QANDIL PRESS|قەندیل‌پرێس

🔻 Murat Karayilan: Hejmara şehîdên PKKê digihîje 50 hezarî 🔹 Murat Karayilan, endamê Fermandariya Navendî ya Hêzên Parastina Gel (NPG), ragihand ku hejmara giştî ya endam û alîgirên PKKê yên di şerê li dijî artêşa Tirkiyeyê de jiyana xwe ji dest dane, nêzî 50 hezar kesî ye. Wî herwiha got ku dê di çend hefteyên pêş de navên 157 endamên ku berê di şer de hatine kuştin bên eşkerekirin. 🔹 Karayilan di peyameke vîdeoyî de diyar kir ku navên 157 endamên ku di dema şer de jiyana xwe ji dest dane, dê di demeke nêz de bêne ragihandin. Li gorî wî, ji ber şert û mercên dijwar ên dema şer, navên wan berê nehatibûn eşkerekirin. 🔹 Wî got ku di nav kesên ku navên wan dê bên ragihandin de 78 kes ji Rojhilatê Kurdistanê, 8 kes ji Şingalê û 21 kes jî ji Herêma Kurdistanê ne. Ew herwiha ji herêmên Başûr, Rojhilat û Rojavayê Kurdistanê ne. 🔹 Karayilan di berdewamiya axaftina xwe de destnîşan kir ku heke hemû têkoşer, şervan, xwebexş, welatparêz û sivîl bên hejmartin, hejmara giştî ya kesên ku di dîroka PKKê de jiyana xwe ji dest dane, nêzî 50 hezar kesî dibe. Berê ev hejmar 27 hezar kes dihat ragihandin. 🔹 Tevî ku PKK di çarçoveya pêvajoya aştiyê de dawî li çalakiya xwe ya çekdarî aniye, berpirsên Qendîlê berdewam rexne li Tirkiyeyê digirin û dibêjin ku Ankara heta niha li hember gavên ku di pêvajoya aştiyê de hatine avêtin, gavên pêwîst neavêtiye.

🔻 کۆماری ئیسلامی سنووری باشوور و ڕۆژهەڵاتی کوردستانی کردووەتە دیوار؛ تاران ڕێکارە ئەمنییەکان بۆ ڕێگریکردن لە حزبە کوردییەکان توندتر دەکات. قەندیل پرێس - ڕاپۆرتی تایبەت 🔹 كۆماری ئیسلامی ئێران بە درێژایی دەیان کیلۆمەتر سنووری نێوان باشوور و ڕۆژهەڵاتی کوردستانی کردووەتە دیواری كۆنكریتی كه‌ ئامانجی سەرەکیی ئەم هەنگاوە ئەمنییە توندترکردنی سنوورەکانە بەڕووی جموجوڵی هێز و حزبە کوردییەکانی ڕۆژهەڵاتی کوردستاندا. 🔹 بەپێی ئەو زانیارییانەی دەست قه‌ندیل پرێس کەوتوون، ئێران لە ناوچەی پێنجوێن و بەدیاریکراوی لە سنووری دەروازەی سەیرانبەنەوە تا دەگاتە دوایین خاڵی سنووری، پڕۆسەی دروستکردنی دیوار و لێدانی خەندەقی بەرفراوانی دەستپێکردووە و ڕێکارە ئەمنییەکانی لە ناوچە شاخاوییەکان توندتر کردووەتەوە. 🔹 ڕژێمی ئێران بە درێژایی نزیکەی ١٠ کیلۆمەتر کە لە دەروازەی سەیرانبەنەوە دەستپێدەکات و درێژ دەبێتەوە بۆ پشتی گوندەکانی تەیمز و شیوە گوێزان، دیوارێکی بەرزی دروستکردووە. لە ڕێگەی قۆڵەکانی چاودێرییەوە، تەواوی جووڵەکان لەو دەڤەرەدا دەخاتە ژێر کۆنتڕۆڵ و چاودێریی وردەوە بۆ ئەوەی ڕێگری لە هەر هاتوچۆیەکی نەخوازراو بگرێت. 🔹 هەر بەپێی زانیارییەکان، لە پشتی ئەو گوندانەوە تا دەگاتە دواین خاڵی سنووری لە گوندی میشیاوە، ئێران بە پانیی سێ مەتر و بە قوڵی چوار مەتر خەندەقی لێداوە. ئەم خەندەقە گەورەیە وەک ڕێکارێکی توندی ئەمنی بەکاردێت بۆ ئەوەی بە تەواوی ڕێگری لە هەر هەوڵێکی پەڕینەوە یان جموجوڵی هێزەکان لەو ناوچە سنوورییەدا بگرێت، کە پێشتر لەڕێگەی تەلەبەندی و مینڕێژکردنەوە قورس کرابوون. 🔹 ئەم کارەی ئێران لە کاتێکدایە کە تەواوی ئەو سنوورانە هێزەکانی پاسەوانی سنووری عێراقی تێدایە و لە هەندێک خاڵدا هێزەکانی هەردوولا تەنها چەند مەترێک لە یەکتر دوورن و هەماهەنگیی بەردەوامیش لە نێوان بەرپرسانی عێراقی و ئێرانی و هەرێمی کوردستاندا هەیە. 🔹 هه‌ر به‌پێی ئه‌و زانیاریه‌ تایبه‌تانه‌ی ده‌ست قه‌ندیل پرێس كه‌وتووه‌ ، هۆکاری ڕاستەقینەی لێدانی ئەم دیوار و خەندەقانە و ئامانجەکەیان بۆ ڕێگریکردن لە حزبە ڕۆژهەڵاتییەکانه‌ ، لە بەرامبەریشدا هەردوو حکومەتی هەرێم و عێراق بێدەنگییان هەڵبژاردووە و تاوه‌كو ئێستا هیچ هەڵوێستێکی فەرمییان نەبووە.

🔻 سەڵاح عەباسی: ئەوەی مانەوەی کورد گەرەنتی دەکات ئێستا، زیاتر لە هێزی چەک، هێزی هەڵبژاردن، شارەوانییەکان، پەرلەمان و خەباتی مەدەنییە قەندیل پرێس: وتووێژ کاتێک دۆخی ناوچەکە لەبەردەم گۆڕانکاریی گەورە و هاوکێشەی نوێدا دەلەرزێت، ئاڵنگارییەکانی بەردەم بزووتنەوەی کوردی لە ڕۆژهەڵاتی کوردستان دەچنە قۆناغێکی چارەنووسسازەوە. فشاری ئەمنی، قەیرانی هاوپەیمانێتییە سەرتاسەرییەکان، و داهاتووی نادیاری تاران، پرسیارگەلی جیدی لەسەر ستراتیژیی هێزە کوردییەکان دەوروژێنن. لەم گفتوگۆیە تایبەتەدا، شرۆڤەکاری سیاسی سەڵاح عەباسی، بێپەردە و بە دیدێکی واقعبینانە، کەموکوڕییەکانی ماڵی کورد و سیناریۆکانی بەردەم داهاتووی سیاسیی ناوچەکە هەڵدەسەنگێنێت. 🔹 قەندیل پرێس: لە هاوکێشەی مەیدانیدا هێزە کوردستانییەکان خاوەن ڕێکخستن و توانای جووڵاندنی شەقامن، لە کاتێکدا زۆربەی لایەنەکانی ئۆپۆزیسیۆنی سەرتاسەری بێبەشن لەو بنکە جەماوەرییە. سەرەڕای ئەم سەنگە قورسە مەیدانییە، کاتێک دەچنە ناو هاوپەیمانێتی یان دەستپێشخەرییە سەرتاسەرییەکان (وەک کۆنگرەی ئازادی ئێران یان ڕاگەیاندنی ئۆسلۆ)، گوتاری نەتەوەیی، فیدراڵیزم و مافی چارەی خۆنووسین کز دەبێت و لە ئاست «مافی هاووڵاتیبوونی حەداقەلی»دا کورت دەکرێتەوە. بە بۆچوونی ئێوە، ئەم پاشەکشەیە پەیوەندی بە چ قەیرانێکی ستراتیژی یان سایکۆلۆژی لە بیری سیاسیی کوردییەوە هەیە؟ بۆچی حیزبەکان توانای سەپاندنی پێناسەی خۆیان وەک «نەتەوەیەکی خاوەن جوگرافیا و ماف» بەسەر ناوەنددا ناکەن بە مەرجی پێشوەختە؟ 🔻 سەڵاح عەباسی: پەیوەندیی ناوەند و لایەنی کوردی هەمیشە قەیراناوی بووە، بەڵام پێموایە ئەمجارە لایەنی کورد ڕۆڵی بەرچاوی هەیە لە دارشتن و گەڵاڵەکردنی بەرنامەی ناوخۆی کۆنگرەی ئازادیی ئێراندا. ئەگەر چاوێک بەسەر شێوەی دامەزرانی کۆنگرە و بنیاتنان و دابەشکردنی ئەرک، ڕۆڵ و بەرپرسیارێتییەکاندا بخشێنین، دەبینین لەخوارەوە بۆ سەرەوەیە و لە هەڵبژاردنەکاندا بەرپرسانی پێشوو جێگەی خۆیان بە بەرپرسانی تازە و هەندێک جار بە پێی ئەو دەنگانەی کە دراوە، ساڵ بە ساڵ گۆڕانکاری لە بەرنامەی کۆنگرەدا پێکهاتووە و لەگەڵ ئەوەشدا کە تەنیا چەند مانگێک لە تەمەنی کۆنگرە تێدەپەڕێت، توانیویەتی نموونەیەکی پێشکەوتوو پێشکەش بکات و کوردەکان، بلووچەکان و کەمایەتییەکانی تر لە ئاستی ڕێبەریی کۆنگرەدا بەشدارن. هەڵبەت کەمایەتییەکان ناتوانن … Read in full →

دیارە لە باشوور تا ڕادەی هەرێمی فیدراڵ چووە پێش، بەڵام دەبینین پرۆسەیەکی قەیراناوییە و بە چەندین هۆکاری جۆراوجۆر ئەزموونەکە هەڕەشەی لەسەرە. لە سووریا ناچاربوون بە مافێکی سەرەتایی ڕازی ببن، چونکە هاوسەنگیی هێز و دەوری ئەمریکای ترامپ و تورکیا لە سووریا لەوە زیاتری نەدەڕەخساند. لە ئێرانی دوای کۆماری ئیسلامیشدا جیوپۆلیتیک ڕێگا نادات کورد یەک هەنگاو لە سەربەخۆیی نزیک ببێتەوە، مەگەر هەلومەرجی هەرێمی و نێودەوڵەتی تووشی ئاڵوگۆڕی گەورە ببێت. 🔹 قەندیل پرێس: ئێستا ململانێی ئێران لەگەڵ ئەمریکا و ئیسرائیل لە قۆناغێکی پڕ لە ناڕوونی و شەڕی نادیاردایە؛ هەندێک ئەم دۆخە وەک دەرفەتی تاران بۆ پەردەپۆشکردنی قەیرانە ناوخۆییەکان و سەرکوتی زیاتر دەبینن، لە هەمان کاتدا هەندێک هێزی کوردی (وەک پژاک) دژایەتیی خۆیان بۆ هێرشی دەرەکی دەربڕیوە بەڵام ئاراستەی تریش هەن گرەو لەسەر لاوازبوونی تاران دەکەن. خوێندنەوەی بەڕێزتان بۆ ئەم کێبڕکێ و سیناریۆ سەربازییانە چییە؟ ئایا دۆخی شەڕ و ئاڵۆزیی دەرەکی زیاتر خزمەت بە مانەوە و پەردەپۆشکردنی سەرکوتی تاران دەکات، یان بزووتنەوەی کوردی دەتوانێت وەک خاڵی وەرچەرخان لە بەرژەوەندیی خۆی کەڵکی لێ وەرگرێت؟ 🔻 سەڵاح عەباسی: جگە لە سەلتەنەت‌خوازەکان و چەند هێزێکی بچووک، زۆربەی هێزەکانی ئۆپۆزیسیۆنی ئێرانی دژایەتیی خۆیان دەربڕیوە؛ تەنانەت ئەوانەش کە لە دڵی خۆیاندا خۆشحاڵن بەم هێرشانە و وەکو فریادرەس چاوی لێدەکەن، لە ترسی ناسیۆنالیزمی سەربەخۆخواز و دژ بە کۆلۆنیالیزمی ئیرانی کە بەتایبەت لە موسەدیقەوە سەرچاوە دەگرێت، ناویرن هەڵوێست بگرن. ئەوە تەنیا سەلتەنەت‌خوازەکانن کە دەوێرن ئەم کارە بکەن، چونکە خۆیان بە خاوەنی ناسیۆنالیزمی ئیرانی دەزانن و لە مێژە لەگەڵ موسەدیقییەکان لە دووبەرەی دژبەردان، هەر لە کودیتای ڕەزا شاوە تا کودیتای بیست و هەشتی موردادەوە؛ سەلتەنەت‌خوازەکان لایەنگری سیاسەتەکانی ئەمریکا و ئینگلیز بوون لە ناوچەکەدا، هەڵبەت ڕەزا شا دوای ماوەیەک بەرەو ئاڵمانیای هیتلەر وەرچەرخانێکی کرد کە بوو بە هۆی دوورخستنەوەی لە ئێران و هێنانی سەرکاری کوڕەکەی. ئیستاش دەبێت دان بەوەدا دابنێین کە هێزە کوردییەکان دەبێت لە نێوان ئەم دووبەرەیەدا (دژبەرانی کۆلۆنیالیزم) هەڵبژێرن و هاوکارییان بکەن، چونکە ئۆپۆزیسیۆنی ئێرانی بە هەموو باڵەکانیەوە وەکو چۆن موجاهیدینی خەڵکیان تەریک کردەوە، لەگەڵ … Read in full →

ئەمە بەو واتایەیە کە یاسای بنچینەیی تەنیا لە بەرژەوەندی و خزمەتی سەروەری و هێژموونی تورکدا نەبێت و بگۆڕێت، وەکو هەموو ئەو وڵاتانەی ئینتیگراسیۆن تیایدا جێبەجێکراوە. ناکرێت چاوەڕوان بین تورکیا کوتوپڕ ببێت بە وڵاتی دوو نەتەوە، وەکو لە ئینگلیز، کەنەدا و تا ڕادەیەکی زۆر ئیسپانیا دەبینین. پرۆسەی ئاسیمیلاسیون لە نۆوەدەکانەوە بە هۆی شەڕی چەکداری زۆر زیاتر بەرەو پێشچوو، هەزاران گوند وێرانکران و چەندین ملیۆن کورد ئاوارەی شارە تورکەکان بوون. لە لایەکی دیکە دەڵێن شەڕی چەکداری ڕێگای نەداوە ناسنامەی کورد بسڕێتەوە. لێرەدا دەمەوێت بڵێم شەڕی چەکداری دەوڵەتی تورک زیاتر دوور دەخاتەوە لە پرۆژەی ئینتیگراسیۆن. ئەم پرۆژەیە پێویستی بە لاوازبوونی گوتاری ئەمنی و دەزگای میت هەیە، پێویستی بە گەشەکردنی کۆمەڵگەی مەدەنی و پەرلەمان هەیە، و پێموایە بەڕێز ئۆجالان باشتر لە هرکەس ئەمەی خوێندۆتەوە. بۆیە کاتێک دەوڵەت ڕەگەزپەرستە و دەسەڵاتێکی سەرەڕۆ و ڕێبەرێکی هەمیشەیی لەسەر حوکمە کە تەنانەت ڕەحم بە تورکەکانیش ناکات، کورد دەبێت دەستپێشخەر بێت بۆ ڕەواندنەوەی باری ئەمنی و گەڕاندنەوەی باری ئاسایی. ئەوەی مانەوەی کورد گەرەنتی دەکات ئێستا زیاتر لە هێزی چەک، هێزی هەڵبژاردن، شارەوانییەکان، پەرلەمان و خەباتی مەدەنییە. قۆناغەکە لە مێژە گۆڕاوە، بەڵام هەندێک کەس هێشتا خوێندنەوەی کۆن بۆ قۆناغی نوێ دەکەن. هێزە ئەمنییەکان لە تورکیا بۆ سەرکوتکردنی هێزە مەدەنییەکان بیانوو دەگەڕێن و لە لایەکی تریشەوە لە مەیدانی چەکداریدا دەوڵەت بەهێزە و لاواز نییە، بەڵام گۆڕەپانی خەباتی مەدەنی و پەرلەمانی ئەو شوێنەیە کە دەتوانێت قورسایی سیاسیی کورد بباتە ئاستێکی باشتر. کەوابوو ئێمە لەگەڵ دەوڵەتێکدا تەرەفین کە ئێستا هەم ئیمام ئۆغڵو و هەم سەلاحەدین دەمیرتاشی ئازاد نەکردووە، بەڵام کورد ناچارە بۆ دەستکەوتی گەورەتر هەنگاو بنێت؛ واتە شێوازی سەرەکیی بەرخودان بگوازێتەوە بۆ مەدەنی و وەکو هێزێکی مەدەنی لەناو دامودەزگاکاندا خۆی ڕێکبخات. لێرەدا دەمەوێت ئەمە بڵێم کە ئامادەنەبوونی دەوڵەتی تورکیا خەتای تێرم یاخود دەستەواژەی ئینتیگراسیۆن نییە، بەڵکو گەشەکردنی ئینتیگراسیۆن تورکیا بە هەمان ئاقاری ئیرلەند و ئیسپانیادا دەبات. هەڵبەت ئەمە پرۆسەیەکی درێژخایەنە و لانیکەم پانزە بۆ بیست ساڵ و لەوانەیە زیاتریش بخایەنێت، بەڵام ناگەڕێتەوە دواوە. کەوابوو لە کورتخایەن… Read in full →

🔹 قەندیل پرێس: وەڵامدانەوەی خێرای خەڵکی ڕۆژهەڵاتی کوردستان بۆ بانگەوازی مانگرتنە گشتییەکان لە ساڵیادەکانی بزووتنەوەی ژینا—تەنانەت لە کاتێکدا کە حیزبەکان لە دەرەوە بۆردومان دەکران و لە ناوخۆش سەرکوت لە لووتکەدا بوو—نیشانیدا هێشتا بەستەری نێوان کۆمەڵگە و ئۆپۆزیسیۆن لەم بەشەی نیشتمان بەهێزترینە بەراورد بە سەرانسەری ئێران. پەیامی ئەم یەکدەنگی و پتەوییەی شەقامی کوردی بۆ تاران چییە، بە تایبەت لە قۆناغێکدا کە دەسەڵات بەردەوام ترسی لە جووڵەی کوردی هەیە کاتێک ڕووبەڕووی قەیرانی گەورە دەبێتەوە؟ چۆن دەکرێت ئەم سەرمایە گەورەیە بۆ پرۆژەیەکی ڕزگاریخوازیی یەکلاکەرەوە وەبەرهێنانی تێدا بکرێت؟ 🔻 سەڵاح عەباسی: ئەوە ڕاستە سەرمایەی شەقام و ناڕەزایەتی لە کوردستان زۆر بەهێزە و هەروەها پەیوەندیی حزبە سیاسییەکان بە شەقام، بازاڕ و بۆچوونی گشتی لە کوردستان زۆر بەهێزترە تا لە تاران. ئەمە یەک پەیامی گەورەی پێیە بۆ تاران، شرۆڤەکاران و چاودێرانی جیهانی و ناوچەیی. پەیامەکە ئەوەیە لە ئەگەری ڕووخانی کۆماری ئیسلامی یان کز و لاوازبوونیدا ڕاپەڕین ڕوودەدات و کورد دیسانەوە دەست بەسەر هەموو ناوەند و بنکە و پێگە دەوڵەتییەکاندا دەگرێت. بێگومان لە کاتێکی وەهادا دەبێت دەرس لە ڕاپەڕینی باشوور و هەروەها ڕاپەڕینی شۆڕشی ١٩٧٩ وەرگیرێت و هەڵەکانیان دووپات نەکرێتەوە. شێوەی پەیوەندیکردنی کوردی سووریا بە دەوڵەتی سووریاوە دوای ئەوەی ئەسەد بەشێکی گەورەی کۆنتڕۆڵی خۆی بەسەر سووریادا لەدەست دا، ئەزموونێکی دەوڵەمەندە و دەبێت دەرسی پێویستی لێ وەربگیرێت. ئێمە نازانین دوای ڕووخانی کۆماری ئیسلامی چی ڕوودەدات، بەڵام کورد دەبێت تا ئەو جێگەیەی مومکین بێت پێش لە شەڕی ناوخۆیی بگرێت و ئاگربەست و ئاشتی لەگەڵ لایەنەکانی دیکە سەقامگیر بکات. لەوانەیە دوای ڕووخانی کۆماری ئیسلامی کورد بانگهێشتنی تاران بکرێت بۆ بەشداریکردن لە دەوڵەتدا و لەوانەیە لایەنگرانی سەربەخۆیی و جیاخوازی دژی ئەمە بوەستن. گرنگە کورد چاوەڕوانی ئەوە نەبێت ناوەند پۆست و پلەی پێ ببەخشێت، بەڵکو چالاکانە بەشداری بکات لە دەوڵەتی نوێدا و نەک خۆی وەکو حاکمی کوردستان پێناسە بکات، بەڵکو وەکو لایەنێکی بەهێز لە تاران خۆی پێناسە بکات. ئەمە دەتوانێت دەستپێکی سیاسەتی ئینتیگراسیۆن بێت لە ئێران. بەهەرحال گرنگە ناوەندێکی سیاسی هەبێت و توانای بڕیاری سیاسیی یەکپارچەی هەبێت؛ واتە دیاردەی پا… Read in full →

🔻 سیناریۆی درۆنە ئۆکرانییەکان لە هەرێمی کوردستان؛ ئامانجە شاراوەکانی تاران بۆ تێوەگلاندنی هەرێم لە گرژییە هەرێمییەکان قەندیل پرێس: ڕاپۆرتی شیکاری 🔹 لە کاتێکدا دۆخی ناوچەکە بە گشتی و پەیوەندییەکانی نێوان تاران و هەولێر لە دۆخێکی هەستیار و لێواردا دەژین، دیسانەوە شەپۆلێکی نوێی فشاری میدیایی و ئەمنی لە ڕێگەی ناوەندە فەرمی و نزیکەکانی کۆماری ئیسلامیی ئێرانەوە ڕووی لە هەرێمی کوردستان کردووە. لەم چوارچێوەیەدا، ئاژانسی تەسنیمی سەربە سوپای پاسدارانی ئێران لە ڕاپۆرتێکی چەواشەکارانەدا بانگەشەی ئەوەی کرد کە ئۆکرانیا هەزاران درۆن و یەکەی سەربازی لە خاکی هەرێمی کوردستاندا جێگیر کردووە. ئەم هەواڵە هەر زوو لەلایەن باڵیۆزخانەی ئۆکرانیا لە عێراقەوە بە توندی ڕەتکرایەوە و بە هەوڵێکی ناڕاست و ئاراستەکراو وەسف کرا. بڵاوکردنەوەی ئەم جۆرە پڕووپاگەندانە، پرسیاری قووڵ لەسەر ئامانجە شاراوەکانی تاران و پانۆرامای نوێی فشارەکانی سەر هەرێم دروست دەکات . 🔹 دووریی جوگرافی و مەحاڵبوونی لۆژیکی؛ بۆچی پڕووپاگەندەکەی تەسنیم پووچە؟ لە ڕووی سەربازی، لۆژستیکی و جوگرافییەوە، هەولێر و خاکی هەرێمی کوردستان نزیکەی دوو هەزار کیلۆمەتر لە کیێڤ و خاکی ئۆکرانیاوە دوورن. ئەم دوورییە زۆرە لەگەڵ دۆخی ئێستای ئۆکرانیا، کە خۆی لە جەنگێکی قورس، درێژخایەن و وێرانکەردا لەگەڵ ڕووسیا دەناڵێنێت، وای لێدەکات کە تەرخانکردنی هەزاران درۆن و یەکەی سەربازی بۆ ناوچەیەکی دووروەکەوتەی وەکو هەرێمی کوردستان، لە ڕووی لۆژستیکییەوە هیچ بنەمایەکی نەبێت و لە ڕووی مەیدانییەوە کارێکی تەواو مەحاڵ بێت. چاودێران و شارەزایانی کاروباری سەربازی ئاماژە بەوە دەکەن کە وڵاتێک خۆی لە بەردەم کەمبوونی توندی کەرەستەی جەنگیدا بێت لە بەرەی پێشەوەی جەنگەکەیدا، هەرگیز ناتوانێت و ناوێرێت سەرچاوە سەربازییەکانی بۆ دەرەوەی سنوورەکانی خۆی و ناوچەیەکی وەک ڕۆژهەڵاتی ناوەڕاست بگوازێتەوە. کەواتە، بە گوتەی شیکەرەوان، بڵاوکردنەوەی ئەم بابەتە لەلایەن ئاژانسێکی فەرمیی نزیک لە سوپای پاسدارانەوە، تەنها هەواڵێکی هەڵبەستراو و چەواشەکارانە نەبووە، بەڵکو پەیامێکی مەبەستدار و ئاراستەکراوە کە ئامانجی سیاسی و ئەمنی گەورەتری لەپشتەوەیە. 🔹 ئامانجە شاراوەکانی پشت هەواڵەکەی تەسنیم؛ دیدگای شیکەرەوان شارەزایانی سیاسی و شرۆڤەکارانی ناوچەکە پێیان وایە تاران لە ڕێگەی دروستکردنی ئەم سینا… Read in full →

لە لایەکی ترەوە، لەگەڵ تێکەڵبوونی گۆڕەپانی عێراق و هەرێم بە هاوکێشە فراوانەکانی ڕۆژهەڵاتی ناوەڕاست، تاران هەرێمی کوردستان وەک ناوچەیەک دەبینێت کە ئەگەر لەلایەن خۆیەوە کۆنترۆڵ نەکرێت، دەکرێت لەلایەن نەیارە نێودەوڵەتییەکانەوە بۆ لێدان یان سیخوڕیکردن بەکاربهێنرێت، بۆیە هەواڵەکەی تەسنیم هەوڵێکە بۆ پێشوەختە دروستکردن و گەورەکردنی ئەم مەترسییە خەیاڵییە. ڕەتکردنەوەی خێرای باڵیۆزخانەی ئۆکرانیا نیشانەی ڕوونی ئەوەیە کە ئەم دەنگۆیانە هیچ بنەمایەکی ڕاستەقینەیان نییە و تەنها جۆرەن لە شەڕی دەروونی، میدیایی و سیاسی. تاران دەیەوێت بە بەکارهێنانی ئاژانسە نیمچە فەرمییەکانی، فشاری سیاسی لەسەر هەرێمی کوردستان دروست بکات و بیانوو بۆ هەنگاوە داهاتووەکانی لە ناوچەکەدا بهۆنێتەوە، ئەمەش پێویستی بە هەڵوێستێکی یەکگرتوو، هۆشیاریی سیاسیی توند و دیپلۆماسییەکی چالاکی لایەنەکانی هەرێم هەیە بۆ ڕێگریکردن لە تێوەگلانی ناوچەکە لەم پیلانە میدیایی و ئەمنییانەدا.