ប្រសាសន៍សំខាន់ៗថ្នាក់ដឹកនាំកំពូលៗកម្ពុជា

សម្តេចបវរធិបតី ហ៊ុន ម៉ាណែត អញ្ជើញចូលរួមបើកមហាសន្និបាត សហព័ន្ធអតីតយុទ្ធជនអាស៊ាន (VECONAC) លើកទី២៥។ ការរៀបចំមហាសន្និបាត VECONAC នៅកម្ពុជា គឺជាឱកាសដ៏សំខាន់សម្រាប់អតីតយុទ្ធជននៃបណ្តាប្រទេសអាស៊ាន ក្នុងការបញ្ជាក់ជាថ្មីនូវការប្តេជ្ញាចិត្តរួមគ្នា ក្នុងការពង្រឹងសាមគ្គីភាព មិត្តភាព និងកិច្ចសហប្រតិបត្តិការ ព្រមទាំងផ្លាស់ប្តូរបទពិសោធន៍ និងចែករំលែកឧត្តមានុវត្តន៍ក្នុងការលើកកម្ពស់សុខុមាលភាពអតីតយុទ្ធជន។ រាជធានីភ្នំពេញ ព្រឹកថ្ងៃចន្ទ ទី៥ តុលា ២០២៦ #៣នាទីពីនយោបាយនិងសង្គម #ការអភិវឌ្ឍ #សន្តិភាពនៅកម្ពុជា #រាជរដ្ឋាភិបាលអាណត្តិទី៧

សម្តេចបវរធិបតី ហ៊ុន ម៉ាណែត រួមជាមួយនឹងលោកជំទាវបណ្ឌិត ចូលរួមអរសាទរខួបលើកទី៨០ឆ្នាំ នៃថ្ងៃបង្កើតសាកលវិទ្យាល័យវិទ្យាសាស្ត្រសុខាភិបាល សម្ពោធអគារសិក្សាថ្មី ២ខ្នង និងប្រគល់សញ្ញាបត្រជូនដល់និស្សិតជ័យលាភី នៃសាកលវិទ្យាល័យវិទ្យាសាស្ត្រសុខាភិបាល។ សាកលវិទ្យាល័យវិទ្យាសាស្រ្តសុខាភិបាល ត្រូវបានបង្កើតឡើងនៅឆ្នាំ ១៩៤៦ ដំបូងមានឈ្មោះថា “សាលាមន្រ្តីសុខាភិបាល” ហើយបានវិវត្ត និងប្តូរឈ្មោះជាបន្តបន្ទាប់។ ក្រោយពីត្រូវបានបោះបង់ចោលក្នុងរបប ប៉ុល ពត ស្ថាប័ននេះបានបើកដំណើរការឡើងវិញនៅឆ្នាំ ១៩៨០ និងបានក្លាយជាសាកលវិទ្យាល័យវិទ្យាសាស្រ្តសុខាភិបាលនៅឆ្នាំ ១៩៩៧។ នៅខែធ្នូ ឆ្នាំ ២០០១ សាកលវិទ្យាល័យបានក្លាយជាគ្រឹះស្ថានសាធារណៈរដ្ឋបាល ហើយបានបន្តអភិវឌ្ឍធនធានមនុស្ស ហេដ្ឋារចនាសម្ព័ន្ធ និងសម្ភារៈបរិក្ខារសិក្សា។ នៅឆ្នាំ ២០២៣ រាជរដ្ឋាភិបាលបានកែសម្រួលរចនាសម្ព័ន្ធសាកលវិទ្យាល័យ ដោយមាន ៩ អង្គភាព រួមមានមហាវិទ្យាល័យ៦ មន្ទីរពេទ្យសាកលវិទ្យាល័យ១ មជ្ឈមណ្ឌលស្រាវជ្រាវសុខភាពសាកល១ និងអង្គភាពកិច្ចការទូទៅ១។ រាជធានីភ្នំពេញ ថ្ងៃពុធ ទី៧ តុលា ២០២៦