Dr. Algorithm

UzTech UK jamoasidan Syurpriz Ma'lumki Buyuk Britaniyada (UK) UzTech UK nomli AT jamoamiz bor. Jamoamizda alohida Dasturchilar guruhimiz bor. Guruhimiz faol a'zolaridan biri Samandar bizni lol qoldirdi. Yuqoridagi video Instagramga chiqqanida bildik. Cambridge safarida turli savollar berib, vaqtimizni maroqli oʻtkazgan inson bunday hunarlari borligini biz ham oʻzidan eshitmadik. 😮 📱 https://www.instagram.com/reel/Dba_NtPtH_A/?igsh=NGNzajk0aHQwZHY4 Oʻzbekistonda Kulgilektual loyihasi bor. Unda turli mehmonlarga mantiqiy savollar berilar ekan. Men buni videodan bildim. Samandar shu koʻrsatuvning har bir qismini koʻrib, savollar, mehmonlar, ularning reytingi kabi ma'lumotlarni yigʻgan. Hatto videoning qaysi qismida savol berilganini ham belgilagan. Shunday iqtidorli yoshlarni koʻrsam rosa hursand boʻlaman. Samandar Abdullayev tabriklaymiz! Juda katta ish boʻlibdi! Bundan keyingi loyihalaringizga rivoj tilayman. Loyiha havolasi: kulgilektual.com Agar sizda ham website yoki shu kabi qiziq loyiha kerak boʻlsa, bemalol murojaat qilavering. Natijani koʻrib turibsiz. Samandarga murojjat qilish uchun: 📱 https://www.instagram.com/samabdullaevv 📱 https://t.me/sam_abdullaev Bizning hamjamiyatimiz haqida shu yerdan ma'lumot olishingiz mumkin: 📱😎📱📱 uztech.uk/social 04.08.2026 London @DrAlgorithm

Jet lag va 15 daqiqa qoidasi Samolyot Toshkentga qo‘ndi, "Home, sweet home!" deb uyga kirdingiz. Lekin asl askiya ertasi kuni ertalab boshlandi... 😴 Chet davlatdan qaytgach miya butunlay boshqa vaqt mintaqasida yashashni davom ettiradi. Siz soat millariga qaraysiz - 08:00. Miya esa xotirjamgina: "E, do‘stim, hozir bizda erta tong-ku, kel, yana 4 soat uxlab olaylik" deydi. Ushbu holatda ko‘pchiligimiz nima qilamiz? Albatta, o‘zimizga "Vatandoshlik qasamyodi"ni beramiz: "Bo‘ldi, ertadan yangi hayot! Soat 06:00 da turib, yuguraman, nonushta qilaman va dunyoni zabt etaman!" deb 6:00 ga budilnik qo‘yamiz. Natija esa hammaga tanish: * 06:00 - Budilnik jiringlaydi. * 06:15 - Budilnik jiringlaydi. * 06:16 - Budilnikka nisbatan ichki nafrat va "Snooze" (yana 5 daqiqa) tugmasi. * 09:00 - Ko‘zlar shishgan, kayfiyat "Nol", o‘zingizni xuddi tunda beton qorgandek his qilasiz. Osiyo va Yevropa orasida qolib ketgan organizmni (va dangasalikni) bir kunda majburlab yengib bo‘lmaydi. Buni yengish uchun esa "15 daqiqa qoidasi" yordam beradi Taktika sodda: Har kuni uyg‘onish (va uxlash) vaqtini shunchaki 15 daqiqaga oldinga surasiz. Qanday ishlaydi? Bugun 09:00 da turgan bo‘lsangiz, ertaga 08:45 ga budilnik qo‘ying. Indinga 08:30. Natija: Miya hech qanday stresssiz, bilmasdan yangi rejimga moslashib ketadi. Bir haftada sezdirmay 1.5-2 soat yutasiz! Katta maqsadlarni kichik 15 daqiqalik qadamlar bilan zabt eting. Angliyaga kelganda esa buning aksi. Ertalab erta uyg‘onasiz, mo‘jiza. Ertalab soat 06:00 da uyquga to‘yib uyg‘ongansiz. "Barakalla, endi haqiqiy muvaffaqiyatli insonlar kabi yashayman, 6 da turadigan supermenman!" deb xursand bo‘lasiz. 🇬🇧☕️ Lekin xursandchilikka shoshilmang - bu shunchaki vaqt mintaqasi (Jet Lag) tuhfasi! Chunki Angliyada soat 06:00 bo‘lganda, O‘zbekistonda allaqachon tushki 10:00 bo‘lgan bo‘ladi. Yurtimizda choy ichib yuradigan vaqtingizda bu yerda uyg‘onayotganingiz tabiiy. Haqiqiy sinov aynan 3-4 kundan keyin boshlanadi Vaqt o‘tishi bilan o

Vatanimiz Mustaqilligining 35 yilligi muborak bo‘lsin. Yurtimiz doim barakali, rivojlangan, erkin va ozod bo‘lsin. Raqamli olamda o‘z o‘rni bilan e'tiborda tursin. Barchani Mustaqillik bayramimiz bilan tabriklayman! 01.09.2026 London @DrAlgorithm

Maktab + SI + Rasm Bugun farzandim maktabidan maktub oldim. Ajablantirgani uchun bu haqida yozishni ma’qul topdim. Maktab har yili farzandingiz rasmini qayerda chop etish mumkin ekani haqida ruxsat so‘raydi. Siz uning rasmini veb sahifada, ijtimoiy tarmoqda va hatto devoriy gazetada chop etish mumkin ekaniga ruxsat/rad berasiz. Bir tomondan bu qulay, farzandingiz rasmini ijtimoiy tarmoqda ko‘rmaysiz. Ikkinchi tomondan esa, jamoa bo‘lib safarga chiqishganida tushgan rasmlarini hamma ko‘ra olmaydi. Endi esa yangilik! Maktab bolalar rasmlarini olishda ularning yuzini rasmga olmaslik, ijtimoiy tarmoqqa qo‘ymaslikka o‘zi qaror qildi. Hozirgi kungi SI davrida Shaxsiy ma’lumotlar xavfsizligi muammo bo‘lib turgani uchun, DeepFace kabi narsalar chiqib ketgani uchun, farzandingiz rasmini ijtimoiy tarmoqqa chiqarmaslikni o‘zligi tavsiya qilishmoqda. Maktab ma’muriyati esa, rasmlarni olishda imkon qadar yuz tushmaydigan yoki tanimaydigan qilib rasmga olishni yo‘lga qo‘ymoqda. Texnologik yangilik Ta’limga juda kech kirib keladi, - deb o‘ylar edim. Buni ko‘rib, hayratda qoldim. Ta’limga birinchilarga tatbiq qilishibdi. 04.09.2026 London @DrAlgorithm