ከአምስት ዓመት በላይ ተዘግቶ የቆየ የቅዱስ ሚካኤል ቤተክርስቲያን ህንፃ ማሠሪያ ማኅበር ✝⛪

🕊 † እንኳን ለታላቁ ጻድቅና ገዳማዊ አባ ዓቢየ እግዚእ ዓመታዊ የተአምር በዓል በሰላም አደረሳችሁ ፤ አደረሰን። † † በስመ አብ ወወልድ ወመንፈስ ቅዱስ አሐዱ አምላክ አሜን ! † † 🕊 ጻድቅና ገዳማዊ አባ ዓቢየ እግዚእ 🕊 † † አባ ዓቢየ እግዚእ የተወለዱት በ፲፬ [14]ኛው መቶ ክ/ዘመን ትግራይ ተንቤን [መረታ] ውስጥ ነው:: የተባረኩ ወላጆቻቸው ያፍቅረነ እግዚእ እና ጽርሐ ቅድሳት ይባላሉ:: አጥምቀው "ዓቢየ እግዚእ" ሲሉ ስም ያወጡላቸው የወቅቱ ጳጳስ ሰላማ መተርጉመ መጻሕፍት ናቸው:: ትርጉሙም 'በጌታ ዘንድ ታላቅ ሰው' ማለት ነው:: ዓቢየ እግዚእ በሕፃንነታቸው ሌሊት ሌሊት ባሕር ውስጥ ሰጥመው ሲጸልዩ አድረው ቀን ቀን እየተማሩ ብሉይ ከሐዲስ ጠነቀቁ:: ገና በወጣትነታቸው ወደ ታላቁ መነኮስ አቡነ መድኃኒነ እግዚእ [ደብረ በንኮል] ሔደው መንኩሰዋል:: በገዳሙ በጾም: በጸሎትና በስግደት ተወስነው ከኖሩ በኋላ ወደ ዋልድባ ሔደው የተሰወረች ቤተ ክርስቲያን አግኝተዋል:: በጊዜው በአርባ ቀን አንዲት ቅጠል ብቻ ለቁመተ ሥጋ ይበሉ ነበር:: ከዚያም ወደ ሃገራቸው ተንቤን ተመልሰው ዛሬም ድረስ ድንቅ ሆኖ የሚታየውን ገዳም መሥርተው ብዙ መናንያንን አፍርተዋል:: ዓቢየ እግዚእ ገዳማዊና ጻድቅ ብቻ ሳይሆን ሐዋርያዊ አባትም ነበሩ:: ከትግራይ እስከ ደንቢያ ደግሞ ሃገረ ስብከታቸው ነው:: አንድ ጊዜ ደቀ መዛሙርትን አስከትለው ለስብከት ሲንቀሳቀሱ ተከዜ ወንዝ አካባቢ ደረሱ:: ቀኑ ነሐሴ ፲ [10] ነውና ተከዜ እስከ ገደፉ ሞልቶ ለሦስት ቀናት ባለመጉደሉ ከአንድ ሺ በላይ ሰዎች ሲያለቅሱ ደረሱ:: ጻድቁ በአካባቢው የነበሩት ኢ-አማንያን [አሕዛብ] ቢሆኑም ራርተዋልና "አምላከ ሙሴ" ብለው ጸልየው ወደ ጥልቁ ውስጥ ገቡ:: ቅዱስ ሚካኤል አብሯቸው ነበርና ተከዜ ግራና ቀኝ ተከፍሎ መሃሉ የብስ ሆነ:: ይሕን ድንቅ ያዩ ከዘጠኝ መቶ አርባ በላይ አሕዛብም አምነው በጻድቁ እጅ ተጠምቀዋል:: ይሕም ዘወትር ነሐሴ ፲ [10] ቀን በቤተ ክርስቲያናቸው [ጐንደር] ይከበራል:: ከዚያም እያስተማሩ ጐንደር ደረሱ:: ያኔ ጐንደር በቀሃና አንገረብ ወንዞች የታጠረች አንዲት መንደር ነበረች:: ጻድቁ ቀን ቀን እየሰበኩ ማታ ዛሬ ቤተ ክርስቲያናቸው የታነጸበት ሥፍራ ላይ ሲጸልዩ ያድሩ ነበር:: በዚያ ዘመን ጐንደር ውስጥ ጅብ: እባብና መሠል አራዊት ገብተው ሕዝቡን ጨረሱት:: ይሕንን የተመለከቱት አባ ዓቢየ እግዚእ ወደ እግዚአብሔር አለቀሱ:: በፍጹም ልባቸውም ስለ ሕዝቡ ለመኑ:: የለመኑትን የማይነሳ ጌታ ወደ ጻድቁ ቀርቦ "በስምሕ የተማጸኑ: በቃል ኪዳንህ ያመኑ: በምድር አራዊት አይሠለጥኑባቸውም:: በሰማይም እሳትን አያዩም:: ጐንደርንም አራዊት ገብተው ሰውን አይጐዱም::" ብሏቸው አርጓል:: ጻድቁም የወንጌል አገልግሎታቸውን ፈጽመው ወደ ገዳማቸው ተንቤን ተመልሰዋል:: ይሔው እኛ ምን ብንከፋ: ጻድቁንም ብንረሳቸው እግዚአብሔር ግን ዛሬም በጻድቁ ምልጃ ከተማዋን ጠብቆ ይኖራል:: ነገን ደግሞ እርሱ ያውቃል:: ዛሬ ቤተ ክርስቲያኑ የታነጸበት ቦታ [ጎንደር ቀበሌ ፱ [09] ኪዳነ ምሕረት] ጻድቁ የጸለዩበት ቦታ ነው:: እንኳን በወርኀዊ በዓላቸው [በ፲፱ [19] ይቅርና በዓመታዊ በዓላቸው [ግንቦት ፲፱ [19], ነሐሴ ፲ [10] እንኳ ለንግስ የሚመጣው ሰው ቁጥር ያስተዛዝባል:: አባ ዓቢየ እግዚእ በገዳማቸው ተንቤን ለብዙ ዘመናት በቅድስና ኑረው: ሦስት ሙታንን አስነስተው: ብዙ ድውያንን ፈውሰው: ብሔረ ብጹዓንን ጎብኝተው: የድኅነት ቃል ኪዳንም ተቀብለው: በመቶ አርባ ዓመታቸው ግንቦት ፲፱ [19] ቀን አርፈዋል:: የጻድቁ ክብር ለ

ጥያቄ ይደገም

#መዝሙር_ትርጓሜ_ዘሰንበት | #ዛቲ_ይእቲ ዛቲ ይእቲ ማርያም፤ ለክርስቲያን ዕረፍት የተባለች የመለኮት ማደሪያ የተባለች ድንግል ማርያም ነች። ማኅደረ መለኮት አላት ንስጥሮስ ምንም ቢረታበት ሕስወኬ ትሰመይ ቅድስት ድንግል ወላዲት አምላክ ወአማን ትሰመይ ወላዲት ሰብእ ብሎ ክዶ ነበር ድንግል ማርያም ግን ሰማይን ከነግሱ ምድርን ከነልብሱ ወስኖ ገቶ የያዘ የክርስቶስ እናት ናትና የመለኮት ማደሪያ የክርስቶስ እናት የተባለች ድንግል ማርያም እርስዋ ናት አለ። እንተ ተሰምየት ሰንበተ ክርስቲያን አላት ጌታ በሰንበተ ክርስቲያን በዕለተ እሁድ ታላላቅ ሥራዎችን ሰርቷል ጽንሰቱ፣በደብረታቦር ምስጢረ መለኮት መግለጹ ፣ ትንሣኤው ፣ መንፈስ ቅዱስ መላኩ በዚህ ዕለት ነው ይህም ለምዕመናን ዕረፍት ሆኖቸዋል ድንግል ማርያምም ለክርስቲያኖች ሁሉ ዕረፍት ናት ስለዚህ እንዲህ አለ በዚያውም ላይ ምንም እርሱ ታላላቅ ስራዎችን በዚህ ዕለት ቢሰራም የሠራው ከእርሷ በነሣው ሥጋ ነውና ዕለተ ሰንበት ይላታል። በከመ ይቤ ዳዊት በመዝሙር፤ ቅዱስ ዳዊት በመዝሙሩ እንደነገረን አንሳዕኩ አዕይንትየ መንገለ አድባር፤ አይኖቼን ወደ ተራሮች አነሣሁ የጨነቀው ግራ የገባው ሰው ወደ ላይ ወደ ላይ አይኑን ያቀናል እርሱም ስለ ድኅነቱን ሲያስብ ሲጨነቅ እንዲህ አለ። አድባረ ድኁኃን ተሰምየት ዛቲ ይዕቲ ቅድስት ድንግል የጸናች ተራራ የተባለች ቅድስት ድንግል ማርያም ናት ድንግል ማርያም በነፍስ በሥጋ በውስጥ በአፍኣ ድንግል ናት በዚያውም ላይ በትንቢተ ነቢያት የጸናች ናትና የጸናች ተራራ ይላታል ድንግል ማርያም መመረጧን ያጸናች እናት ናት በዚህ ዓለም ብዙ መመረጣቸውን ያበላሹ ከተመረጡ በኋላ እንደተመረጡ ያልኖሩ ብዙዎች ናቸው እርሷ ግን መመረጧን አጽንታለችና አድባረ ድኁኃን ይላታል። ተዓቢ እምኩሉ  ፍጥረት፤ እንዲህ ነውና ድንግል ማርያም ከሁሉ ፍጥረት ትበልጣለች መመረጧን ያጸናች ድንግል ፣ እናትም ድንግል ሆና የተገኘች ድንግል ፣ ከሦስቱ ቅዱስ ለአንዱ ቅዱስ ማደሪያ የሆነች ድንግል ፣ አምላክን የወለደች ድንግል ናትና ከሁሉ ፍጥረት ትበልጣለች። ኢያውዓያ እሳተ መለኮት ነደ መለኮቱ ያላቃጠላት እርሷ ብቻ ናትና ከሁሉ ፍጥረት ትበልጣለች መላእክት እንኳን መሸከም ፊቱን አያዩትም ለተልእኮ ከፊቱ ሲቀርቡ እንኳን በክንፋቸው ፊታቸውን ሰውነታቸውን ሸፍነው ነው እርሷ ግን ዘጠኝ ወር ከአምስት ቀን ነደ መለኮትነቱ ሳያቃጥላት ተሸክማዋለችና ከሁሉ ፍጥረት ትበልጣለች።