Easy Medicine (Osama Ramadan)

فيه نقطة صغيرة حابب انوه ليها أرجوك بلاش تجادل و تحارب و تدافع عن اختياراتك و اهدافك و مهما حد حاول ينصحك انت برضه مش عايز تفتح عقلك و تسمع و تناقش و ديما محبوس جوا فكرة بذاتها و تقول دا اختياري و دا هدفى و انا عارف إيه الصح و ايه الغلط و عارف إيه اللي يناسبنى ، و خصوصا لما تبقى بانى الفكرة دي على رأي حد بيعجبك كلامه فتكون بتكرر كلامه و معتقد ان دا فكرك انت و طموحك أنت و هدفك أنت و انت بتقلد و مش واخد بالك احنا عموما يا جماعة محتاجين تأهيل فكري و توعوى يخص جميع جوانب الحياة و دا محتاج منك تبحث و تقرأ و تتعلم و تكتسب خبرة ، لأن التعليم عندنا كان بعافية بيركز على تحصيل الدرجة و خلاص و كمان الأهل و البيئة اللي اتربيت فيها برضه حددوك بأهداف و فكر مبنى على تجربتهم هما و رؤيتهم للصح و الغلط ، و كونك كشخص من جيل تانى غير جيلهم بتقع فى صدام و مشاكل عشان تعرف تقنعهم بأي فكرة غريبة أو جديدة و عمرك ما هتعرف تقنعهم قبل ما تكون أنت عملت دراسة جدوي للموضوع و قريت كتير و قارنت المزايا و العيوب فى مختلف النواحى عشان تكون اقنعت نفسك أن الموضوع يستاهل فعلا تتعب عشانه ، متكونش بانى رأيك و فكرتك من اتجاه واحد بس و مطنش كل الجوانب التانية على سبيل المثال موضوع السفر و خصوصا للبنات عشان دا بيدخلهم فى صدام مع الأهل و مع العرف و العقلية القروية ، و قبل ما نتحيز لنفسنا و نقول اهلنا بيعارضو احلامنا ، فحابب اقولك انك فى الغالب بانى طموحك و فكرك من منظور واحد فقط و هو منظور الوجاهة ع السوشيال ما انا هبقا دكتور فى امريكا و الفلوس الكتير و الحياة اللي تبان أنها سهلة ولايف ستايل ولا اروع ، بس فيه جوانب كتير أنت مبتعملش حسابها و محدش هيقولك عليها لازم انت تبحث و تدور كتير و تستشير ناس فعلا عايزة تفيدك بدون ما تضلك ، و من العيوب دي زي تأثر علاقتك بربنا او تأخر الزواج و دا عيوبه خطيرة او حتى لو اتجوزت و خلفت انتماء اولادك لهويتهم الأصلية و ايمانهم بربنا ممكن يتأثر جدا و دا بالإضافة لكونك هتسستم حياتك هناك لفترة و كدا كدا هترجع لمصر و ساعتها ولادك مثلا هيكملو فى مصر إزاى و هما كان تعليمهم برا او هتسيبهم هما و انت ترجع و هما يكملو حياتهم اسئلة كتير و دا مش معناه انى بقولك متسافرش أو ان دي عيوب مستحيل انك تتغلب عليها ، لاء عادي بس بقولك احسبها صح بلاش تبنى كل حياتك على فكرة انت مش دارسها صح و