مشعات•

الكلب الذي تحت بيتنا كل شويه ويحفحف وبعدين يرجع يعوي ساع الذئب وبعدين نسمع زئيره ساع الأسد الزنوه معه ثلاثة طبقات صوتية اعظم من الفنان أبو بكر سالم ..!!

ميت ضحك وبنفس الوقت زعلت عليه والله جأت لاعند صاحبي زبونه سعودية بنت عادها شباب عمرها يقارب يمكن ٢٣ أو ٢٤ المهم جات لاعند صاحبي تشتري منه الولد طيب ومسكين وعلى نيته وعاده جديد على السعودية فجالس يباشر البنت بعدين البنت سألته على منتج وقالت له كيف ذا ، كويس ولا لا والولد رد عليها رد عفوي طبيعي وقالها خذيه وجربيه براحتك وشوفي إذا بيعجبك ولا رجعيه عادي والبنت حسها راااح لاعند الهندليز طوالي وقصدها ان الولد بيغلط عليها المهم الولد ماجاش في باله ابدا انها عتفهمه بهذيك الطريقه الغلط خلص شغله طبيعي وفجأة إلا والمدير اتصله وبيقول له انت موقف عن العمل ليش ياعم ايش في ايش سويت قال انت عارف ايش سويت لاتقلد غبي واحمد ربك إن البنت اشتكتني انا وما اشتكت للحكومه الولد مصدوم ومقهور وبنفس الوقت جالس يضحك على مزناوة البنت كيف حرفت المجبر وأكثر شي ضحكني في الموضوع كله أني قبل يومين بين اقوله كيفك وهو قالي ويش تبغى يابو يمن ..!! هههههههههههههههههههههههههههههههههههههههههههههههههههههههههههههههههههههههههههههههه

السعودية سمت حقها الطائرات المسيرة "دبور السماء" وكلما ضبح مولعي وقام يفضفض عن شعوره بمنشور ويكتب "الدبور محلق فوقنا" قالوا السعاودة بدأ الهجوم تم الاستهداف صنعاء تشتعل 🔥 يا ويلي ويلاه والدنيا هدوء مابش حاجة قر يا مأبون انت تخسر وتخزن بمبلغ وهم اللي يكيفوا ..!!

تشوف الحرب بين اوكرانيا وروسيا وتسبح في ملكوت الله وتقول ماهذا النظام والتنسيق في الحرب وتذكر الحرب حقنا وتقول عيال القحبه دخلوا يتعلموا المحاربه من اليوتيوب ساع قنوات الطبخ ..!!

جاء يقلي خزن عشان نشجع المنتخب اليمني يعني قدهم عيخسروا .. عادنا ازيد اخسر لهم حق قات ..!!

ركزت العلم اليمني علم داخل وعلم خارج السيارة بين امشي في شميلة لما وصلت السوق عند الزحمة، زحمة قوي ساعة ذروة فجأة واحد من سيارة سوناتا من جهة اليسار، مش السواق، ذي راكب جنبه بدى راسه شاف لعندي وقال انت سبتمبري تبع 26 سبتمبر رديت بكل فخر واعتزاز ايوه سبتمبري أبً عن جد قال كم حاسبوك زلط، كم حصلت دولارات كم راتبك بالشهر حاسبوني منهم ذي حاسبوني وراتب ايشهو هذا الراتب هذي كلمة غريبة عليا والله راتب راتب راتب للأسف غريبة قوي قال ياظريف بتفعل نفسك غشيم كم حاسبوك أمريكا وبريطانيا كم ادو لك عشان تخرج تحتفل اسكه روينا كتمت الضحكة صميل ذيك الساع لأن عندي نوبة ضحك حاده لو اضحك ماعد اقدرش اوقف اقل شي نص ساعة وانا بين اسوق في شارع وزحمة يعني مشكلة لو اضحك شاعطل السير حتى باب اليمن، قاومت النكتة وقلت طيب مادخل أمريكا وبريطانيا بالموضوع قال لأنو مستحيل يوجد يمني حر شريف نظيف يخرج يحتفل بثورة تثير الفتنه بين أوساط المجتمع وبتسبب مشاكل للعامة وتزعزع الأمن والأستقرار خصوصاً بعد ما تصدرت اليمن رأس أخبار العالم وأصبحت دولة عظمى لاتقهر مره ثانيه كتمت الضحكة ضحكت مدخل، صدري شاينفجر تمالكت نفسي .. رديت عليه أولاً هذي ثورة وطنية تمثل كل يمني حر ورمز عظيم للحرية والعدالة والاحتفال فيها حق وواجب وطني ثانياً أنا خرجت بشكل سلمي لا حملت سلاح ولا زعزعت أمن .. ولا استفزيت أحد رفعت العلم، علم بلادي وماشي بسيارتي في أمان الله وانت ذي بدأت الاستفزاز والتهم ثالثاً انتو بتحتفلوا طول السنه هل منعناكم لا، إذن خلونا نحتفل وبطلوا شقحات والدنيا سابره مابش شي واحنا اخوه قال يلا سابر احتفل براحتك أنا بين امزح معك لكن ماقد قلت لي كم بتحصل دولارات وكم بتسلتم راتب، هاهاها ابستم وابتسمت معه الولي متضايق شوية لكن لاحظت شخصيتة مرحه وبيمزج بين الخبث والطيبة والمرح والزعل يعني بيوصل فكرته بشكل وسطي لا كره ولا محبة ومبين من شكله مواطن ضابح حالته حاله زيه زينا بالضبط فكرت ارد المزح بمزح وقلت خلاص شاقلك كم بين استلم لكن سكته تمام ! تحمس بدوره توتر، كم قول كم قلت خمسة ألف دولار بالشهر ارتكض ذيك الساع، ضحك بالصوت صيح أخيراً اعترفت قد قلت لك مابش يمني حر شريف نظيف يخرج يحتفل امانه كيف عايش حياتك، كيف بترقد كيف بتأكل وتشرب كيف بتفعل ظميرك قلت حرام اني عايش مرتاح البال مفتهن الحمد لله بين اصرف بين أكل بين اخزن وبين

نرسلهم صاروخ يردوا الزنوات ب 20 صاروخ وكل صاروخ يمثل دولة مشاركة في الحرب اسكة نجرب نرسلهم مليون ريال عبر الصيفي مدري ويردوها 20 مليون ..!!

قناة التكتور طارق رسام الجديده انضموا عينزلكم نثرات ضخمة https://t.me/tcto_7