Узнагарода была перададзена пляменніцы Міраслава Лазоўскага і яе дзецям. Гэтае рашэнне стала знакам глыбокай павагі да чалавека, які прысвяціў сваё жыццё барацьбе за свабоду, годнасць і незалежнасць, а таксама прызнаннем ягонага ўнёску ў абарону Украіны. Міраслаў Лазоўскі застанецца ў памяці беларусаў і ўкраінцаў як чалавек, які да апошняга заставаўся верным сваім прынцыпам і ідэалам свабоды. Выказваем шчырую падзяку Роўненскай гарадской радзе і ўсім, хто падтрымаў гэтую ініцыятыву. Памяць пра герояў павінна жыць не толькі ў нашых сэрцах, але і ў гісторыі гарадоў і народаў, за якія яны аддалі сваё жыццё. Вечная памяць і слава Герою!

102 · 15:31

Фотография
click to show

101 · 15:31

A snapshot of an open public feed from the search index ChatCrawler — “Google for public Telegram”; refreshed as the venue is crawled. Times are UTC.