محبت زوجین ❤ Lovely Couples

🌹اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎🌹 🌹ﺑِﺴـْﻢِﷲِﺍﻟﺮَّﺣْﻤَﻦِﺍلرَّﺣِﻴﻢ🌹 🌿 زندگی وقت کے ساتھ سب کچھ واضح کر دیتی ہے... کون آپ کے ساتھ صرف فائدے کے لیے تھا، کون ضرورت ختم ہوتے ہی بدل گیا، اور کون ایسا تھا جو حقیقت میں کبھی آپ کا تھا ہی نہیں۔ زندگی ایک چھلنی کی طرح ہے... وقت گزرتا ہے، حالات بدلتے ہیں، مشکل دن آتے ہیں، اور پھر لوگ خود بخود چھننے لگتے ہیں۔ کچھ لوگ ہر حال میں ساتھ رہتے ہیں، جبکہ کچھ لوگ صرف اچھے وقتوں کے ساتھی ہوتے ہیں۔ 💔 کبھی کبھی جن لوگوں پر ہم سب سے زیادہ بھروسہ کرتے ہیں، وہی سب سے پہلے ساتھ چھوڑ جاتے ہیں۔ اور کبھی وہ لوگ، جن سے ہمیں زیادہ امید نہیں ہوتی، وہی مضبوط سہارا بن جاتے ہیں۔ اس لیے ہر تعلق کو وقت کی کسوٹی پر پرکھنے دو۔ کیونکہ وقت کبھی جھوٹ نہیں بولتا۔ 🌸 یاد رکھو: ہر وہ شخص جو تمہارے اردگرد ہے، ضروری نہیں کہ تمہارا خیرخواہ بھی ہو۔ اور ہر وہ شخص جو خاموش ہے، ضروری نہیں کہ تمہارا دشمن ہو۔ زندگی آہستہ آہستہ نقاب ہٹا دیتی ہے۔ کچھ لوگ دل میں جگہ بنا لیتے ہیں، اور کچھ صرف ایک سبق بن کر رہ جاتے ہیں۔ 🌷 اس لیے اُن لوگوں کی قدر کرو... جو تمہارے برے وقت میں بھی تمہیں نہیں چھوڑتے، جو تمہاری غیر موجودگی میں بھی تمہارا احترام کرتے ہیں، اور جو تمہاری کامیابی سے جلتے نہیں بلکہ خوش ہوتے ہیں۔ کیونکہ آخر میں... زندگی تمہیں یہی سکھاتی ہے: کون واقعی قیمتی ہے، کون نہیں، اور کون کبھی تھا ہی نہیں۔ منقول > ✍: ابوزوزم بنــــــارســــــی 🌹 ♻️ پوسٹ اچھی لگے تو حوصلہ افزائی کے لئے لائک، دوسروں کی بھلائ کے لئے شیئر کر دینا بھی صدقہ ہے 💔H͜͡a͜͡p͜͡p͜͡y͜͡ L͜͡i͜͡f͜͡e͜͡ 🌹خوشگوار زندگی💔 🔗https://whatsapp.com/channel/0029Va9hqzgCsU9Rcrto2i22 💔🌷💔🌷💔🌷💔🌷💔

🌹اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎🌹 🌹ﺑِﺴـْﻢِﷲِﺍﻟﺮَّﺣْﻤَﻦِﺍلرَّﺣِﻴﻢ🌹 🌴اللہ معاف فرمائے.. "عاشوراء" کیا تھا اور لوگوں نے اسے کیا بنا دیا.. 🌴خوشیوں، برکتوں اور رحمتوں والا دن.. 🌴دعاء، صدقہ، خیرات اور روزے والا دن..🌴دعاؤں کی مقبولیت اور اونچے مقامات پانے والا دن.. > 🌑 محرم: صبر، قربانی اور غیرت کا مہینہ، نہ کہ کھیل تماشے، میلے کا🌑 کربلا میں امام حسینؑ نے سجدے میں سر دے دیا… لیکن جھکنے کا تصور تک نہ کیا… نہ وقت کے فاسق حکمران کے آگے، نہ کسی باطل رسم کے آگے… 💔 آج افسوس! ہم اُسی حسینؑ کے ماننے والے ہو کر محرم کے دنوں میں ڈھول تاشے، ناچ، رقص، شور و ہنگامے اور بےغیرت رسم و رواج میں لگے ہیں… جو نہ قرآن میں ہیں، نہ دینِ محمدیؐ میں، نہ صحابہؓ سے ثابت ہیں، نہ اہلِ بیتؑ سے۔ ❓ سوچو… > اگر تمہارے اپنے گھر میں کوئی انتقال کر جائے، تو کیا تم ڈھول بجاؤ گے؟ ہنسی خوشی ریلس بناو گے؟ کیا تم ویسے ہی سڑکوں پر تماشہ کرو گے؟ *سوچو سوچو ایک بار نہیں ہزار بار مگر دل سے پورا پورا* > ✍: ابوزوزم بنــــــارســــــی 🌹 ♻️ پوسٹ اچھی لگے تو حوصلہ افزائی کے لئے لائک، دوسروں کی بھلائ کے لئے شیئر کر دینا بھی صدقہ ہے 💔H͜͡a͜͡p͜͡p͜͡y͜͡ L͜͡i͜͡f͜͡e͜͡ 🌹خوشگوار زندگی💔 🔗https://chat.whatsapp.com/Hp8rLMalxxo5Q6GOk5ycEf?mode=hqrt3 💔🌷💔🌷💔🌷💔🌷💔

اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎ 🌹 ❁﷽❁ 🌹 💞 ایک ریاست میں ایک بوڑھے شخص کو روٹی 🫓 چوری کرتے پکڑا گیا، علاقے کے کچھ لوگ اسے پکڑ کر وقت کے قاضی  (جج) کے پاس لے گئے، قاضی نے بوڑھے بابا سے کافی سوالات کئے۔ لیکن بابا نے کوئی جواب نہیں دیا، بالآخر قاضی نے فیصلہ یوں سنایا۔ بابا جی روٹی چوری کرنے کے جرم میں ایک درہم (روپیہ۔ ڈالر) تندور کے مالک کو بطور جرمانہ ادا کرے گا۔ یہ سنتے ہی لوگوں نے فاتحانہ نعرے لگانے شروع کئے قاضی صاحب نے کہا کہ ٹہرو ابھی فیصلہ کی دوسری قسط باقی ہے، سب لوگ سمجھے کہ اب شاید بابا کو قید کی سزا بھی ہوگی۔ لیکن قاضی کے فیصلہ نے سب کو حیرت میں  ڈال دیا۔ قاضی نے گرجدار آواز میں فیصلہ سنایا کہ جتنے لوگ بابا جی کو پکڑ کر لائے ہیں وہ سب اور جو لوگ بابا جی کے گھر 🛖کے آس پاس تین گلیوں میں رھتے ہیں وہ سب ہر مہینے کی پہلی تاریخ کو پچاس درہم باباجی کو بطور جرمانہ ادا کریں گے۔ لوگوں نے اس کی وجہ پوچھی تو قاضی نے جواب دیا۔ نہ بابا کی عمر چوری کی ہے۔ نہ بابا پیشہ ور چور لگتے ہیں۔ کیونکہ اگر چور ہوتے تو اپنی صفائی اچھے انداز سے پیش کرتے جیسا کہ چوروں کا دستور ہے۔ 🪞 بابا جی کو بھوک نے چوری تک پہنچایا ہے۔اس کا سب سے بڑا سبب بابا کے پڑوسی ہیں جنہوں نے کبھی بابا کی خبر نہ لی اس لئے بابا ایک روٹی کے چور ہیں جبکہ  بابا جی کا پورا محلہ انسانیت کا چور ہے، جو سزا میں نے سنائی ہے حقیقت میں تمہارا فریضہ تھا جو تم ادا نہ کر سکے اس لئے  اس کو جرم کا نام دیا گیا۔ قاضی کے فیصلہ نے بابا جی کے آنکہوں سے آنسو نکال دئے جبکہ تماش بینوں کے گردن جہکا دئے.. 🎙 نوٹ!! یہ بات بطور نصیحت لکھی گئی ہے۔۔ وقت بہت نازک ہے اپنے پڑوسی کا خیال رکھیں۔۔ بہت سے لوگوں کے گھر کی حالت اچھی نہیں ہے اور سفید پوش لوگ ہیں ہمیں لگتا ہے کہ سب اچھا ہے۔۔ لیکن ایسا نہیں ہے جیسا ہم سوچتے ہیں۔۔ خیال رکھئے گا۔۔ > منتقل کنندہ: ابوزوزم بنـــارســـی 💔خوشگوار زندگی🌹 H͜͡a͜͡p͜͡p͜͡y͜͡ L͜͡i͜͡f͜͡e͜͡💔 https://whatsapp.com/channel/0029Va9hqzgCsU9Rcrto2i22 🌷🌱💔🌷🌱💔🌷🌱💔🌷

🌹اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎🌹 🌹ﺑِﺴـْﻢِﷲِﺍﻟﺮَّﺣْﻤَﻦِﺍلرَّﺣِﻴﻢ🌹 📢 واٹس ایپ کا نیا Username فیچر آ گیا! اب واٹس ایپ استعمال کرنے کا طریقہ پہلے سے بھی زیادہ محفوظ ہونے والا ہے۔ واٹس ایپ نے Username فیچر متعارف کروانا شروع کر دیا ہے، جس کی مدد سے آپ اپنے اکاؤنٹ کے لیے ایک منفرد (Unique) یوزرنیم منتخب کر سکیں گے۔ اس کے بعد لوگ آپ کو آپ کے موبائل نمبر کے بجائے اسی Username کے ذریعے تلاش کر سکیں گے اور رابطہ کر سکیں گے۔ یعنی ہر کسی کے ساتھ اپنا نمبر شیئر کرنا ضروری نہیں رہے گا، جس سے آپ کی پرائیویسی پہلے سے کہیں زیادہ بہتر ہو جائے گی۔ ✨ اس فیچر کے اہم فوائد: ✅ موبائل نمبر زیادہ محفوظ رہے گا۔ ✅ ہر کسی کو اپنا نمبر دینے کی ضرورت نہیں ہوگی۔ ✅ پرائیویسی پہلے سے کہیں زیادہ مضبوط ہوگی۔ ✅ کاروباری افراد، فری لانسرز، سیلرز اور کانٹینٹ کریئیٹرز کے لیے نہایت مفید فیچر ہے۔ ✅ لوگوں کے لیے آپ سے رابطہ کرنا آسان ہوگا، جبکہ آپ کا ذاتی نمبر محفوظ رہے گا۔ 📌 یاد رکھیں: یہ فیچر مرحلہ وار تمام صارفین کے لیے جاری کیا جا رہا ہے۔ اگر ابھی تک آپ کے واٹس ایپ میں یہ آپشن نظر نہیں آ رہا تو اپنی ایپ کو اپ ڈیٹ رکھیں، جلد ہی یہ فیچر آپ کو بھی مل جائے گا۔ 👈 میری نظر میں یہ واٹس ایپ کی اب تک کی بہترین پرائیویسی اپ ڈیٹس میں سے ایک ہے۔ > ✍: ابوزوزم بنــــــارســــــی 🌹 ♻️ اگر یہ معلومات مفید لگیں تو اس پیغام کو ضرور شیئر کریں تاکہ زیادہ سے زیادہ لوگ اس نئے فیچر سے فائدہ اٹھا سکیں 💔H͜͡a͜͡p͜͡p͜͡y͜͡ L͜͡i͜͡f͜͡e͜͡ 🌹خوشگوار زندگی💔 🔗https://whatsapp.com/channel/0029Va9hqzgCsU9Rcrto2i22 💔🌷💔🌷💔🌷💔🌷💔

🌹اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎🌹 🌹ﺑِﺴـْﻢِﷲِﺍﻟﺮَّﺣْﻤَﻦِﺍلرَّﺣِﻴﻢ🌹 🌹اللَّهُمَّ صَلِّ عَلَى مُحَمَّد وَعَلَى آلِ مُحَمَّدﷺ🌹 ❤️ بعض لوگ اپنی تلخ مزاجی، سخت لہجے اور دوسروں کو تکلیف پہنچانے والی باتوں کو یہ کہہ کر درست ثابت کرنے کی کوشش کرتے ہیں کہ "سچا انسان زبان کا کڑوا ہوتا ہے۔" 🌹 حالانکہ یہ معیارِ حق نہیں۔ سچائی کا سب سے کامل نمونہ تو ہمارے آقا محمد ﷺ کی ذاتِ مبارکہ ہے۔ آپ ﷺ سے بڑھ کر سچا، امانت دار اور حق گو انسان نہ کبھی آیا اور نہ آئے گا، لیکن اس کے ساتھ ہی آپ ﷺ کا اخلاق، لہجہ اور گفتگو ایسی شیریں تھی کہ دشمن بھی متاثر ہوئے بغیر نہ رہتے تھے۔ 🌹 *آپ ﷺ حق بات فرماتے تھے، مگر ایسا انداز اختیار کرتے تھے جو دلوں کو جوڑتا تھا، توڑتا نہیں تھا۔ آپ ﷺ اصلاح فرماتے تھے، مگر تحقیر نہیں کرتے تھے۔ آپ ﷺ تنبیہ فرماتے تھے، مگر الفاظ میں رحمت، شفقت اور حکمت ہوتی تھی۔* ❤️ اس لیے سچائی کا مطلب بدزبانی، تلخ کلامی یا لوگوں کے دل دکھانا نہیں، بلکہ حق بات کو بہترین انداز میں بیان کرنا ہے۔ اگر کوئی شخص اپنے سخت لہجے پر فخر کرے تو اسے یاد رکھنا چاہیے کہ سچائی اور حسنِ اخلاق جب ایک جگہ جمع ہو جائیں تو وہی سنتِ نبوی ﷺ کا راستہ ہے۔ 🌷 سچا ہونا فضیلت ہے، مگر سچا ہونے کے ساتھ نرم مزاج، خوش اخلاق اور شیریں زبان ہونا سنت ہے۔ ❤️ "زبان کی سختی سچائی کی دلیل نہیں، بلکہ سچائی کی سب سے خوبصورت صورت وہ ہے جو دلوں کو زخمی نہیں، بلکہ ان کی اصلاح کرے۔" > ✍: ابوزوزم بنــــــارســــــی 🌹 ♻️ پوسٹ اچھی لگے تو حوصلہ افزائی کے لئے لائک، دوسروں کی بھلائ کے لئے شیئر کر دینا بھی صدقہ ہے 💔H͜͡a͜͡p͜͡p͜͡y͜͡ L͜͡i͜͡f͜͡e͜͡ 🌹خوشگوار زندگی💔 🔗https://whatsapp.com/channel/0029Va9hqzgCsU9Rcrto2i22 💔🌷💔🌷💔🌷💔🌷💔

🌹اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎🌹 🌹ﺑِﺴـْﻢِﷲِﺍﻟﺮَّﺣْﻤَﻦِﺍلرَّﺣِﻴﻢ🌹 "میں سچا ہوں، اس لیے کڑوا ہوں!" 👈 یہ جملہ اکثر وہ لوگ کہتے ہیں جو اپنے لہجے کی سختی کو سچائی کا نام دے دیتے ہیں۔ مگر یاد رکھیے... ✅ کانٹا بھی چبھتا ہے اور سوئی بھی، لیکن دونوں کا مقصد ایک نہیں ہوتا۔ کانٹا چبھ کر درد بڑھاتا ہے، جبکہ سوئی چبھ کر بکھرے ہوئے زخموں کو جوڑ دیتی ہے۔ 🩶 بالکل اسی طرح، حق بات کہنا تو خوبی ہے، مگر اس کا انداز ہی طے کرتا ہے کہ وہ دلوں کو جوڑے گی یا توڑے گی۔ ✅ حکمت، نرمی اور محبت کے ساتھ کہی گئی سچائی انسان کو بدل دیتی ہے، جبکہ تلخی اور سختی کے ساتھ کہی گئی سچائی اکثر انا کو جگا دیتی ہے۔ > سچا ہونا کمال ہے، مگر ایسا سچا ہونا جو دلوں کی اصلاح کرے، انہیں زخمی نہ کرے، یہی اصل حسن ہے۔ > ✍: ابوزوزم بنــــــارســــــی 🌹 ♻️ پوسٹ اچھی لگے تو حوصلہ افزائی کے لئے لائک، دوسروں کی بھلائ کے لئے شیئر کر دینا بھی صدقہ ہے 💔H͜͡a͜͡p͜͡p͜͡y͜͡ L͜͡i͜͡f͜͡e͜͡ 🌹خوشگوار زندگی💔 🔗https://whatsapp.com/channel/0029Va9hqzgCsU9Rcrto2i22 💔🌷💔🌷💔🌷💔🌷💔

اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎ 🌹 ❁﷽❁ 🌹 "انسان کی عقل کا المیہ دیکھیے..." 👈 اگر اسے جانور کہہ دیا جائے تو اس کی انا زخمی ہو جاتی ہے، مگر شیر کہہ دیا جائے تو وہ خوشی سے مسکرا اٹھتا ہے؛ حالانکہ دونوں ہی جانور ہیں۔ 👈 اصل مسئلہ الفاظ کا نہیں، انسان کی خواہشِ تعریف کا ہے۔ وہ سچ نہیں، وہی بات پسند کرتا ہے جو اس کے غرور کو سکون دے۔ ✅ *یاد رکھیے! عقل کی پختگی تعریف سے خوش ہونے میں نہیں، بلکہ تنقید سے سیکھنے میں ہے۔* > ابوزوزم بنـــارســـی 💔خوشگوار زندگی🌹 H͜͡a͜͡p͜͡p͜͡y͜͡ L͜͡i͜͡f͜͡e͜͡💔 https://whatsapp.com/channel/0029Va9hqzgCsU9Rcrto2i22 🌷🌱💔🌷🌱💔🌷🌱💔🌷

🌹اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎🌹 🌹ﺑِﺴـْﻢِﷲِﺍﻟﺮَّﺣْﻤَﻦِﺍلرَّﺣِﻴﻢ🌹 ہم کماتے کتنا ہیں، اور ہمارے حصے میں آتا کتنا ہے؟ چند منٹ نکال کر اپنی زندگی پر غور کیجیے، حساب لگائیے۔ آپ صبح سے شام تک محنت کرتے ہیں، ملازمت کرتے ہیں یا کاروبار کرتے ہیں۔ مہینے کے آخر میں تنخواہ ملتی ہے یا کاروبار سے آمدن آتی ہے۔ بظاہر محسوس ہوتا ہے کہ یہ سب کچھ آپ کما رہے ہیں، لیکن ذرا ٹھنڈے دل سے حساب لگائیے کہ اس آمدن میں سے حقیقتاً آپ کی اپنی ذات کے حصے میں کتنا آتا ہے؟ آمدن آتے ہی سب اپنے اپنے حصے کا مطالبہ لے کر کھڑے ہو جاتے ہیں۔ دودھ والے کا حساب، سبزی اور گراسری کا خرچ، بجلی، گیس، موبائل اور انٹرنیٹ کے بل، بچوں کی فیسیں، گھر کے روزمرہ اخراجات، گاڑی یا موٹر سائیکل کی دیکھ بھال، مہمان داری، علاج معالجہ اور نہ جانے کتنی ضروریات۔ ایک ایک کرکے سب اپنا حصہ لے جاتی ہیں۔ آخر میں اگر کچھ بچتا بھی ہے تو وہ اکثر کسی نئی ضرورت، کسی اچانک خرچے یا مستقبل کی فکر کی نذر ہو جاتا ہے۔ > سوچیے جس رقم کے لیے آپ دن رات جدوجہد کر رہے ہیں، اس میں سے آپ کی اپنی ذات پر کتنا خرچ ہوتا ہے؟ شاید اتنا کم کہ اس کا الگ سے ذکر بھی مشکل ہو۔ حقیقت یہ ہے کہ ہم میں سے اکثر لوگ خود کو اپنے مال کا مالک سمجھتے ہیں، جبکہ عملی طور پر ہم صرف اس مال کے *چوکیدار* بن چکے ہیں۔ آمدن ہمارے ہاتھ میں آتی ہے اور پھر مختلف ضروریات کے کھاتوں میں تقسیم ہو جاتی ہے۔ گویا ہم ایک ایسے *اکاؤنٹنٹ یا منشی کا کردار* ادا کر رہے ہوتے ہیں جو رقم وصول کرتا ہے اور اس اخراجات میں خرچ کر دیتا ہے۔ یہ سوچ مایوسی پیدا کرنے کے لیے نہیں، بلکہ حقیقت کو سمجھنے کے لیے ہے۔ انسان کو یاد رہنا چاہیے کہ زندگی صرف کمانے اور خرچ کرنے کا نام نہیں۔ اگر ساری عمر صرف اخراجات کے کھاتوں میں الجھ کر گزر جائے تو ہم زندگی کے اصل مقصد، اپنی روحانی ترقی، اپنے گھر والوں کے ساتھ وقت اور اپنی ذات کی تعمیر کو بھول بیٹھتے ہیں۔ اس لیے کبھی کبھی حساب کتاب صرف پیسوں کا نہیں، زندگی کا بھی کیا کریں۔ یہ دیکھیے کہ آپ کی محنت کا کتنا حصہ آپ کی آخرت، آپ کے علم، آپ کے کردار اور آپ کے اپنے وجود کو بہتر بنانے میں لگ رہا ہے۔ کیونکہ اصل خسارہ کم آمدن نہیں، بلکہ وہ زندگی ہے جو صرف حساب کتاب میں گزر جائے۔ اصل کامیابی صرف زیادہ کمانے میں نہیں، بلکہ یہ جاننے میں ہے کہ ہم اپنی زندگی

🌹اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎🌹 🌹ﺑِﺴـْﻢِﷲِﺍﻟﺮَّﺣْﻤَﻦِﺍلرَّﺣِﻴﻢ🌹 "کچھ بھی اتفاقاً نہیں ہوتا..." ✅ زندگی کی کتاب میں آنے والے لوگ اچانک نہیں آتے، ان کے نام ہماری تقدیر کے صفحات پر بہت پہلے لکھ دیے جاتے ہیں۔ کوئی شخص ہماری زندگی میں داخل ہو کر ہمیں اپنے بارے میں کچھ سکھا جاتا ہے، کوئی محبت کے چند چراغ جلا کر دل کے اندھیروں کو روشن کر دیتا ہے، کوئی زخموں پر مرہم بن کر شفا دے جاتا ہے، اور کوئی اللہ کی طرف سے ایسے انعام کی صورت آتا ہے جس کی دعا ہم نے کبھی خاموش آنکھوں سے مانگی ہوتی ہے۔ 🌷 بعض ملاقاتیں چند لمحوں کی ہوتی ہیں مگر ان کا اثر برسوں تک باقی رہتا ہے، اور بعض لوگ پوری زندگی ساتھ رہ کر بھی وہ مقام نہیں پا سکتے جو کوئی ایک مختصر ملاقات رکھنے والا شخص دل میں بنا لیتا ہے۔ اس لیے ہر آنے والے کو محض اتفاق نہ سمجھیں، کیونکہ زندگی میں کوئی بھی کردار بے مقصد نہیں بھیجا جاتا۔ ❤️ کچھ لوگ ہمیں خوشیاں دیتے ہیں، کچھ آزمائشیں، کچھ یادیں اور کچھ سبق۔ مگر حقیقت یہ ہے کہ ہر شخص اپنے ساتھ ایک پیغام لے کر آتا ہے، اور جب اس کا کردار مکمل ہو جاتا ہے تو وہ چلا جاتا ہے، لیکن اپنے حصے کا اثر دل پر چھوڑ جاتا ہے۔ 🤍 اس لیے لوگوں کے آنے اور جانے پر شکوہ کم کیا کریں، کیونکہ تقدیر کبھی غلط انتخاب نہیں کرتی۔ جو آپ تک پہنچا، وہ آپ کے لیے تھا؛ اور جو آپ سے دور ہو گیا، شاید اس کا کام مکمل ہو چکا تھا۔ > ✍: ابوزوزم بنــــــارســــــی 🌹 ♻️ پوسٹ اچھی لگے تو حوصلہ افزائی کے لئے لائک، دوسروں کی بھلائ کے لئے شیئر کر دینا بھی صدقہ ہے 💔H͜͡a͜͡p͜͡p͜͡y͜͡ L͜͡i͜͡f͜͡e͜͡ 🌹خوشگوار زندگی💔 🔗https://whatsapp.com/channel/0029Va9hqzgCsU9Rcrto2i22 💔🌷💔🌷💔🌷💔🌷💔

🌹اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎🌹 🌹ﺑِﺴـْﻢِﷲِﺍﻟﺮَّﺣْﻤَﻦِﺍلرَّﺣِﻴﻢ🌹 🌷 جب قرآن ناممکن کو ممکن بنتے ہوئے دکھاتا ہے تو مومن کی امید کیوں مر جائے؟ ✅ وہی رب ہے جس نے بانجھ اور ضعیف العمر عورت کو اولاد عطا فرمائی، کنواری عورت کو ماں بنایا، آگ کو ٹھنڈا کر دیا، چھری کی کاٹ کو بے اثر کر دیا، مچھلی کے پیٹ کو پناہ گاہ بنا دیا، پتھر سے اونٹنی نکال دی، چاند کے دو ٹکڑے کر دیے، شیر خوار بچے کو گویا کر دیا اور سمندر کو راستہ بنا کر دو حصوں میں تقسیم کر دیا۔ ✅ جب اس کی قدرت کے سامنے ناممکنات سر جھکا دیتے ہیں، تو پھر ہماری حاجت، ہماری پریشانی، ہماری قرض، ہماری بیماری، ہماری تنہائی یا ہماری دعائیں آخر کتنی بڑی ہیں؟ 🌷 *اپنی امیدوں کو حالات کے ترازو میں مت تولو، انہیں اللہ کی قدرت کے پیمانے پر رکھو۔ جس رب کے لیے سمندر کا پھاڑ دینا آسان ہے، اس کے لیے ہمارے غموں کو ختم کر دینا بھی مشکل نہیں۔* 👈 مایوسی تب جنم لیتی ہے جب نظر مسئلے پر ہو، اور یقین تب پیدا ہوتا ہے جب نظر مسئلے کے رب پر ہو۔ اللہ ہم سب کی مدد فرما۔ آمین > ✍: ابوزوزم بنــــــارســــــی 🌹 ♻️ پوسٹ اچھی لگے تو حوصلہ افزائی کے لئے لائک، دوسروں کی بھلائ کے لئے شیئر کر دینا بھی صدقہ ہے 💔H͜͡a͜͡p͜͡p͜͡y͜͡ L͜͡i͜͡f͜͡e͜͡ 🌹خوشگوار زندگی💔 🔗https://chat.whatsapp.com/Hp8rLMalxxo5Q6GOk5ycEf?mode=hqrt3 💔🌷💔🌷💔🌷💔🌷💔

🌹اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎🌹 🌹ﺑِﺴـْﻢِﷲِﺍﻟﺮَّﺣْﻤَﻦِﺍلرَّﺣِﻴﻢ🌹 ضرورت مند کی خاموشی کو بھی سننا سیکھیں... ہم کیوں اس انتظار میں رہتے ہیں کہ کوئی ہمارے سامنے آکر کہے: "میں بھوکا ہوں، مجھے کھانا دے دو... میں قرض میں ڈوبا ہوں، میرا قرض ادا کر دو... میں مصیبت میں ہوں، میری مدد کرو..."؟ یاد رکھیے! ہر مجبور انسان سوال نہیں کرتا، اور ہر خوددار شخص اپنی غربت کا اعلان نہیں کرتا۔ بہت سے لوگ بھوک، قرض اور پریشانی سہہ لیتے ہیں، مگر اپنی عزتِ نفس پر حرف نہیں آنے دیتے۔ اگر ہمیں معلوم ہے کہ ہمارا کوئی رشتہ دار، پڑوسی یا جاننے والا تکلیف میں ہے، اور ہم استطاعت رکھنے کے باوجود اس کی مدد نہیں کرتے، تو یہ صرف بے حسی نہیں بلکہ صلہ رحمی اور حقوق العباد میں کوتاہی بھی ہے۔ اس سے بھی زیادہ افسوس ناک بات یہ ہے کہ کچھ لوگ مدد تو کر دیتے ہیں، مگر پھر ہر محفل میں اس کا چرچا کرکے ایک مجبور انسان کی عزت نیلام کر دیتے ہیں۔ ایسی نیکی، جس کے ساتھ احسان جتلایا جائے اور کسی کا دل دکھایا جائے، اللہ کے ہاں اپنی قدر کھو دیتی ہے۔ رسول اللہ ﷺ نے قیامت کے دن ایسے شخص کو مفلس قرار دیا ہے جو بہت سی نیکیاں لے کر آئے، مگر لوگوں کے حقوق پامال کرنے اور ان کی دل آزاری کی وجہ سے اپنی ساری نیکیاں کھو بیٹھے۔ اس لیے کسی کے مانگنے کا انتظار نہ کریں، بلکہ اس کی خاموشی کو بھی سمجھیں۔ مدد اس انداز سے کریں کہ ایک ہاتھ دے تو دوسرے کو بھی خبر نہ ہو، اور جس کی مدد کریں، اس کی عزت پہلے سے زیادہ محفوظ رہے۔ یہی اخلاص ہے، یہی صلہ رحمی ہے، اور یہی وہ نیکی ہے جو آخرت میں سرمایہ بنے گی، وبال نہیں۔ > ✍: ابوزوزم بنــــــارســــــی 🌹 ♻️ پوسٹ اچھی لگے تو حوصلہ افزائی کے لئے لائک، دوسروں کی بھلائ کے لئے شیئر کر دینا بھی صدقہ ہے 💔H͜͡a͜͡p͜͡p͜͡y͜͡ L͜͡i͜͡f͜͡e͜͡ 🌹خوشگوار زندگی💔 🔗https://chat.whatsapp.com/Hp8rLMalxxo5Q6GOk5ycEf?mode=hqrt3 💔🌷💔🌷💔🌷💔🌷💔

اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎ 🌹 ❁﷽❁ 🌹 *اس صدی کی کمزور ترین نسل* وہ نسل جو 2000ء کے بعد پیدا ہوئی آج 23، 24 سال کی عمر میں ہے۔ مگر یہ انسانی تاریخ کی سب سے کمزور، ناتواں اور نفسیاتی دباؤ کا شکار نسل ہو چکی ہے۔ جسمانی طور پر لاغر، ذہنی طور پر منتشر۔ اور تربیت سوشل میڈیا سے حاصل کی گئی ہے، نہ کہ بزرگوں سے۔ 📱 ہر وقت موبائل فون، اسکرین، ٹک ٹاک، انسٹاگرام۔۔۔ 📉 نتیجہ؟ گردن میں خم، آنکھوں میں کمزوری، جسم میں طاقت کی کمی، رشتوں میں برداشت کی عدم موجودگی اور صفر جذباتی ذہانت (EQ) 💥 یہ وہ نسل ہے جو پانچ کلومیٹر پیدل نہیں چل سکتی، دھوپ میں آدھا گھنٹہ کھڑے ہو کر گزار نہیں سکتی، چھوٹا سا اختلاف ہو تو بلاک، ان فالو، اور رشتہ ختم۔ 🧠 سب کچھ فوری چاہئے۔ اور ذرا سوچیں۔۔۔ اگر اللہ نہ کرے، قوم پر کبھی غزہ، شام، عراق، یا یمن جیسی آزمائش آگئی تو کیا یہ نسل زندہ رہ سکے گی؟ 🔥 لکڑی سے آگ جلانا تو دور، انہیں مشرق اور مغرب کا فرق بھی نہیں پتہ، یہ سروائیول تو چھوڑیں، سوشل میڈیا ڈاؤن ہو جائے تو پاگل ہوجاتے ہیں! ابھی وقت ہے بیداری کا، اپنی نسل کو بچائیں 📚 انہیں قرآن، سیرت، غیرت، حیا، قربانی اور جدوجہد سکھائیں. مقصد دیں، ورنہ یہ دنیا انہیں گمراہ کر دے گی۔ منقول > ابوزوزم بنـــارســـی 💔خوشگوار زندگی🌹 H͜͡a͜͡p͜͡p͜͡y͜͡ L͜͡i͜͡f͜͡e͜͡💔 https://whatsapp.com/channel/0029Va9hqzgCsU9Rcrto2i22 🌷🌱💔🌷🌱💔🌷🌱💔🌷

🌹اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎🌹 🌹ﺑِﺴـْﻢِﷲِﺍﻟﺮَّﺣْﻤَﻦِﺍلرَّﺣِﻴﻢ🌹 📱دنیا میں صرف موبائل ہی جانتا ہے کہ اس کے مالک کا کردار کیسا ہے۔ 👈 لوگ آپ کے لباس، لہجے، عبادت اور ظاہری شخصیت سے متاثر ہو سکتے ہیں، مگر موبائل آپ کی وہ زندگی جانتا ہے جو بند کمروں اور تنہائی میں گزرتی ہے۔ اسے معلوم ہے کہ آپ کی نظریں کن چیزوں پر ٹھہرتی ہیں، آپ کی انگلیاں کیا تلاش کرتی ہیں، آپ کس قسم کے پیغامات لکھتے ہیں، اور اپنا قیمتی وقت کن کاموں میں صرف کرتے ہیں۔ ✅ یہ ایک خاموش گواہ ہے جو نہ آپ سے جھوٹ بولتا ہے اور نہ ہی کسی مصلحت کا شکار ہوتا ہے۔ ہر کلک، ہر سرچ، ہر تصویر اور ہر پیغام آپ کے کردار کی ایک نئی سطر لکھتا رہتا ہے۔ دنیا والوں کو شاید صرف آپ کا ظاہر نظر آتا ہو، مگر آپ کا موبائل آپ کے باطن کی بہت سی کہانیاں جانتا ہے۔ 🖤 اور یاد رکھیے! قیامت کے دن جب انسان اپنے اعمال کی صفائیاں پیش کرے گا، تو وہ چیزیں بھی گواہی دیں گی جو دنیا میں اس کے ساتھ تھیں۔ اگر آج ہمارا موبائل بول سکتا، تو وہ ہمارے بارے میں کیا کہتا؟ یہی سوال ہر صاحبِ شعور کو خود سے ضرور پوچھنا چاہیے، کیونکہ اصل احتساب لوگوں سے نہیں، اللہ تعالیٰ کے حضور ہونا ہے، جہاں نہ کوئی پردہ ہوگا، نہ کوئی بہانہ، اور نہ ہی کوئی راز پوشیدہ رہے گا۔ > ✍: ابوزوزم بنــــــارســــــی 🌹 ♻️ پوسٹ اچھی لگے تو حوصلہ افزائی کے لئے لائک، دوسروں کی بھلائ کے لئے شیئر کر دینا بھی صدقہ ہے 💔H͜͡a͜͡p͜͡p͜͡y͜͡ L͜͡i͜͡f͜͡e͜͡ 🌹خوشگوار زندگی💔 🔗https://whatsapp.com/channel/0029Va9hqzgCsU9Rcrto2i22 💔🌷💔🌷💔🌷💔🌷💔

🌹اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎🌹 🌹ﺑِﺴـْﻢِﷲِﺍﻟﺮَّﺣْﻤَﻦِﺍلرَّﺣِﻴﻢ🌹 عورت کو چاہیۓ کہ ہر حال میں شوہر کا ساتھ دے" حضرت مولانا پیر ذوالفقار احمد نقشبندی صاحب دامت فیوضہم عورت کو چاہیۓ کہ وہ ہر حال میں اپنے شوہر کا ساتھ دے۔ کوئ گھر کا فیصلہ ہو، خاوند کی راۓ ہو، کوئ معاملہ ہو، اختلاف راۓ ہو، کوئ بندہ کچھ کہ رہا ہے اور خاوند کچھ کہ رہا ہو تو عورت سیدھا سیدھا اپنے شوہر کا ساتھ دے۔ عمر بن عبدالعزیزؒ جب امیر المؤمنین بنے تو انہوں نے اپنی بیوی کو بلایا اور کہا کہ تمہارے والد بھی بادشاہ تھے، تمہارے بھائ بھی بادشاہ تھے اور اب میں تمہارا خاوند ہوں، میں بھی وقت کا خلیفہ بنا ہوں۔ لیکن میں یہ سمجھتا ہوں کہ پہلے لوگوں نے بیت المال سے ضرورت سے زیادہ پیسے لیکر اپنے رشتہ داروں کو دیا۔ میں چاہتا ہوں کہ وہ سب پیسہ بیت المال میں واپس کردیا جاۓ۔ اسکی ابتدا میں اپنے گھر سے کرتا ہوں۔ تمہارے پاس یہ جو ہیرے موتی کی جیولری ہے۔ یہ سب تمہیں بیت المال میں واپس کرنی پڑے گی۔ اب دو چیزوں کو چن لو اگر تم ان چیزوں کو نہیں چھوڑ سکتی تو مجھے چھوڑ دو اور اگر مجھے نہیں چھوڑ سکتیں تو ان چیزوں کو قربان کردو۔ فاطمہ مسکرائیں اور کہنے لگی۔ امیر المؤمنین! میں اس سے کئ گنا چیزیں آپ کی خاطر قربان کرسکتی ہوں۔ تو یہ ہوتی ہیں نیک بیویاں جو اپنے خاوند کے دلوں پر حکومت کرتی ہیں۔ دیکھیں مرد عورت پر حکومت کرتا ہے شرعی درجہ کی وجہ سے۔ اور عورت مرد پر حکومت کرتی ہے اپنی محبت کی وجہ سے، اپنی سلیقہ مندی کی وجہ سے۔ اسی لیۓ شریعت نے میاں بیوی کے تعلق کو کہا۔ "ھن لباس لکم وانتم لباس لھن" وہ تمہارا لباس ہیں اور تم انکا لباس ہو۔ مطلب کہ جس طرح انسان کا لباس اسکو گرمی سردی سے بچاتا ہے اسی طرح عورت اپنے خاوند کو پریشانیوں، آفتوں اور مصیبتوں سے بچاتی ہے۔ اسی طرح خاوند اپنی بیوی کو پریشانیوں سے آفتوں سے اور مصیبت سے بچاتا ہے۔ انسان کے جسم کے سب سے زیادہ قریب اسکا لباس ہوتا ہے۔ لباس سے زیادہ قریب اور کوئ چیز نہیں ہوتی۔ تو شریعت نے بتا دیا کہ اے خاوند تیرے لیۓ تیری ذات کے سب سے زیادہ قریب تیری بیوی ہے۔ اور بیوی کو بتا دیا کہ تیری ذات یے کے لیۓ سب سے زیادہ قریب تیرا خاوند ہے۔ اس لیۓ جو عورت اپنے خاوند کی باندی بنے گی، اسکے ہر فیصلوں میں اسکا ساتھ دے گی، اسکی خدمت میں پیش پیش رہے گی تو ان سب کی بدولت بیوی اپنے خا

🌹اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎🌹 🌹ﺑِﺴـْﻢِﷲِﺍﻟﺮَّﺣْﻤَﻦِﺍلرَّﺣِﻴﻢ🌹 🌷 جب قرآن ناممکن کو ممکن بنتے ہوئے دکھاتا ہے تو مومن کی امید کیوں مر جائے؟ ✅ وہی رب ہے جس نے بانجھ اور ضعیف العمر عورت کو اولاد عطا فرمائی، کنواری عورت کو ماں بنایا، آگ کو ٹھنڈا کر دیا، چھری کی کاٹ کو بے اثر کر دیا، مچھلی کے پیٹ کو پناہ گاہ بنا دیا، پتھر سے اونٹنی نکال دی، چاند کے دو ٹکڑے کر دیے، شیر خوار بچے کو گویا کر دیا اور سمندر کو راستہ بنا کر دو حصوں میں تقسیم کر دیا۔ ✅ جب اس کی قدرت کے سامنے ناممکنات سر جھکا دیتے ہیں، تو پھر ہماری حاجت، ہماری پریشانی، ہمارا قرض، ہماری بیماری، ہماری تنہائی یا ہماری دعائیں آخر کتنی بڑی ہیں؟ 🌷 *اپنی امیدوں کو حالات کے ترازو میں مت تولو، انہیں اللہ کی قدرت کے پیمانے پر رکھو۔ جس رب کے لیے سمندر کا پھاڑ دینا آسان ہے، اس کے لیے ہمارے غموں کو ختم کر دینا بھی کوئی مشکل نہیں۔* 👈 مایوسی تب جنم لیتی ہے جب نظر مسئلے پر ہو، اور یقین تب پیدا ہوتا ہے جب نظر مسئلے کے رب پر ہو۔ اللہ ہم سب کی مدد فرما۔ آمین ثم آمین یارب العالمین > ✍: ابوزوزم بنــــــارســــــی 🌹 ♻️ پوسٹ اچھی لگے تو حوصلہ افزائی کے لئے لائک، دوسروں کی بھلائ کے لئے شیئر کر دینا بھی صدقہ ہے 💔H͜͡a͜͡p͜͡p͜͡y͜͡ L͜͡i͜͡f͜͡e͜͡ 🌹خوشگوار زندگی💔 🔗https://whatsapp.com/channel/0029Va9hqzgCsU9Rcrto2i22 💔🌷💔🌷💔🌷💔🌷💔

اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎ 🌹 ❁﷽❁ 🌹 بچوں کی منگنی کو پوشیدہ رکھیں اور نکاح کا اعلان کریں۔ اپنے پہلے بچے کی آمد کی خبر اُس وقت دو جب ولادت خیریت سے ہو جائے اور تم اللہ کا شکر ادا کر لو کہ اس نے اپنی نعمت مکمل فرمائی۔ اپنی ملازمتوں کا اعلان اُس وقت کرو جب ان میں قبولیت ہو جائے اور تم کام شروع کر چکے ہو۔ اپنے منصوبوں کو اس وقت تک پوشیدہ رکھو جب تک وہ حقیقت کا روپ نہ دھار لیں، پھر لوگوں کو ان کی کامیابی کی خوشی میں شریک کرو۔ اپنے سفر کی تفصیلات بھی چھپا کر رکھو، اور واپسی کے بعد یادوں کو خود بولنے دو۔ گھر، گاڑی یا دیگر قیمتی چیزیں خریدنے کی نیت کا چرچا نہ کرو، بلکہ اس وقت خوشی مناؤ جب وہ واقعی تمہاری ملکیت بن جائیں۔ کیونکہ ہر منصوبے کا اعلان ضروری نہیں ہوتا، اور نہ ہی ہر نعمت کے مکمل ہونے سے پہلے اسے بیان کرنا مناسب ہوتا ہے۔ بعض چیزوں کی خوبصورتی اسی میں ہے کہ انہیں خاموشی اور رازداری کے ساتھ رکھا جائے، یہاں تک کہ اللہ تعالیٰ انہیں بخیر و خوبی مکمل فرما دے۔ > منتقل کنندہ: ابوزوزم بنـــارســـی 💔خوشگوار زندگی🌹 H͜͡a͜͡p͜͡p͜͡y͜͡ L͜͡i͜͡f͜͡e͜͡💔 https://whatsapp.com/channel/0029Va9hqzgCsU9Rcrto2i22 🌷🌱💔🌷🌱💔🌷🌱💔🌷

🌹اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎🌹 🌹ﺑِﺴـْﻢِﷲِﺍﻟﺮَّﺣْﻤَﻦِﺍلرَّﺣِﻴﻢ🌹 *بیوی کا خوف یا رشتے کا احترام؟* 🌷ہمارے معاشرے میں ایک جملہ اکثر مذاق کے طور پر کہا جاتا ہے: ❓کیا تم اپنی بیوی سے ڈرتے ہو؟ 🌷بظاہر یہ ایک ہلکا سا سوال ہے، مگر حقیقت میں اس کے پیچھے *رشتوں کے تقدس سے ناواقفیت چھپی ہوتی ہے۔* 💔 ہر خاموشی خوف نہیں ہوتی۔ 💔 کبھی انسان اس لیے خاموش رہتا ہے کہ گھر کا سکون باقی رہے۔ 💔 کبھی وہ بحث اس لیے چھوڑ دیتا ہے کہ محبت زخمی نہ ہو۔ 💔 کبھی وہ اپنی بات پیچھے رکھتا ہے تاکہ رشتہ آگے بڑھ سکے، یہ ڈر نہیں، مروّت ہے۔ یہ کمزوری نہیں، سمجھ داری ہے۔ 💔 یہ شکست نہیں، گھر بچانے کی حکمت ہے۔ ازدواجی زندگی صرف حقوق کا حساب نہیں ہے۔ یہ احساس، لحاظ، قربانی اور باہمی احترام کا نام ہے۔ 🌷 اچھا شوہر وہ نہیں جو ہر بحث جیت لے، بلکہ وہ ہے جو اپنی بیوی کے دل کا خیال رکھے۔ ✅ اچھی بیوی وہ نہیں جو ہر بات میں غالب آ جائے، بلکہ وہ ہے جو اپنے شوہر کے وقار کا خیال رکھے۔ 🌷 گھر دلیلوں سے نہیں چلتا۔ گھر وسعتِ قلبی، صبر، برداشت اور محبت سے چلتا ہے۔ 💔 کبھی رشتے میں اصل کامیابی یہ نہیں ہوتی کہ انسان اپنی بات منوا لے، بلکہ اصل کامیابی یہ ہوتی ہے کہ وہ اپنی انا کو جھکا لے اور گھر کا سکون بچا لے۔ ✅ اس لیے بیوی کا لحاظ کرنا خوف نہیں۔ ✅ اس کے جذبات کی قدر کرنا کمزوری نہیں۔ ✅ اس کی ناراضی سے بچنا بزدلی نہیں۔ ✅ یہ ایک باشعور، شریف اور باوقار انسان کی نشانی ہے۔ ✅ وہ بیوی سے نہیں ڈرتا۔ وہ رشتے کی نعمت کا احترام کرتا ہے۔ ✅ کیونکہ وہ جانتا ہے کہ اپنی انا سے بڑا اپنا گھر ہے، اور اپنی ذات سے بڑا اپنا رشتہ ہے۔ > ✍: ابوزوزم بنــــــارســــــی 🌹 ♻️ پوسٹ اچھی لگے تو حوصلہ افزائی کے لئے لائک، دوسروں کی بھلائ کے لئے شیئر کر دینا بھی صدقہ ہے 💔H͜͡a͜͡p͜͡p͜͡y͜͡ L͜͡i͜͡f͜͡e͜͡ 🌹خوشگوار زندگی💔 🔗https://whatsapp.com/channel/0029Va9hqzgCsU9Rcrto2i22 💔🌷💔🌷💔🌷💔🌷💔

اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎ 🌹 ❁﷽❁ 🌹 بہنوں اور بیٹیوں کی حفاظت — ایک اہم پیغام خصوصاً ہماری بہنیں اور بیٹیاں اس پیغام کو ضرور پڑھیں۔ آج کے دور میں انسانی اسمگلنگ، دھوکا دہی، جبری مشقت اور اعضاء کی غیر قانونی تجارت جیسے جرائم ایک سنگین مسئلہ ہیں۔ اس لیے ضروری ہے کہ ہم اپنی بہنوں، بیٹیوں اور گھر کے دیگر افراد کو ان خطرات سے باخبر رکھیں۔ کبھی کسی اجنبی شخص کے خوبصورت الفاظ، محبت کے جھوٹے دعوے یا اچھی ملازمت کے وعدے پر فوراً اعتماد نہ کریں۔ اگر کوئی شخص آپ کو بغیر مناسب تحقیق کے کسی دوسرے شہر یا ملک لے جانے، ملازمت دلانے یا بہتر مستقبل کا لالچ دے تو پہلے اس کی مکمل معلومات حاصل کریں۔ اپنی ذاتی معلومات، شناختی دستاویزات، تصاویر اور مالی معاملات کسی غیر معتبر شخص کے حوالے نہ کریں۔ کسی کے ساتھ کہیں جانے سے پہلے اپنے گھر والوں یا کسی قابلِ اعتماد شخص کو ضرور اطلاع دیں۔ یہ بات بھی سمجھنا ضروری ہے کہ اعضاء کی پیوند کاری کا نظام اور اعضاء کا عطیہ ایک باقاعدہ قانونی اور طبی عمل ہے۔ بھارت میں اعضاء کی تجارتی خرید و فروخت اور غیر قانونی تجارت ممنوع ہے، اور اس سلسلے میں قانون اور سرکاری ادارے موجود ہیں۔ لہٰذا سوشل میڈیا پر گردش کرنے والے ہر پیغام، اعداد و شمار یا سنسنی خیز دعوے کو بغیر تحقیق کے سچ نہ سمجھیں اور نہ ہی آگے پھیلائیں۔ خوف پھیلانے کے بجائے درست معلومات، احتیاط اور بروقت مدد کو فروغ دینا زیادہ ضروری ہے۔ اگر کوئی لڑکی یا خاتون اچانک لاپتہ ہو جائے تو اسے محض ’’محبت میں گھر سے چلی گئی‘‘ سمجھ کر خاموش نہ بیٹھیں۔ فوراً متعلقہ پولیس سے رابطہ کریں، ضروری قانونی کارروائی کریں اور اس کی تلاش میں تاخیر نہ کریں۔ اپنی بہنوں اور بیٹیوں سے بات کریں۔ انہیں ڈانٹنے کے بجائے اعتماد دیں، تاکہ وہ کسی مشکل صورتِ حال میں سب سے پہلے اپنے گھر والوں سے مدد مانگ سکیں۔ یاد رکھیے: احتیاط خوف نہیں، حفاظت ہے۔ اعتماد ضروری ہے، مگر تحقیق اس سے بھی زیادہ ضروری ہے۔ اور خاموشی کے بجائے بروقت کارروائی کسی کی زندگی بچا سکتی ہے۔ آئیے، اپنی اخلاقی اور سماجی ذمہ داری پوری کریں۔ اس پیغام کو صرف خوف پھیلانے کے لیے نہیں، بلکہ درست معلومات اور احتیاط کی ترغیب کے طور پر اپنے عزیزوں تک پہنچائیں۔ 🌹 اپنی بہنوں اور بیٹیوں کی حفاظت کریں، انہیں باخبر بنائیں اور ا

🌹اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎🌹 🌹ﺑِﺴـْﻢِﷲِﺍﻟﺮَّﺣْﻤَﻦِﺍلرَّﺣِﻴﻢ🌹 ❓*کیا آپ ایسے شخص کے ساتھ زندگی گزارنا پسند کریں گے* ❓جو ہر وقت بولتا رہے؟ ❓خود کہ اعلیٰ اور سب کو نیچا دکھانے کی کوشش کرتا رہے؟ ❓ہر بات میں تنقید کرے؟ ❓ہمیشہ دوسروں کی خامیاں نکالتا رہے؟ ❓مسلسل شکایتیں کرتا رہے؟ *نہیں نا؟* 👈 *تو پھر خود بھی ویسا مت بنیے۔* ✅*سچ تو یہ ہے کہ ایسے لوگ نہ صرف دوسروں کے لیے تھکا دینے والے ہوتے ہیں*، بلکہ اپنے لیے بھی ان کی موجودگی ماحول کا سکون چھین لیتی ہے، دل کو بےچین کر دیتی ہے۔ 💐 *اسلام ہمیں سکھاتا ہے کہ اصل خوبصورتی خاموشی، حلم، اور بردباری میں ہے۔ پرسکون رہنا کوئی کمزوری نہیں، یہ تو ایک مضبوط دل و دماغ کی علامت ہے۔* 🌹*ہمارے پیارے نبی ﷺ نے فرمایا:* "طاقتور وہ نہیں جو کسی کو کستی میں پچھاڑ دے، بلکہ اصل طاقتور وہ ہے جو غصے کے وقت اپنے آپ پر قابو رکھے۔" (صحیح بخاری) 💖 *لیکن اگر آپ کا سامنا روزانہ کسی ایسے شخص سے ہو جو بات بات پر تنقید کرے، دل توڑے، آپ کی مثبت سوچ کو کچل دے تو پھر آپ کیا کریں؟* 🌹 *آپ کے جذبات، آپ کا سکون، آپ کی ذہنی صحت بھی اللہ کی دی گئی ایک نعمت ہے اور اس نعمت کی حفاظت آپ کی ذمہ داری ہے۔* 🔹 *ایسے لوگوں سے بحث میں نہ پڑیں وہ ویسے بھی سننا نہیں چاہتے تو جہاں تک ممکن ہو، فاصلہ رکھیں جسمانی نہیں تو جذباتی ہی سہی۔* 🔹 جواب دینے کے بجائے دعا دیں، اور اپنے رب سے اپنا سکون مانگیں۔ 🔹 ان کے الفاظ کو اپنے دل میں جگہ نہ دیں ورنہ وہ آپ کو اندر سے توڑ دیں گے۔ 🔹 قرآن کی تلاوت، ذکر، اور استغفار کو اپنی ڈھال بنائیں سکون وہیں ہے، شور نہیں۔ 🌷 اور جب وہ آپ کا دل توڑیں تو دل میں دعا کریں کہ "یا اللہ! میرے دماغ سے ان کے الفاظ کو مٹا دے، اور اپنی قدرت کے مطابق وہاں اپنا نور بھر دے۔" 🌷 یہ دعا نہ صرف آپ کے زخم پر مرہم ہے، بلکہ آپ کے دل و دماغ کو اللہ کی طرف موڑنے والا پل بھی۔ 🏵️ *سکون کوئی دوسرا لا کر نہیں دیتا یہ آپ کی اندرونی طاقت، اللہ سے تعلق، اور صبر کا پھل ہے۔* 🤲 *اللہ ہمیں پرسکون رہنے کی، اور دوسروں کا سکون نہ چھیننے کی توفیق عطا فرمائے اور اگر کوئی ہمارا سکون برباد کرے، تو ہمیں اتنا مضبوط بنا دے کہ ہم خود کو اس طوفان میں بھی سلامت رکھ سکیں۔ آمین ثم آمین یارب العالمین* > ✍: ابوزوزم بنــــــارســــــی 🌹 ♻️ پوسٹ اچھی لگے تو حوصلہ افزا

🌒 END NIGHT MODE ✅ From now on users can send text messages in the group again.