Банкир/Маҳалла банкири

Биткоин нархи икки ҳафта ичида қарийб 30 фоизга ошди Август ойининг иккинчи ярмидан криптовалюта бозорида биткоин нархи сезиларли даражада ўсди. 17 август куни унинг нархи 62,8 минг доллар атрофида бўлган бўлса, 21 августга келиб 79,5 минг долларга етди. 28 августда унинг нархи 81,4 минг долларгача кўтарилган бўлса, кейинчалик пасайиб, ой охирига келиб 78,6 минг доллар атрофида шаклланди. Сентябрь бошида биткоин яна ўсишни бошлади. 3 сентябрь куни унинг нархи 82,2 минг долларгача кўтарилди. Бу сўнгги уч ойда кузатилган энг юқори кўрсаткичдир. 4 сентябрь ҳолатига кўра, биткоин 81 минг доллар атрофида савдо қилинмоқда. Шундай қилиб, 17 август ва 3 сентябрдаги нархларни таққослаганда, биткоин нархи тахминан 31 фоизга ошганини кўриш мумкин. Эслатиб ўтамиз, биткоиннинг тарихий рекорди 2025 йилнинг 6 октябрь куни қайд этилган бўлиб, ўшанда криптовалюта нархи 126 минг доллардан ошган эди. @bankir

Банкларда мижозлар мурожаатлари билан ишлаш тартиби кучайтирилди Марказий банк банклар томонидан мижозлар мурожаатлари билан ишлаш тартибига қўйиладиган талабларни кучайтирди. 4 сентябрдан кучга кирган ўзгаришга кўра, энди банк мижознинг шикояти ёки мурожаатига шунчаки жавоб бериш билан чекланиб қолмайди. Агар мурожаат ортида бошқа мижозларга ҳам таъсир қилиши мумкин бўлган тизимли камчилик аниқланса, банк унинг сабабларини ўрганиши ва бартараф этиши шарт бўлади. Яъни, агар муаммо муайян бир банк хизмати, маҳсулоти ёки жараёни билан боғлиқ бўлиб, бошқа мижозларда ҳам такрорланиш эҳтимоли бўлса, бу тизимли камчилик сифатида қаралади. Шундан сўнг банклар бундай ҳолатлар юзасидан ҳаракатлар режасини тузиб, масъул шахсларни белгилайди. Тизимли камчиликлар тўғрисидаги маълумотлар эса 5 иш куни ичида Марказий банкка тақдим этилади. @bankir

АҚШдан Ўзбекистоннинг UZCARD ва HUMO карталарига пул ўтказиш имконияти яратилди АҚШда яшаётган ўзбекистонликлар энди uPay.net финтех платформаси орқали Ўзбекистондаги HUMO ва UZCARD карталарига тўғридан-тўғри пул ўтказиши мумкин. Янги хизмат Нью-Йоркда ўзбекистонлик тадбиркорлар Хусрав Маҳмудов ва Акмал Абдуллаев томонидан яратилган uPay.net платформаси асосида ишга туширилди. Аввалроқ ушбу платформа орқали Америкадан туриб Ўзбекистондаги мобил алоқа, интернет, коммунал ва бошқа хизматлар учун масофадан тўлов қилиш имконияти мавжуд эди. Эндиликда унинг имкониятлари кенгайтирилиб, Ўзбекистондаги яқинларига тўғридан-тўғри пул жўнатиш хизмати ҳам йўлга қўйилди. @bankir

Доллар курси август ойида қандай ўзгарди? Август ойида Ўзбекистон миллий валютаси сўм долларга нисбатан 1,7 фоизга мустаҳкамланди. Эътиборли жиҳати, бу жорий йилда кузатилган энг йирик ойлик мустаҳкамланиш бўлган. Ой бошида расмий курс 11 960,18 сўмни ташкил этиб, ой давомидаги энг юқори кўрсаткич бўлганди. 26 август кунига келиб эса расмий курс 11 778,52 сўмга тушиб, сўнгги уч йилликдаги энг паст кўрсаткични қайд этди. Август ойида АҚШ доллари сўмдан ташқари яна бир қатор хорижий валюталарга нисбатан ҳам қадрсизланган. Жумладан, Корея вони энг юқори мустаҳкамланган валюта бўлиб, ой давомида 4,5 фоизга қимматлаган. Энг кўп қадрсизланган валюта эса рубль бўлган. Бир ойда рубль долларга нисбатан ўз қийматини 7,2 фоизга йўқотган. @bankir

Bank of Georgia Ўзбекистондаги қайси банкни сотиб олиши мумкин? Грузиянинг Bank of Georgia банки эгаси Lion Finance Group Ўзбекистондаги энг йирик бешта банкдан бирини сотиб олишни режалаштираётганини маълум қилганди. Ҳозирда Ўзбекистондаги энг йирик давлат банклари қаторига Ўзмиллийбанк, Агробанк, Ўзсаноатқурилишбанк, Асакабанк ва Халқ Банки киради. Иқтисодчи Отабек Бакировнинг ёзишича, грузин банк гуруҳи Халқ Банкига кўз тиккан бўлиши мумкин. 2027–2029 йилларга мўлжалланган Фискал стратегияда Ўзмиллийбанк ва Агробанкда давлат улуши сақлаб қолиниши қайд этилган. СҚБ ва Асакабанк бўйича хусусийлаштириш жараёнлари эса бошқа халқаро молия институтлари билан ҳамкорликда олиб борилмоқда. Шу боис Бакиров энг йирик бешта давлат банки ичида Халқ Банки эҳтимолий номзод сифатида кўрилиши мумкинлигини таъкидлаган. Маълумот учун, Халқ Банки 2025–2028 йилларга мўлжалланган Фискал стратегияда давлат улуши сақлаб қолинадиган банклар қаторига киритилган эди. Бироқ 2026–2029 йилларга мўлжалланган янги Фискал стратегияда у хусусийлаштирилмайдиган давлат банклари рўйхатидан ўрин олмаган. @bankir

Чет элга пул жўнатишда ортиқча комиссия тўлашдан чарчадингизми? 🏦InfinBANK муқобил ва арзонроқ вариантни таклиф қилади! Банкнинг барча филиалларида халқаро Ria Money Transfer тизими ишга туширилди. Дунёнинг 200 та давлатига тезкор пул ўтказмалари. Тарифлар билан танишинг: - Туркия — 0,8% дан; - Қозоғистон, Қирғизистон, Грузия, Украина — 0,85% дан; - Европа мамлакатлари (SEPA) — 1,25% дан; - АҚШ ва Канада — 1,4% дан; - Руминия — 1,5% дан; - Япония, Малайзия, Исроил, Жанубий Корея — 2% дан; - БАА, Молдова, Арманистон ва бошқалар — 2,2% дан бошлаб. ‼️ Комиссия жўнатилаётган давлат ва ўтказма суммасига қараб ўзгаради. Реклама

Август ойида йиллик инфляция даражаси 6,2 фоизни ташкил этди Таққослаш учун, июль ойида бу кўрсаткич 6,4 фоизга, ўтган йилнинг мос даврида эса 8,8 фоизга тенг бўлганди. Ой давомида мева ва сабзавотлар нархларининг ўзгариши умумий инфляцияни пасайтирувчи омил бўлиб хизмат қилди. Уларнинг нархлари ўзгариши инобатга олинмаса, бу ойда умумий инфляция даражаси 6,6 фоизни ташкил қилган бўларди. Бироқ транспорт соҳасида ёқилғи нархларининг, шунингдек, бошқа озиқ-овқат маҳсулотларининг қимматлашиши ҳисобига август ойида 0,2 фоизлик инфляция қайд этилди. Эслатиб ўтамиз, Марказий банк инфляциянинг белгиланган 5 фоизлик мақсадли кўрсаткичига 2027 йил якунида эришишни мақсад қилган. @bankir

Ўзбекистон Миллий банки 35 ёшда! 35 йил давомида бирга ўсиб, ўзгариб, ҳаётингизнинг бир қисми бўлиб келдик. НБУ тарихи — бу нафақат рақамлар ва ҳисоботлар, балки инсонлар ва бирга бошдан кечирган лаҳзаларимиздир. Анъаналарни асрадик, янгиликлар яратдик, саёҳат қилдик, бизнес очдик, автомобил ва хонадонлар харид қилдик, муҳим қарорлар қабул қилдик ва мақсадлар сари интилдик. Бизга ишонч билдираётганингиз ва НБУни танлаётганингиз учун раҳмат. НБУ — 35 йил сиз билан бирга, доимо сиз билан бирга. Instagram | Facebook | YouTube | Реклама

Аҳолининг банклар олдидаги қарзи 240 трлн сўмга яқинлашди 2026 йил 1 август ҳолатига кўра, аҳолининг банклардан олган кредитлари қолдиғи 239 трлн 801 млрд сўмни ташкил этган. Бу йил бошидаги кўрсаткичдан 8,9 фоизга кўп. Аҳоли кредитларининг энг катта қисми, аниқроғи, 88 трлн 147 млрд сўми (36,8 фоизи) ипотека кредитлари ҳиссасига тўғри келади. Ундан кейинги ўринни микроқарзлар эгаллаган бўлиб, уларнинг қолдиғи 51 трлн 141 млрд сўмга етган. Йил бошидан буён микроқарзлар қолдиғи 4,7 фоизга, яъни 2 трлн 278 млрд сўмга ошган. Банкларнинг энг тез ўсаётган кредит маҳсулоти кредит карталари ва овердрафтлар бўлиб, уларнинг қолдиғи йил бошидан буён 33,5 фоизга (1 трлн 484 млрд сўмга) кўпайиб, 5 трлн 914 млрд сўмга етган. @bankir

Ўзбекистон расмий такси бозорининг саккиз ойлик айланмаси 7 трлн сўмдан ошди 2026 йил 1 сентябрь ҳолатига кўра, Ўзбекистонда 242 та такси агрегатори солиқ органларининг ахборот тизимлари билан интеграция қилинган. Улар орқали 2026 йилнинг дастлабки саккиз ойида 329 миллион мартадан кўпроқ йўловчи ташилган. Умумий айланма эса 7 трлн 168 млрд сўмни ташкил этган. Бунинг 63 фоизи нақд, 37 фоизи эса нақдсиз тўловлар ҳиссасига тўғри келади. Дастлабки саккиз ойда такси агрегаторларининг ўртача чеки 21 785 сўмга тенг бўлган. Ҳудудлар кесимида кўрадиган бўлсак, бу даврда энг катта улуш — 45,3 фоиз — Тошкент шаҳрига тўғри келади. Кейинги ўринларни Фарғона (8,46%), Самарқанд (8,04%) ва Бухоро (6%) вилоятлари турибди. @bankir

Такси ҳайдовчилари қанча даромад қилмоқда? Бугунги кунда Ўзбекистонда такси агрегаторлари орқали йўловчи ташиш билан 481 минг 115 нафар ўзини ўзи банд қилган ҳайдовчи шуғулланмоқда. Уларнинг 0,85 фоизи ёки 4 107 нафари аёллардир. 2026 йилнинг дастлабки саккиз ойида такси ҳайдовчиларининг агрегаторлар орқали топган даромади қуйидагича бўлган: 🔵 100 млн сўмдан кўп — 7,9 минг ҳайдовчи (1,6%) 🔵 50–100 млн сўм — 31,5 минг ҳайдовчи (6,5%) 🔵 10–50 млн сўм — 124,4 минг ҳайдовчи (25,9%) 🔵 5–10 млн сўм — 59,9 минг ҳайдовчи (12,5%) 🔵 1–5 млн сўм — 123,6 минг ҳайдовчи (25,7%) 🔵 1 млн сўмгача — 133,7 минг ҳайдовчи (27,8%) Бунда 1 млн сўмгача даромад қилган ҳайдовчилар улуши 27,8 фоиз билан энг юқори бўлган. Бу эса агрегаторлар орқали ўзини ўзи банд қилган ҳайдовчиларнинг катта қисми такси хизматига доимий эмас, балки қўшимча ёки қисқа муддатли даромад манбаи сифатида қараётганини кўрсатади. @bankir

Доллар кўтарилди 8 сентябрь учун долларнинг расмий курси 11 789,33 сўмдан🔼 (+4,03 сўм) ҳисобланади. @bankir

⚡️Хушхабар: Tадбиркорнинг биринчи хатоси энди дарров жарима билан тугамайди Президентнинг ПФ–175-сонли фармони билан молиявий жарималарни қўллашда “Биринчи хато учун — огоҳлантириш” қоидаси жорий этилмоқда. Энди тадбиркор биринчи марта қоидабузарликка йўл қўйса, унга жарима солишдан олдин камчиликни бартараф этиш учун 10 кун вақт берилади. Аммо бу имтиёзнинг иккита муҳим шарти бор: ⏺қоидабузарлик биринчи марта содир этилган бўлиши; ⏺фуқаролар ҳаёти ва соғлиғига ёки ўзгалар мулкига зарар етказилмаган бўлиши керак. Tадбиркорга хатосини тузатиш учун расмий имконият берилади. Лекин бу қоидабузарликларнинг барчаси автоматик равишда кечирилади, дегани эмас. Шунингдек, мамлакатдаги барча молиявий ва маъмурий жарималар хатловдан ўтказилиб, уларни ўртача икки баравар камайтириш режалаштирилган. @bankir

Кредит тўловини ундиришда картада камида 680 минг сўм қолдириш таклиф қилинмоқда Марказий банк кредит қарздорлигини ундиришда мижознинг барча банк карталаридаги маблағларни тўлиқ ечиб олишни чеклашни таклиф қилмоқда. Тегишли қарор лойиҳаси жамоатчилик муҳокамасига қўйилди. Лойиҳага кўра, кредит ёки кафиллик бўйича тўловлар мижознинг топшириғисиз ундирилганда, карталарда меҳнатга ҳақ тўлашнинг энг кам миқдорининг ярми (680 минг сўм) сақлаб қолиниши керак. Бироқ шартномада кўрсатилган ёки мижознинг ўзи мобил илова ёхуд интернет-банкинг орқали кредит тўловларини ундириш учун бириктирган карталар бундан мустасно. Ҳозирча бу фақат қарор лойиҳаси бўлиб, ҳужжат 4 сентябрьдан 14 сентябрьгача жамоатчилик муҳокамасида бўлади. Қарор қабул қилинган тақдирда, у расмий эълон қилинганидан уч ой ўтиб кучга кириши белгиланган. @bankir

Август ойида нархи энг кўп ошган 20 та озиқ-овқат маҳсулоти 🔵 Қовоқ — (+17,6%) 🔵 Сабзи — (+9,2%) 🔵 Тарвуз — (+7,5%) 🔵 Пиёз — (+6,2%) 🔵 Турп — (+5,7%) 🔵 Лавлаги — (+1,8%) 🔵 Апельсин — (+1,6%) 🔵 Мандарин — (+1,6%) 🔵 Бодринг — (+1,5%) 🔵 Лимон — (+1,5%) 🔵 Шафтоли — (+1,4%) 🔵 Помидор — (+1,1%) 🔵 Гречка — (+1,1%) 🔵 Қовун — (+1,1%) 🔵 Гуруч — (+1,1%) 🔵 Кўкатлар — (+1%) 🔵 Қаттиқ пишлоқ — (+0,9%) 🔵 Қийма гўшт — (+0,9%) 🔵 Анор — (+0,9%) 🔵 Пиво — (+0,8%) Август ойида нархи энг кўп арзонлаган 20 та озиқ-овқат маҳсулоти 🔵 Узум — (-10,9%) 🔵 Булғор қалампири — (-9,2%) 🔵 Олма — (-7,2%) 🔵 Нок — (-6,0%) 🔵 Бақлажон — (-5,5%) 🔵 Карам — (-4,9%) 🔵 Картошка — (-3,3%) 🔵 Банан — (-2,8%) 🔵 Қўзиқорин — (-1,4%) 🔵 Саримсоқ — (-0,7%) 🔵 Шакар — (-0,6%) 🔵 Сули ёрмаси — (-0,6%) 🔵 Плитка шоколад — (-0,5%) 🔵 Тузланган бодринг — (-0,4%) 🔵 Хом сут — (-0,4%) 🔵 Творогли сироклар — (-0,3%) 🔵 Нўхат — (-0,2%) 🔵 Новвот — (-0,2%) 🔵 Оқ қанд — (-0,2%) 🔵 Пахта ёғи — (-0,1%) Август ойида нархи энг кўп ошган ва энг кўп арзонлаган беш турдаги ноозиқ-овқат маҳсулотлари 🔵 АИ-98 ва АИ-100 маркали бензин — (+6,7%) 🔵 Автомобиллар учун пропан — (+5,8%) 🔵 АИ-95 маркали бензин — (+4,9%) 🔵 Ҳожатхона қоғози — (+1,2%) 🔵 АИ-92 маркали бензин — (+1,1%) 🔵 Ноутбук — (-0,7%) 🔵 Чангютгичлар — (-0,8%) 🔵 Овоз ва тасвир ёзиб олиш ускуналари — (-0,9%) 🔵 Фойдаланилган автомобиллар — (-1,1%) 🔵 Қўл соатлари — (-1,1%) @bankir