المتحدي للوزاري || أ.احمد فوزي

📖 حكمـــة اليـــ📘ــوم 🤎 حبايب روحي 🤩 لتستعجلون بأي اختيار بحياتكم فكروا بكل خطوة قبل لا تخطوها لأنُ كل اختيار اليوم ممكن يرسم الكم طريق باجر ✅ ومو كل اختيار يسويه غيركم لازم يكون اختياركم اختاروا الشي اللي تشوفون بيه مستقبلكم ويقربكم من حلمكم✨ قبل كل خطوة صفنوا ويا نفسكم واسألوا: هذا القرار راح يقربني من حلمي لو يبعدني عنه ❓ 🌱 فكروا صح حتى تخطون صح وتوكلوا على الله واذا جان اختياركم صح الله يفتحها بوجهكم ويكتبلكم الخير بكل خطوة تخطوها ❤️

حبايب الروح طلابنا الابطال ❤️ بلشت متأخر عندك تراكمات ونقوصات ❓❓️ لا تشيل هم رتبتلكم جدول رهيب يسد كُلشي يا ابطال 🌟❤️

📢 حبايب الروح 💚 الانتساب مو هو اللي يحدد نجاحك او فشلك انت اللي تحدد حتكول شلون؟ 🤔 الانتساب مو معناها تترك الدراسة على راحتك ولا معناها يوم تقرأ ويومين تترك الانتساب مسؤولية والتزام وانت اللي تحدد اذا يكون طريق نجاحك لو لا🟢 من تسوي لنفسك جدول وتلتزم بيه من تكعد الصبح وتبدي تقرأ بدل مترجع تنام وتضيع اليوم كله ومن تعرف شوكت تدرس وشوكت ترتاح هنا انت دا تستفيد من الانتساب بالشكل الصح ✨ اما اذا كل يوم تأجل وتكول: «باجر ابدأ» فالمشكلة مو بالانتساب المشكلة انُ انت ملتزمت بالقرار اللي اخذته ⭐ اذا تختار الانتساب درب نفسك على الالتزام غير من عاداتك رتب وقتك وخلي حلمك من اولوياتك ولا تنتظر احد ينظملك يومك لأنُ انت المسؤول عن وقتك دراستك ومستقبلك 🩷 💗وتذكروا حبايب الروح سواء جنت مدرسة او انتساب الفرق الحقيقي مو بالمكان الفرق بالتزامك واصرارك🎤 ✅ فأذا تختار الانتساب كون كد قرارك والتزم بي وخلي حلمك يستاهل كل دقيقة من يومك 💯 اضغط هنا 🩷

✏️ في يومــــنا الوطــــني 🇮🇶 بهاليوم ما اريد احجي عن وطن نعيش بيه وبس… 🌟 اريد احجي عن وطن يعيش بينا بكل حلم نحلمه بكل خطوة نخطوها وبكل نجاح نحققه 😒 اليوم مو بس مناسبة نحتفل بيها اليوم نوكف ونفتخر ببلد اسمه العراق بلد مهما مرت عليه الأيام والظروف يبقى شامخ بأهله بشبابه وبأحلامهم 👻 واني أؤمن انُ اجمل شيء نكدر نقدمه لبلدنا هو انُ كل واحد منا ينجح بمكانه يحقق حلمه ويصنع مستقبله حتى يكون جزء من مستقبل عراقنا ❤️ كل عام والعراق واهله بألف خير وكل عام واحنا نكبر بأحلامنا ويكبر بينا وطنا🇮🇶✨ — الأستاذ أحمد فوزي 💙

بدت المدرسة! ابد لاترتبكون واسمعوها هاي الرسالة زين❤️