နှင်းစက်တို့၏ ဒိုင်ယာရီမှတ်တမ်း❄💌

ရှင်သန်ခြင်းနဲ့ သေဆုံးခြင်းဟာ မျက်မှန်ထူထူအောက်က မျက်ဝန်းတစ်စုံသာ #ပုဏ္ဏမိရိပ်ညို

ပျော်ရွှင်မှုဟာ စိတ်ကူးယဉ်ထဲမှာတောင် ရှာမတွေ့တော့ပါဘူး ရှားပါးပစ္စည်းတစ်မျိုးဖြစ်သွားပါပြီ။ #ရိပ်ငြိမ်

ဘဝမှာ ဆုံးရှုံးကတာတွေများလာတိုင်း တစ်စုံတစ်ခုကို ကျွန်တော်ဟာ ပါလို့ပြောရမှာ ကြောက်လာခဲ့တယ် ။ ကျွန်တော် ဘာကိုမှ မပိုင်ဆိုင်ရဲလောက်အောင် ဆုံးရှုံးခဲ့ပါတယ် ။ #ဂန္ဓမာ

နာကျင်ရတာများတော့ ကြင်နာရတာ ဘာလဲတောင်မသိတော့ဘူး #မယ်ညို

ညှိမှိုင်းနေတဲ့ တိမ်ဆိုင်တွေကိုမြင်တိုင်း သတိရမိပါတယ် ။ ဘယ်တော့မှ လက်လှမ်းမမှီခဲ့တဲ့ အဖြစ်တွေကို... #မယ်ညို

မဲနိုက်ရင်တောင် ဗလာပဲကျတဲ့ ကိုယ်က မင်းဆီက ချစ်ခြင်းမေတ္တာတွေရခဲ့တယ် ကံတရားက ဒီတစ်ခေါက်တော့ မျက်နှာသာပေးပီထင်ပါရဲ့ ။ #ငြိမ်းဇော်

ဒုတိယအကြိမ် ပွင့်သောပိတောက် ​နွေဦးတစ်လှည့်၊ ပြန်အလာမှာ မျှော်နေမိတဲ့... ရွှေဝါရောင်တွေ တစ်ခါပွင့်ပြီး၊ နွမ်းပြီအမှတ်နဲ့ ရင်ထဲမှာ... အလွမ်းသက်သက် ကျန်ခဲ့ရသူ။ ​အခုတော့လည်း... မမျှော်လင့်ဘဲ၊ ပွင့်လာပြန်ပြီ မိုးသက်လေးတစ်ဖြိုက်၊ ရွာချလိုက်တဲ့နောက် သစ်ကိုင်းထက်မှာ... ငုံဖူးတွေက ဝေဆာလို့။ ​ပထမအကြိမ်တုန်းက... လက်လွတ်ခဲ့ရတဲ့... အလှတရားတွေလား ဒါမှမဟုတ်... မပြောဖြစ်ခဲ့တဲ့ စကားတွေအတွက် အချိန်အခါက... ဒုတိယအကြိမ် အခွင့်အရေး ပေးတာလား။ ​မွှေးမြဲမွှေးဆဲ... ပိတောက်ရနံ့ရယ် ရွှေအဆင်းလို... လှပနေတဲ့ အဝါရောင်ရယ် ဒုတိယအကြိမ်... ပြန်ပွင့်ရခြင်းမှာ ကိုယ့်ရဲ့ အချစ်တွေလည်း... တစ်ဖန်ပြန် နိုးထခဲ့ရပြီ။ ​ပိတောက်ရယ်... မင်းလေးကတော့... တစ်နှစ်မှာ နှစ်ခါပွင့်နိုင်ပေမယ့် ကိုယ့်ရဲ့နှလုံးသားကတော့... မင်းလေးတစ်ယောက်တည်းအတွက်ပဲ... ထာဝရပွင့်လန်းနေမှာပါ။ #အလင်းညို

လူတိုင်း မှာ ချစ်ရတဲ့ သူတစ်ယောက်ဆိုတာ ရှိစမြဲပါ...။ ကျွန်တော့်မှာ လည်း ရှိပါတယ်။ အရမ်းချစ်ရတာထက် တောင်ပို ‌ချစ်တာများ ရှိခဲ့ရင် အဲ့တာလေးနဲ့အစားသွင်း ချင်မိတယ်။ အဲ့လို ချစ်ရတဲ့ သူရှိနေမှတော့... ချစ်ရတဲ့ သူနဲ့ မျှော်မှန်းထားတဲ့ အိမ်မက်တွေလည်း ရှိတာပေါ့။ ကျွန်တော်က သူများတွေနဲ့ မတူဘူးဗျ။အရာရာကို အဆုံးစွန်ထိ တွေး တတ်တယ်။ အခုဆို ချစ်ရတဲ့ သူလေးနဲ့ လက်ထပ်ပြီးရင် သူမအပြုံးလေးထိုင်ကြည့်မယ်။သူ‌ လေးပျော်အောင်ထားမယ်။သူမနဲ့ မိသားစုဘဝလေး ‌‌ ထောင်မယ်က အစ တွေးထားတာပေါ့။ တကယ်လို့များ.... ကျွန်တော် မျှော်လင့် သလိုဖြစ်မလာ ခဲ့ရင်ရော ဘာများ ဖြစ်နိုင်ပါလိမ့်မလဲ.... 🌅မြနေအောင်